1 SAMƲƐL 3:14 - WƖA TENIŊ

¹⁴ Ŋɩɩ wɩaa mɩ ŋmɩɛsa pɩ Eli dɩa nɩaa, arɩ wʋbɔŋ-la ba sɩ ŋaa, kʋŋkala tuo ba sɩ jaŋ wuo kaa kpʋ a sʋl Wɩɩsʋlʋŋ a pɩɩsɛ ba wʋbɔŋ-la ta.”

1 SAMƲƐL 3:14 ပူးပေါင်းရင်းမြစ်များ

WƖA YƖƖLAA 51:16

Ba sɩ kpʋ pʋsʋŋ a sʋl Wɩɩsʋlʋŋ arɩ kʋnyɩgaa Wɩɩsʋlʋŋ dee ŋ chɩchɛ. Dɩ ŋ nɛ faa chɛba, mɩ fa jaŋ ŋaa pɩŋ.

AZAAYA 22:14

La TƖƖNA doluŋ kala Tɩɩna sɩ bʋl wɩɩ-la mɩ nɩɩ nɛ ŋ-la: Ʋ sɩ, “Mɩ bɩ jaŋ joŋ wʋbɔmʋŋ deeŋ chɛma, a kaa mʋʋ yi ma sʋʋŋ bʋa lɛ.” La TƖƖNA doluŋ kala Tɩɩna nɛ bʋla.

JƐRƖMAAYA 15:1

Ŋɩɩ nɛ La TƖƖNA bʋla pɩmɛ, “Dɩ Mosis arɩ Samʋɛl nɛ fa paala kʋ chɩŋ mɩ sɩpaaŋ a sʋlmɛ ma, mɩ bɩ jaŋ fá nɩaa deemba nenige. Kiriba ta dɩ ba sʋrɩsɛ mɩ sɩpaaŋ! Leŋ dɩ ba mʋ!

JƐRƖMAAYA 7:16

Jɛrɩmaaya, sɩ́ mɩ sʋla pɩ nɩaa deemba. Sɩ́ ba naasɩŋ lɛ chɩna sʋl Wɩɩsʋlɩɩ kala, dɩ ŋ nɛ sʋla ma, mɩ bɩ jaŋ jegile nɩɩ ŋ teeŋ.

ƐZƖKƖƐL 24:13

Jerusalɛm, ŋ disiniŋ nɛ ŋaa hachɔrʋŋ wɩalɩŋ ŋ sɩ ŋaa. Mɩ hɛ doluŋ dɩ mɩ chɛsɛ disiŋ-la ta nɛ, ama ŋ bɩ sɛyɛ. Ŋ disiniŋ bɩra bɩ jaŋ lɩɩ, see dɩ mɩ joŋ baaŋ-la kala mɩ sɩ na ŋ nyuŋ a fɩɩsɛ ŋ lɛ ŋɩɩ deeŋ deeŋ dɩ ʋ mʋ fɩɛlɛ.

LEVI DOHO NƖAA 15:31

Ʋ maga dɩ ŋ chagɩlɛ Iziral tɩŋŋaa dɩ ba lɩɩsɛ ba tɩtɩa kɩalɩŋ sɩ jaŋ leŋ dɩ ba kɛŋ disiniŋ lɛ, dɩ ba sɩ́ disiniŋ ŋaa hɛ lɛbɩ-la lɛ mɩ sɩ yie kɔ ma teeŋ, dɩ ŋɩɩ leŋ dɩ ba sɩ́ sʋʋ.’ ”

1 SAMƲƐL 2:25

Dɩ nʋʋ nɛ ŋaa wʋbɔŋ ʋ dɔŋɔ lɛ, Wɩa jaŋ wuo jʋʋ ma balɩa pɛgɛ a kɛmma hɛ dɔŋɔ, ama dɩ nʋʋ nɛ ŋaa wɩaa chei La TƖƖNA teeŋ, kʋbɛɛ ma nɛ saa bɩra jaŋ jʋʋ ma pɛgɛ a kɛmma hɛ dɔŋɔ?” Ama ʋ hambolibiisi-la bɩ jegile nɩɩ ŋɩɩ ʋ sɩ kpʋrɩsɛ ba dɩgɩlaa, bɛɛ wɩaa La TƖƖNA paala kɛŋ ʋ tɩtɩa hɛ dɔŋɔ nɛ dɩ ʋ kpʋba.