1 SAMƲƐL 27:12 - WƖA TENIŊ

¹² Akɩs laa Devit dii nɛ woruŋ, a bʋl ʋ tɩtɩa lɛ, “Ʋ nɩaa Iziral tɩŋŋaa chaasa bɩ ʋ wɩaa cho, ŋɩɩ wɩaa ʋ jaŋ ŋaa mɩ tɩntɩnnʋ a kaa mʋ wuu,”

1 SAMƲƐL 27:12 ပူးပေါင်းရင်းမြစ်များ

WƖAA DƖ-SUOMUŊ 34:30

Ŋɩɩ nɛ Jekɔb bʋla pɩ Simioŋ arɩ Levi, “Má lɔgɛ wɩaa nɛ a hɛ mɩ lɛ ŋɩɩ. Ma joŋ dʋndɔnnʋ hɛ la dɩ Kɛnaŋ tɩŋŋaa arɩ Pɛrɛs tɩŋŋaa pɛgɛ nɛ. La bɩ yʋgɛ, dɩ nɩaa deemba nɛ pɛ dɔŋɔ lɛ dɩ ba yuomi, ba jaŋ kpʋ mɩ dɩ mɩ dɩa nɩaa kala.”

2 SAMƲƐL 10:6

Amɔŋ tɩŋŋaa sɩ kʋ jɩŋ arɩ ba chaasa dii Devit baanɩŋ lɛ nɛ, ba sii mʋ chɛ Siiria tɩŋŋaa laalɩyuoro-la sɩɩ vɛŋ naasɩŋ lɛ bʋɩ mara a timba ka dɩ ba kʋ yuo laalɩŋ pɩba. Ba lɩɩ tasɩŋ deemba nɛ: Bɛf Rehob arɩ Zoba, a pɛ Maaka kuoro laalɩyuoroo bʋɩ lɛ, arɩ taŋ-la ba sɩɩ yɩrɛ Tob ma laalɩyuoroo bʋɩ fii arɩ balɩa.

MOSIS KƐŊ IZIRAL TƖŊŊAA LƖƖ 5:21

Ŋɩɩ nɛ ba bʋla pɩ Mosis arɩ Arɔŋ, “La TƖƖNA na wɩɩ-la ma sɩ ŋaa nɛ, ʋ jaŋ dɔgɩsɛma. Ma leŋe Ijipiti tinteeŋ kuoro arɩ ʋ nɩhɩasɩŋ bɛrɛla nɛ a joŋ dʋndɔnnʋŋ hɛ la pɛgɛ dɩ ba kpʋla.”

1 SAMƲƐL 13:4

Iziral tɩŋŋaa kala nɩɩ duoso-la, arɩ Sɔɔl mʋ chei Fɩlɩsɩtɩa laalɩyuoroo buguŋ nɛ. Iziral tɩŋŋaa lɛɛlɛ ŋaa nɩa Fɩlɩsɩtɩa tɩŋŋaa sɩ chaasa bɛrɛ. Ŋɩɩ nɛ tɩndaara-la yɩrɛ Iziral tɩŋŋaa kala ba mʋ Gɩlɩgal a pɛ kuoro Sɔɔl lɛ.

1 SAMƲƐL 27:11

Devit bɩ baal koo haal kala kʋweeŋ kaa kʋkɔ Gaf, bɛɛ wɩaa ʋ bɩɩna ʋ tʋɔŋ lɛ nɛ a bʋl, “Dɩ mɩ nɛ lemba, ba jaŋ sɛnɛ mʋ bʋl wɩalɩŋ mɩ sɩɩ ŋaa.” Wɩalɩŋ Devit sɩ hɛ Fɩlɩsɩtɩa tinteeŋ lɛ faafaa kala a ŋɩŋaa nɛ ŋɩɩ.

1 SAMƲƐL 28:1

Bʋa kʋbala lɛ, Fɩlɩsɩtɩa tɩŋŋaa sii kɛŋ ba laalɩyuoroo kala hɛ dɔŋɔ dɩ ba mʋ yuo Iziral tɩŋŋaa. Ŋɩɩ nɛ Akɩs bʋla pɩ Devit, “Ʋ maga dɩ ŋ jɩŋ arɩ ŋ dɩ ŋ nɩaa jaŋ pɛ mɩ dɩ mɩ laalɩyuoroo lɛ dɩ la yuo Iziral tɩŋŋaa.”