1 SAMƲƐL 3:17 - WƖA TENIŊ

¹⁷ Eli pɩɛsʋ, “Bɛɛ nɛ La TƖƖNA bʋla pɩŋ?” Pɔ ŋ sɩ́ wɩɩ-la joŋo faamɛ. Dɩ ŋ nɛ bɩ wɩalɩŋ kala ʋ sɩ bʋla pɩŋ bʋla pɩmɛ, Wɩa jaŋ dɔgʋsʋŋ kɩŋkɛŋ.

1 SAMƲƐL 3:17 ပူးပေါင်းရင်းမြစ်များ

2 SAMƲƐL 14:18

Ŋɩɩ nɛ kuoro bʋla pɩ haal-la, “Mɩɩ chɛ mɩ pɩɛsɩŋ wɩɩ nɛ, pʋpɔ ŋ sɩ́ wɩɩ-la bʋbʋɔŋ joŋo faamɛ.” Haal-la bʋl, “Kuoro, mɩ nɩhɩaŋ, pɩɛsɛmɛ wɩɩ-la ŋ sɩ kɛnɛ.”

2 SAMƲƐL 19:13

Aŋ bɩra pɩɛsɛ Amasa ma, “Mɩ chalɩŋ dee bɩŋ kaa? A lɩɩ bʋa deeŋ lɛ a kaa mʋ, dɩ mɩ nɛ bɩ leŋe dɩ ŋ ŋaa mɩ laalɩyuoroo nɩhɩaŋ, a laa Jʋab nyuŋ, a leŋ dɩ Wɩa dɔgɩsɛmɛ kɩŋkɛŋ.”

2 SAMƲƐL 3:35

Ŋɩɩ nɛ nɩalɩŋ kala kɔ a sʋsʋl Devit dɩ ʋ dii kɩaa dɩ taŋ ha bɩ bire, ama Devit ŋmɩɛsɛ a bʋl, “A leŋ dɩ Wɩa dɔgɩsɛmɛ kɩŋkɛŋ, dɩ mɩ nɛ dii kʋŋkala ka dɩ wɩɩ-muluŋ-na jʋʋ.”

2 SAMƲƐL 3:9

A leŋ dɩ Wɩa dɔgɩsɛ mɩ-na Abɩna kɩŋkɛŋ, dɩ mɩ nɛ bɩ Devit lɛ pɛ dɩ ʋ na wɩɩ-la La TƖƖNA sɩ hɛ niiŋ arɩ ʋ jaŋ ŋaa pʋ. La TƖƖNA hɛ niiŋ pʋ

1 KUOROO 22:16

Kuoro Ahab bɩra pɩɛsʋ, “Naansɩɩŋ bʋŋmɛɛ nɛ maga dɩ mɩ leŋ dɩ ŋ ŋmɩɛsɛ aŋ bʋl wʋtɩtɩɩ pɩmɛ La TƖƖNA yɩrɩŋ lɛ?”

2 KUOROO 6:31

Kuoro bʋl, “A leŋ dɩ La TƖƖNA dɔgɩsɛmɛ kɩŋkɛŋ, dɩ mɩ nɛ bɩ Safat nanʋala Elaasa nyuŋ kere jɩnɩŋ.”

WƖA YƖƖLAA 141:5

Leŋ dɩ tʋɔpʋl tɩɩna nɛ ŋmoomi, aŋ kɛmmɛ tʋra kɩɩ, ŋɩɩ nɛ zɔmɔ pɩmɛ. Ama mɩ bɩ chɛ dɩ nɩbɔŋŋɔɔ-na dagɛmɛ wɩɩkala. Mɩ sʋl Wɩa hɩhɛ ba wʋbɔmɔ-la lɛ nɛ bʋa na-kala.

JƐRƖMAAYA 38:14

Kuoro Zedikaaya tɩŋ ba mʋ yɩrɛ Wɩa wʋlaabʋlla Jɛrɩmaaya kɔ La TƖƖNA dɩɩ-bal-la boi-nii-tori-la leriŋ. Kuoro bʋla pɩ Jɛrɩmaaya, “Mɩɩ chɛ mɩ pɩɛsɩŋ wɩɩ nɛ, pʋpɔ ŋ sɩ́ wɩɩkala joŋo faamɛ.”

