1 SAMƲƐL 4:19 - WƖA TENIŊ

¹⁹ Bʋa deeŋ lɛ dɩ Eli nanʋala Finihas haala kɛŋ luoruŋ, ʋ lʋlʋŋ yi. Ʋ sɩ nɩa dɩ ba yuo laa Wɩa niiriŋ daga-la, ʋ bala nyɩmma arɩ ʋ bala ma kala sʋʋ, ʋ luoruŋ guu wʋwɩɩ dɩ ʋ lʋl, ama ʋ luo-wɩɩla-la jʋʋ ʋ lɛ nɛ woruŋ, ʋ chɩchɛ dɩ ʋ sʋʋ.

1 SAMƲƐL 4:19 ပူးပေါင်းရင်းမြစ်များ

WƖAA DƖ-SUOMUŊ 3:16

Ŋɩɩ nɛ aŋ bɩra bʋla pɩ haal-la ma, “Mɩ jaŋ leŋ dɩ ŋ na hɛɛŋ biiriŋ lʋlʋŋ lɛ. Dɩ ŋ nɩɩ lʋl, ŋ hɛɛŋ jaŋ yʋga pɛ. Ama ŋ ha jaŋ hɩhɩɛnɛ ŋ bala ʋ jaŋ kɛŋ doluŋ ŋ nyuŋ.”

WƖAA DƖ-SUOMUŊ 35:17

Bʋa-la lɛ ʋ sɩɩ na hɛɛŋ ŋɩɩ, hachagɩra bʋla pʋ, “Sɩ́ leŋe dɩ fawʋllʋŋ kɛnɩŋ, ŋ jaŋ bɩra lʋl hambolibie.”

1 KUOROO 14:1

Bʋa-la tɩtɩa lɛ dɩ Jerobuam nanʋala Abija ka wɩɩlʋ.

WƖA YƖƖLAA 78:64

Ba kpʋ ba Wɩɩsʋllɩ sɩpaalaaraa kala, aŋ pɔ dɩ ba yo-haalaa sɩ́ yel.

JƐRƖMAAYA 26:6

ŋɩɩ-na mɩ jaŋ leŋ dɩ mɩ dɩɩ-balɩŋ deeŋ ma nagɛ taŋ-la ba sɩɩ yɩrɛ Sɩlɔ, dɩ dʋnɩa tinteyee nɩaa kala kɛŋ tabalɩŋ deeŋ yɩrɩŋ ŋmɩɛsa hɩhɛ nɩaa lɛ.’ ”

1 SAMƲƐL 4:18

Baal-la sɩ yɩrɛ Wɩa niiriŋ daga-la yɩrɩŋ, Eli sɩ hɔŋ kpasa-la nyuŋ boi-baalɩŋ lɛ, ʋ wulle tel hambayala. Ʋ sɩ tele ŋɩɩ, ʋ baŋŋaa bori ʋ sʋʋ, bɛɛ wɩaa ʋ fa hɩɛsa nɛ aŋ yuŋ woruŋ. Ʋ fa laa Iziral tɩŋŋaa sɩpaaŋ jɩsɩŋ mahɩŋ balɩa nɛ.

1 SAMƲƐL 4:20

Bʋa-la lɛ ʋ sɩɩ chɛ dɩ ʋ sʋʋ, haala-la sɩ kɛnʋ ʋ lʋl bʋla pʋ, “Sɩ́ fawʋllʋŋ fá, hambolibie nɛ ŋ lʋl.” Ama ʋ bɩ wɩɩkala bʋla, ʋ bɩ ba teeŋ jegile.