1 SAMƲƐL 3:19 - WƖA TENIŊ

¹⁹ Samʋɛl sɩɩ waa ŋɩɩ, La TƖƖNA chɩŋ ʋ harɩŋ nɛ woruŋ a leŋ wɩalɩŋ kala Samʋɛl sɩ bʋla sɛnɛ kʋ ŋaa.

1 SAMƲƐL 3:19 ပူးပေါင်းရင်းမြစ်များ

WƖAA DƖ-SUOMUŊ 21:22

Bʋa-la lɛ Abɩmɛlɛk arɩ ʋ laalɩyuori-hɩaŋ Fiko mʋ Abɩraham teeŋ a bʋla pʋ, “Wɩa chɩŋ ŋ harɩŋ nɛ, wɩɩ na-kala ŋ sɩɩ ŋaa lɛ.

WƖAA DƖ-SUOMUŊ 28:15

Bee-na, mɩ chɩŋ ŋ harɩŋ nɛ aa beniŋ lee-la kala ŋ sɩɩ mʋ. Mɩ jaŋ kɛnɩŋ mɩɩra kɔ tinteeŋ deeŋ. Mɩ bɩ jaŋ leŋiŋ, see mɩ sɩ ŋaa wɩɩ-la mɩ sɩ sɩ mɩ jaŋ ŋaa pɩŋ.”

WƖAA DƖ-SUOMUŊ 39:2

Ŋɩɩ nɛ Wɩa chɩŋ Josɛf harɩŋ, ʋ wɩɩkala wasɛ ʋ kʋhɩaŋ Ijipiti tɩɩna-la dɩa lɛ.

WƖAA DƖ-SUOMUŊ 39:3

Ʋ kʋhɩaŋ na arɩ Wɩa chɩŋ Josɛf harɩŋ nɛ a leŋ ʋ wɩɩkala wʋwasɛ woruŋ.

1 KUOROO 8:56

“Má dɛnnɛ La TƖƖNA, ʋ kɛŋ nii-la ʋ sɩ hɛ tɩŋ nɛ a leŋ la hɔŋ arɩ fɩɛlɩŋ. Wʋzɔmɔ-la kala ʋ sɩ bʋla pɩ ʋ tɩntɩnna Mosis arɩ ʋ jaŋ ŋaa, ba kala nɛ ʋ ŋaa.

2 KUOROO 10:10

Ma jɩŋ arɩ La TƖƖNA nɛ ŋaa ŋɩɩ, dɩ wɩalɩŋ kala ʋ sɩ bʋla kʋ ŋaa wʋtɩtɩɩ. Ʋ fa to ʋ tɩntɩnna Ɩlaaja lɛ nɛ a bʋl wɩaa deemba kala sɩ jaŋ ŋaa Ahab dɩa nɩaa lɛ.”

2 KUOROO 15:12

Ŋɩɩ nɛ wɩɩ-la La TƖƖNA fa sɩ bʋla pɩ Jehu sɛnɛ kʋ ŋaa wʋtɩtɩɩ: Ʋ fa sɩ, “Ŋ doho nɩaa jaŋ dii Iziral tinteeŋ kuoruŋ naansɩɩŋ bʋnɛsɛ a tɩgɛ dɔŋɔ lɛ.”

2 KUOROO 22:16

arɩ La TƖƖNA sɩ, ‘Mɩ jaŋ joŋ wʋlɔrʋnʋŋ hɛ Jerusalɛm arɩ ʋ nɩaa kala lɛ, arɩ teŋ-la Juda tinteeŋ kuoro sɩ karɩma sɩ dagɛ ŋɩɩ,

AZAAYA 43:2

Dɩ ma nɛ hɛ lɩɩŋ tʋɔŋ ma, mɩ jaŋ hɛ ma teeŋ, lɩɩ-la bɩ jaŋ wuo pɛllɛ paama. Dɩ ma nɛ hɛ nyiniŋ tʋɔŋ ma, ʋ bɩ jaŋ nyɩgɛma, ʋ bɩ jaŋ wuo diima.