JƐRƖMAAYA 42:4

Ŋɩɩ nɛ Wɩa wʋlaabʋlla Jɛrɩmaaya bʋl, “Mɩ nɩa nɛ. Mɩ jaŋ sʋl ma TƖƖNA Wɩa arɩ ma sɩ bʋl ŋɩɩ. Mɩ jaŋ bʋl wɩɩ-la kala La TƖƖNA sɩ bʋla a pɩma, mɩ bɩ jaŋ joŋ wɩɩkala faama.”

DANƖƐL 4:19

Ŋɩɩ nɛ Danɩɛl (ba sɩ kaa yɩrɛ Bɛlɩtɛsaza) tʋɔŋ faasa chei a dieni mʋa. Ʋ tʋɔbɩɩnaa leŋ fawʋllʋŋ kɛnʋ. Kuoro bʋl, “Bɛlɩtɛsaza, sɩ́ leŋe dɩ duoso-la koo ʋ bʋbʋɔŋ leŋ dɩ fawʋllʋŋ kɛnɩŋ.” Bɛlɩtɛsaza ma bʋl, “Mɩ nɩhɩaŋ, mɩ fa cho dɩ duoso-la ŋaa nɩalɩŋ sɩ bɛrɩŋ wɩɩ nɛ, dɩ wɩɩ-la duoso-la sɩɩ dagʋ ma ŋaa ŋ dʋndɔŋŋɔɔ lɛ.

MƖKA 2:7

Ʋ bɩ maga dɩ ŋ bʋla pɩ Jekɔb doho nɩaa arɩ La TƖƖNA na baanɩŋ nɛ ba nyuŋ. Ʋʋ ŋaa wʋyiriba-la nɛɛ? Ʋ niiŋ wɩaa bɩ wʋzɔmɔ nɛ ŋaa a pɩ nɩalɩŋ sɩɩ ŋaa wɩaa ba bʋa lɛɛ?”

NAMBABA 23:17

Balam mɩɩraa mʋ dɩ Balak ha chɩŋ ʋ Wɩɩsʋlʋŋ kɩalɩŋ sɛmɛ, ʋ dɩ Mʋab tɩŋŋaa nɩhɩasɩŋ. Ŋɩɩ nɛ Balak pɩɛsɛ Balam, “La TƖƖNA sɩ bɛɛ nɛ?”

Matiu 26:63

Yesu tɔrɛ ʋ niiŋ. Ŋɩɩ nɛ Wɩɩsʋllɩ sɩpaalaaraa kʋhɩaŋ bʋla pʋ, “Wɩa-la sɩ weye yɩrɩŋ lɛ, bʋla pɩla, ŋ nɛ ŋaa Kirisito, nɩɩ-la Wɩa sɩ lɩɩsaa? Ŋ nɛ Wɩa Biee?”

RUF 1:17

Lee-la ŋ sɩ jaŋ sʋʋ, nɩmɛ nɛ mɩ ma jaŋ sʋʋ dɩ ba hugimi nɩmɛ. A leŋ dɩ La TƖƖNA dɔgɩsɛmɛ dɩ mɩ nɛ mɩɩrɛ ŋ harɩŋ, see sʋʋŋ nɛ jaŋ kɛnla pɔrɛ.”

1 SAMƲƐL 14:44

Sɔɔl bʋl, “A leŋ dɩ Wɩa dɔgɩsɛmɛ kɩŋkɛŋ, dɩ mɩ nɛ bɩ leŋe ba kpʋ ŋ-na Jonataŋ.”

1 SAMƲƐL 20:13

Dɩ mɩ nɛ wuo jɩŋ dɩ mɩ nyɩmma ka chɛ dɩ ʋ ŋaaŋ wʋbɔŋ nɛ, aŋ vɩa dɩ mɩ bʋla pɩŋ, dɩ ŋ fá viiri arɩ yarɩfɩɛlaa, a leŋ dɩ La TƖƖNA dɔgɩsɛmɛ woruŋ. A leŋ dɩ La TƖƖNA chɩŋ ŋ harɩŋ arɩ ʋ fa sɩ chɩŋ mɩ nyɩmma harɩŋ ŋɩɩ.

1 SAMƲƐL 25:22

a leŋ dɩ Wɩa dɔgɩsɛ mɩ-na Devit kɩŋkɛŋ, dɩ mɩ nɛ bɩ Nabal arɩ baal kala sɩ ŋaa ʋ dɩa nʋʋ kpʋa chie chʋchʋɔŋ.”

1 SAMƲƐL 3:16

Ŋɩɩ nɛ Eli yɩrʋ a bʋl, “Mɩ nanʋala Samʋɛl.” Ʋ sɩ, “Namɛ.”