1 SAMƲƐL 4:18 - WƖA TENIŊ

¹⁸ Baal-la sɩ yɩrɛ Wɩa niiriŋ daga-la yɩrɩŋ, Eli sɩ hɔŋ kpasa-la nyuŋ boi-baalɩŋ lɛ, ʋ wulle tel hambayala. Ʋ sɩ tele ŋɩɩ, ʋ baŋŋaa bori ʋ sʋʋ, bɛɛ wɩaa ʋ fa hɩɛsa nɛ aŋ yuŋ woruŋ. Ʋ fa laa Iziral tɩŋŋaa sɩpaaŋ jɩsɩŋ mahɩŋ balɩa nɛ.

1 SAMƲƐL 4:18 ပူးပေါင်းရင်းမြစ်များ

WƖA YƖƖLAA 26:8

Mɩ Tɩɩna, mɩ cho ŋ dɩa-la lɛ ŋ sɩ hɛ nɛ woruŋ, lee-la ŋ tʋla sɩ chaana.

WƖA YƖƖLAA 42:10

Ba dɔgɩsɛmɛ nɛ mɩ haŋgbelee kala wʋwɩɩ, aŋ pɩpɩɛsɛmɛ bʋa na-kala, “Nɩɩ nɛ ŋ Wɩa hɛ?”

WƖA YƖƖLAA 42:3

Mɩ yele nɛ wɩɩhɛyɛ arɩ tɩtaŋɩŋ kala. Sɩlɩɩrɩŋ ŋaa mɩ kʋdiilee, ka nɩaa pɩpɩɛsɛmɛ tapʋlɩɩ kala, “Nɩɩ nɛ ŋ Wɩa hɛ?”

WƖA YƖƖLAA 69:9

Wɩa dɩa wɩaa ka dii mɩ nɛ woruŋ a nagɛ nyiniŋ, jomo-la ba sɩ joŋo tʋʋsɛ ŋ-na Wɩa, ba nɛ ba joŋoo tʋʋsɛ mɩ ma.

LEVI DOHO NƖAA 10:3

Ŋɩɩ nɛ Mosis bʋla pɩ Arɔŋ, “Wɩɩŋ deeŋ wɩaa nɛ La TƖƖNA fa bʋl ŋɩɩ, ʋ sɩ: ‘Nɩalɩŋ sɩ kʋ kpagɛmɛ, mɩ jaŋ dagɛba arɩ mɩ bɩ disiniŋ kɛnɛ. Nʋʋkala jaŋ zilmi.’ ” Ŋɩɩ nɛ Arɔŋ ŋaa chɩm.

SƖPAALAARAA 15:20

Samɩsɩŋ laa Iziral tɩŋŋaa sɩpaaŋ jɩsɩŋ mara nɛ, bʋa-la lɛ Fɩlɩsɩtɩa tɩŋŋaa sɩ kɛŋ doluŋ Iziral tɩŋŋaa nyuŋ.

1 SAMƲƐL 4:13

Ʋ mʋa dɩ Eli hɔŋ wombiiŋ niiŋ a bibeŋ leriŋ, bɛɛ wɩaa ʋ bɔyɛ faa joŋ Wɩa niiriŋ daga-la wɩaa nɛ. Baal-la sɩ jʋʋ taŋ-la, a bʋl wɩalɩŋ kala sɩ ŋaa a pɩba, jaŋ nɩaa kala ŋmoo niiŋ.

1 SAMƲƐL 4:17

Baal-la sɩ kɛŋ duoso kɔ bɩra bʋl, “Iziral tɩŋŋaa fá nɛ Fɩlɩsɩtɩa tɩŋŋaa sɩpaaŋ. Ba chaasa kpʋ la laalɩyuoro nɛ woruŋ. Ba kpʋ ŋ nanʋa-baala-la balɩa ma nɛ, Hofini arɩ Finihas, aŋ laa Wɩa niiriŋ daga-la ma.”

1 SAMƲƐL 4:19

Bʋa deeŋ lɛ dɩ Eli nanʋala Finihas haala kɛŋ luoruŋ, ʋ lʋlʋŋ yi. Ʋ sɩ nɩa dɩ ba yuo laa Wɩa niiriŋ daga-la, ʋ bala nyɩmma arɩ ʋ bala ma kala sʋʋ, ʋ luoruŋ guu wʋwɩɩ dɩ ʋ lʋl, ama ʋ luo-wɩɩla-la jʋʋ ʋ lɛ nɛ woruŋ, ʋ chɩchɛ dɩ ʋ sʋʋ.