AZAAYA 44:26

Mɩ nɛ leŋe wɩalɩŋ mɩ tɩntɩnna arɩ mɩ tɩndaaraa sɩ bʋla kʋ ŋaa wʋtɩtɩɩba. Mɩ bʋla arɩ nɩaa jaŋ bɩra hɔŋ Jerusalɛm lɛ, ka ba wasa saa Juda tasɩ-la ma sɩ pɩŋ jikpeeŋ.

AZAAYA 55:11

ŋɩɩ tɩtɩa nɛ mɩ niiŋ wɩaa ma nagɛ. Mɩ bɩ jaŋ bʋlba ka dɩ ba ŋaa pɛɩ, see dɩ wɩɩ-la mɩ sɩ bʋla ŋaa.

Matiu 1:23

Wɩalɩŋ ʋ fa sɩ bʋla nɛ ŋ-la: “Hatolo kʋbala ha sɩ bɩ baal jɩŋ jaŋ kɛŋ luoruŋ a lʋl hambolibie. Ba jaŋ hɛ ʋ yɩrɩŋ Ɩmanʋɛl.” (Ʋ yɩrɩ-la bʋbʋɔŋ nɛ Wɩa hɛ la teeŋ.)

Luuk 1:28

Ŋɩɩ nɛ Wɩa tɩndaarʋ-la kɔ ʋ teeŋ a chʋɔlʋ aŋ bʋla pʋ, “Wɩa cho ŋ wɩaa nɛ a pɛ ŋ lɛ woruŋ.”

Luuk 1:80

Ŋɩɩ nɛ bile sii waa a hɛ yaraa a kɛŋ doluŋ arɩ wʋjɩmɩŋ. Ʋ mʋ hɛ tintee-hɩlɩŋ tʋɔŋ a mʋ yi tapʋlɩɩ-la ʋ sɩ kɛŋ ʋ tɩtɩa kaa kʋ lɩɩ dagɛ Iziral tɩŋŋaa.

Luuk 2:40

Bile waa a kɛŋ doluŋ a kala ŋaa wʋjɩmɩɩ. Wɩa pɛ ʋ lɛ.

Luuk 2:52

Ŋɩɩ nɛ Yesu waa, ʋ wʋjɩmɩŋ ma pʋŋa pɛ. Wɩa chou, nɩaa ma zizilu woruŋ.

2 Kɔrɩntɩ Nɩaa 13:11

Mɩ naambiiriŋ, mɩ teniŋ dɩdɛrɩŋ nɛ ŋ-la. Maa ŋaa wɩalɩŋ sɩ jaŋ leŋ dɩ ma chaasa ŋaa nɩzɔmɔ. Má jegile nɩɩ wɩalɩŋ mɩ sɩɩ chɛ mɩ bʋla pɩma, má kɛŋ nii-bala a ŋaa sɩma. Dɩ ma nɛ ŋaa ŋɩɩ, Wɩa sɩ cho nɩaa jaŋ hɛ ma teeŋ a leŋ dɩ ma hɔŋ arɩ yarɩfɩɛlaa.

2 Kɔrɩntɩ Nɩaa 13:14

Laa sʋl La Tɩɩna Yesu Kirisito dɩ ʋ leŋ dɩ ma jʋʋ ʋ lahɔrɩmɔ, dɩ la Nyɩmma Wɩa ma choma, ka dɩ Wɩa Dɩŋ-zɔmʋŋ ma leŋ dɩ ma ŋaa kʋbala. Amɩɩ.

MOSIS BƖRA WULLI WƖA WOMBIIŊ 18:22

Dɩ Wɩa wʋlaabʋllʋ nɛ bʋl wɩɩ La TƖƖNA yɩrɩŋ lɛ, ka wɩɩ-la ʋ sɩ bʋla bɩ kʋ ŋaa wʋtɩtɩɩ, ŋɩɩ-na La TƖƖNA dee bɩ ʋ hɛ, ʋ bʋl wɩɩ-la ʋ tɩtɩa doluŋ lɛ nɛ, má sɩ́ ʋ fa.

2 Timoti 4:22

Wɩa jaŋ leŋ dɩ ŋ hɔnʋŋ zɔŋ. Ʋ lahɔrɩmɔ lɛ ʋ jaŋ pɛ ŋ lɛ.

JOSUA 21:45

La TƖƖNA fa sɩ hɛ niiŋ arɩ ʋ jaŋ ŋaa wʋzɔmɔ-la kala a pɩ Iziral tɩŋŋaa, ba kala nɛ ʋ ŋaa, ba kʋbala ma bɩ birige.

