1 SAMƲƐL 3:20 - WƖA TENIŊ

²⁰ Iziral tɩŋŋaa kala, a chɩŋ Daŋ tinteeŋ lɛ a kaa mʋ yi taŋ-la ba sɩɩ yɩrɛ Bɛɛsɩba, nʋʋkala jɩma arɩ Samʋɛl sɛnɛ ŋaa La TƖƖNA wʋlaabʋllʋ nɛ.

1 SAMƲƐL 3:20 ပူးပေါင်းရင်းမြစ်များ

2 SAMƲƐL 17:11

Wɩɩ-la mɩ-na sɩ jaŋ bʋl nɛ: Leŋ dɩ la yɩrɛ laalɩyuoro-la kala sɩ hɛ Iziral tinteeŋ lɛ, a chɩŋ Daŋ sɩ hɛ wɩɩpɔsʋŋ nagʋa dɩɩrɩŋ, a kaa mʋ Bɛɛsɩba ma sɩ hɛ wɩɩpɔsʋŋ nadiiŋ dɩɩrɩŋ, dɩ ba kala kʋ hɛ dɔŋɔ, dɩ ŋ laalɩyuoroo yʋgɛ a nagɛ hagɩlɩ-bumbugulo sɩ pɩŋ fuoŋ niiŋ, dɩ ŋ-na tɩtɩa Abɩsalɔm laa ba sɩpaaŋ a kɛmba mʋ laalɩŋ,

2 SAMƲƐL 3:10

arɩ ʋ jaŋ laa kuoruŋ Sɔɔl doho nɩaa teeŋ a pɩ Devit dɩ ʋ ŋaa kuoro Iziral arɩ Juda tinteeŋ kala lɛ, a chɩŋ Daŋ tinteeŋ sɩ hɛ wɩɩpɔsʋŋ nagʋa dɩɩrɩŋ a kaa mʋ yi Bɛɛsɩba tinteeŋ sɩ hɛ wɩɩpɔsʋŋ nadiiŋ dɩɩrɩŋ.”

1 KUOROO 4:25

Bʋa-la lɛ Solomoŋ sɩ hɛ ʋ mɩɩsɩŋ lɛ, Juda arɩ Iziral tɩŋŋaa kala, a chɩŋ taŋ-la ba sɩɩ yɩrɛ Daŋ sɩ hɛ wɩɩpɔsʋŋ nagʋa a kaa mʋ taŋ-la ba sɩɩ yɩrɛ Bɛɛsɩba sɩ hɛ wɩɩpɔsʋŋ nadiiŋ, nʋʋkala fa hɔnɔ arɩ fɩɛlɩŋ nɛ, wɩɩkala bɩ ba jʋa. Nɩalɩŋ kala fa kɛŋ ba tɩtɩa tɩɩnɛnɛɛ bagɩsɩŋ arɩ ba tutogusuŋ nɛ.

ƐZƖKƖƐL 33:33

Dɩ wɩaa deemba kala nɛ kʋ ŋaa, ba saa jaŋ sɛnɛ ŋaa, ŋɩɩ nɛ ba jaŋ jɩŋ arɩ Wɩa wʋlaabʋllʋ nɛ fa hɛ ba tʋɔŋ.”

AMƆS 2:11

Mɩ nɛ lɩɩsɛ ma dɔnsʋŋ ma ŋaa mɩ wʋlaabʋllaa, ma dɔnsʋŋ ŋaa nɩalɩŋ sɩ joŋ ma tɩtɩa pɩmɛ baa yɩrɛ Nazarɩ tɩŋŋaa. Iziral tɩmma, wɩɩŋ deeŋ bɩ wʋtɩtɩɩ ŋaa? Mɩ-na ma TƖƖNA nɛ bʋla.

Tɩntɩŋŋaa 13:20

Ba hɔŋ nɩmɛ jɩsɩŋ zɔɔ-banɛsɛ arɩ mahɩŋ balɩa arɩ fii nɛ. Ŋɩɩ harɩŋ nɛ Wɩa lɩɩsɛ sɩpaalaaraa pɩba dɩ ba bibeŋ ba tinteeŋ. Ba vɛnɛɛ ŋaa ŋɩɩ nɛ a kʋ yi bʋa-la lɛ Wɩa wʋlaabʋlla Samʋɛl sɩ kɔ.

MOSIS BƖRA WULLI WƖA WOMBIIŊ 18:21

Ma jaŋ wuo pɩɛsɛ dɔŋɔ a bʋl, “Ɛɛ nɛ la jaŋ ŋaa jɩŋ arɩ La TƖƖNA Wɩa dee bɩ ʋ hɛ ʋ bʋbʋl wɩɩ-la?”

1 Timoti 1:12

Mɩɩ lɔllɛ La Tɩɩna Kirisito Yesu, bɛɛ wɩaa ʋ nɛ bene dɩ mɩ maga dɩ mɩ bʋl ʋ niiŋ wɩaa pɩ nɩaa. Ŋɩɩ nɛ tɩɩ ʋ lɩɩsɛmɛ dɩ mɩ tɩma pʋ. Ʋ nɛ pɩmɛ doluŋ dɩ mɩ wuo tɩtɩŋ tɩntɩmɩŋ deeŋ.

SƖPAALAARAA 20:1

Ŋɩɩ nɛ Iziral tɩŋŋaa kala, a chɩŋ Daŋ doho nɩaa sɩ hɛ wɩɩ-pɔnʋŋ nagʋa a kaa mʋ Bɛɛsɩba wɩɩpɔsʋŋ nadiiŋ, arɩ Gɩlɩad tinteeŋ nɩaa, ba kala lɩɩ hɛ dɔŋɔ a ŋaa nii-bala a hilimi La TƖƖNA sɩpaaŋ Mɩzɩpa lɛ.

1 SAMƲƐL 12:11

Ŋɩɩ nɛ La TƖƖNA hɛ Jerub-Baal, Barak, Jɛfɩta arɩ mɩ-na Samʋɛl, la kʋŋkala nɛ wuo laama ta ma dʋndɔŋŋɔɔ nɩsɩŋ lɛ, ma wuo hɔŋ, wɩɩkala bɩ maa walɩmɛ.