1 SAMƲƐL 3:1 - WƖA TENIŊ

¹ Bʋa-la lɛ Samʋɛl fa sɩ hɛ Eli teeŋ a tɩtɩŋ La TƖƖNA tɩntɩŋŋaa, La TƖƖNA fa bɩ chaasa bʋl wɩaa pɩpɩ nɩaa. Ʋ fa bɩ ʋ tɩtɩa kaa dagɛ nɩaa duosoo tʋɔŋ ma a yʋgɛ.

1 SAMƲƐL 3:1 ပူးပေါင်းရင်းမြစ်များ

WƖA YƖƖLAA 74:9

La bɩra bɩ wʋmagɩl kala na, Wɩa wʋlaabʋllaa ma tuo. La kʋŋkala bɩ jɩŋ ŋɩɩ wɩɩŋ deeŋ sɩ jaŋ diene magɛ.

NAMAGABA 29:18

Dɩ nɩaa nɛ hɛ nɩmɛ a bɩ bee na wɩaa sɩpaaŋ, ba yie berimi nɛ, ama nɩalɩŋ sɩɩ to wɩalɩŋ ba sɩ bile dɩ baa to, Wɩa jaŋ leŋ dɩ ba tʋɔŋ tɔrɛ.

AZAAYA 13:12

Mɩ jaŋ leŋ dɩ nuhuobiinee nyaa tinteeŋ lɛ a nagɛ sɛlɩmɛ-la sɩ chaasa zɔŋ sɩ nyaa ŋɩɩ.

ƐZƖKƖƐL 7:26

Wʋlɔrʋnʋŋ jaŋ jʋʋba a lɩɩ aŋ ka pɩpɩ dɔŋɔ, dɩ ba nɩnɩɩ wʋbɔŋŋɔɔ bʋa na-kala lɛ. Ba jaŋ sʋl mɩ wʋlaabʋllaa dɩ ba dagɛba wɩalɩŋ ba sɩ jaŋ ŋaa. Wɩɩsʋllɩ sɩpaalaaraa sɩɩ dagɛ nɩaa wombii-la mɩ sɩ bile dɩ ba tuto bɩ jaŋ kɛŋ wɩɩ ba sɩ jaŋ bʋla pɩ nɩalɩŋ, nɩhɩasɩŋ ma bɩ jaŋ kɛŋ wɩɩ ba sɩ jaŋ dagɛba.

1 SAMƲƐL 2:11

Ŋɩɩ nɛ Ɛlɩkaana mɩɩra mʋ ʋ jaŋ Rama, ka Samʋɛl pɛ Wɩɩsʋllɩ sɩpaalaara Eli lɛ a tɩma pɩpɩ La TƖƖNA.

1 SAMƲƐL 2:18

Ama Samʋɛl-na fa hɛ La TƖƖNA teeŋ nɛ a tɩma pʋpʋ bʋa na-kala. Ʋ fa ŋaa bii-bie nɛ a laalɛ gɛrɩpɛ fʋfʋlʋŋ gɛrɩ-laala-daŋɩŋ.

1 SAMƲƐL 2:35

Mɩ jaŋ lɩɩsɛ nɩtɛŋɛ dɩ ʋ ŋaa Wɩɩsʋllɩ sɩpaalaarʋ, a ŋɩŋaa wɩalɩŋ kala mɩ sɩɩ chɛ. Mɩ jaŋ leŋ dɩ ʋ dɩa chɩŋ woruŋ, ʋ jaŋ tɩma pɩpɩ kuoru-la mɩ sɩ lɩɩsa bʋa na-kala.

1 SAMƲƐL 2:36

Dɩ nʋʋ nɛ ka ŋ doho nɩaa tʋɔŋ, ʋ jaŋ kʋ kpirimi mɩ Wɩɩsʋllɩ sɩpaalaara sɩpaaŋ, a sʋlʋ a chɩchɛ moribiee arɩ kʋdiilee mʋa. Ʋ jaŋ sʋlʋ a bʋl: Leŋ dɩ mɩ pɛ Wɩɩsʋllɩ sɩpaalaaraa lɛ a tɩtɩŋ a ma wuo na kʋdiilee mʋa a didii.’ ”

1 SAMƲƐL 3:15

Ŋɩɩ nɛ Samʋɛl pɩŋ taŋ pʋl, ʋ sii kɛŋ La TƖƖNA dɩa boiŋ niiree a suri. Ka fawʋllʋŋ fa kɛnʋ arɩ ʋ sɩ jaŋ bʋl wɩɩ-la ʋ sɩ na arɩ duosoo tʋɔŋ a pɩ Eli.

1 SAMƲƐL 3:21

La TƖƖNA fa vɛnɛ kɛŋ ʋ tɩtɩa kʋʋ dagɛ Samʋɛl nɛ Sɩlɔ lɛ a bʋl wɩalɩŋ ʋ sɩ jaŋ dagɛ Iziral tɩŋŋaa pʋ.