SƖPAALAARAA 13:24

Ŋɩɩ harɩŋ lɛ Manʋa haala lʋl hambolibie, a hɛ ʋ yɩrɩŋ Samɩsɩŋ. Ʋ waa, La TƖƖNA pɛ ʋ lɛ.

1 SAMƲƐL 10:7

Dɩ wʋmagɩlaa deemba kala nɛ kʋ ŋaa ŋ lɛ, wɩɩ-la na-kala ŋ sɩ bene dɩ ʋ zɔmɔ, ŋaa. Wɩa chɩŋ ŋ harɩŋ nɛ.

1 SAMƲƐL 12:2

Lɛɛlɛ ma kɛŋ kuoro nɛ dɩ ʋ laa ma sɩpaaŋ. Mɩ-na hɩɛsa nɛ, mɩ nyuŋ kala pʋllɛ. Mɩ kɛŋ biiriŋ nɛ ma tʋɔŋ. Mɩ hambiiriŋ kala lɛ nɛ mɩ ŋaa ma sɩpaalaarʋ, a kaa kʋ yi jɩnɩŋ.

1 SAMƲƐL 16:18

Tɩntɩnna-la dɔŋɔ bʋl, “Mɩ jɩŋ Jesi sɩ lɩɩ Bɛtɩlɛhɛm nanʋal kʋbala lɛ nɛ, ʋ chaasa jɩŋ cheŋ dunuŋ nɛ woruŋ. Ʋ ŋaa bɔɩ-duo tɩɩna nɛ, a ŋaa bayuoru. Ʋ ŋaa bapʋɔsɛ-zɔŋ nɛ, a jɩŋ wɩaa bʋlʋŋ woruŋ. La TƖƖNA chɩŋ ʋ harɩŋ nɛ.”

1 SAMƲƐL 18:12

Fawʋllʋŋ kɛŋ Sɔɔl a tɩŋ Devit wɩaa, bɛɛ wɩaa La TƖƖNA lɩɩ Sɔɔl harɩŋ nɛ, a mɩɩra chɩŋ Devit harɩŋ.

1 SAMƲƐL 18:14

Wɩɩ na-kala Devit sɩ ŋaa vɛŋ woruŋ nɛ, bɛɛ wɩaa La TƖƖNA chɩŋ ʋ harɩŋ nɛ.

1 SAMƲƐL 18:5

Dɩ Sɔɔl nɛ tɩŋ Devit dɩ ʋ mʋ ŋaa wɩɩ, ʋ yie ŋaa wɩɩ-la woruŋ nɛ. Ŋɩɩ nɛ Sɔɔl leŋ ʋ ŋaa ʋ laalɩyuoroo nɩhɩaŋ dɔŋɔ. Sɔɔl tɩntɩnnɩ-hɩasɩŋ arɩ nɩalɩŋ kala tʋɔŋ tɔrɛ wɩɩ-la Sɔɔl sɩ ŋaa pɩ Devit lɛ.

1 SAMƲƐL 2:21

Ŋɩɩ nɛ La TƖƖNA pɛ Hana lɛ, ʋ bɩra lʋl hambolibiisiŋ batori arɩ hantolibiisiŋ ma balɩa. Ama Samʋɛl-na hɛ La TƖƖNA teeŋ nɛ a mʋ waa.

1 SAMƲƐL 2:26

Ka Samʋɛl ha wʋwaa, La TƖƖNA arɩ nuhuobiinee kala tʋɔŋ tɔrɛ ʋ nyuŋ.

1 SAMƲƐL 9:6

Ama ʋ tɩntɩnnʋ-la bʋl, “Bee na, Wɩa tɩntɩnnʋ nɛ hɛ taŋ deeŋ lɛ, nɩaa zizilu woruŋ, bɛɛ wɩaa dɩ ʋ nɛ bʋl wɩɩkala, wɩɩ-la sɛnɛ yie kʋ ŋaa wʋtɩtɩɩ nɛ. Leŋ dɩ la mʋ ʋ teeŋ. Kapo ʋ jaŋ dagɛla wombii-la la sɩ jaŋ to.”