1 SAMƲƐL 26:16 - WƖA TENIŊ

¹⁶ Wɩɩ-la ma sɩ ŋaa, ʋ bɩ zɔŋ. La TƖƖNA sɩ weye wɩaa, ŋ dɩ ŋ nɩaa kala fa maga dɩ ma sʋʋ nɛ, bɛɛ wɩaa ma bɩ ma nɩhɩaŋ-la ma TƖƖNA sɩ lɩɩsa ʋ ŋaa kuoro pɔ. Má beŋ ma teeŋ a na, nɩɩ nɛ kuoro timiŋ arɩ ʋ lɩɩŋ loŋ-la sɩ chɩŋ ʋ nyuŋ hɛ?”

1 SAMƲƐL 26:16 ပူးပေါင်းရင်းမြစ်များ

2 SAMƲƐL 12:5

Devit sɩ nɩɩ wɩɩŋ deeŋ, ʋ baanɩŋ chaasa sii kɩaa tɩɩna-la nyuŋ. Ʋ bʋla pɩ Netaŋ, “Mɩ ŋmɩɛsɛ La TƖƖNA sɩ weye, baal-la sɩ ŋaa wɩɩŋ deeŋ maga ʋ sʋʋ nɛ!

2 SAMƲƐL 19:28

Kuoro, mɩ nɩhɩaŋ, mɩ nyɩmma dɩa nɩaa kala paala magɛ dɩ ŋ fa kpʋla nɛ. Ama ŋ wuo pɩmɛ wombiiŋ nɛ, mɩ didii kɩaa ŋ dɩa lɛ. Ŋɩɩ wɩaa wombii bɛɛ nɛ mɩ kɛŋ dɩ mɩ ma bɩra pɩɛsa chɩchɛ wɩɩ ŋ-na kuoro teeŋ?”

1 KUOROO 2:26

aŋ bʋla pɩ Abɩata ma sɩ ŋaa Wɩɩsʋllɩ sɩpaalaara, “Mɩɩra mʋ ŋ jaŋ Anatɔf. Ʋ fa maga dɩ mɩ kpʋŋ nɛ, ama mɩ bɩ jaŋ kpʋŋ a tɩŋ ŋ sɩ chʋŋ La TƖƖNA Wɩɩjarɩbakɔ niiriŋ daga-la mɩ nyɩmma Devit sɩpaaŋ, a pɛ na hɛɛ-la ma mɩ nyɩmma sɩ na wɩaa.”

WƖA YƖƖLAA 102:20

a nɩɩ nɩalɩŋ ba sɩ kaa tɔ dɩa huuno, a laa nɩalɩŋ ba sɩɩ chɛ dɩ ba kpʋ ta.

WƖA YƖƖLAA 79:11

Jegile nɩɩ ba sɩ yuo kɛsɛ nɩalɩŋ sɩɩ huunu, a kɛŋ ŋ dol-bal-la laaba ta dɩ ba sɩ́ sʋʋ.

Ɛfɛsɩs Nɩaa 2:3

La ma kala fa nagɛ ba nɛ a tuto la tʋɔtɔrɛ wʋŋaalaa harɩŋ a ŋɩŋaa wʋlɔrʋnʋŋ, a bɩbɩɩnɛ wʋbɔŋŋɔɔ. La fa sɩɩ ŋaa wɩaa deemba, Wɩa fa na baanɩŋ nɛ la nyuŋ, arɩ ʋ fa sɩ na baanɩŋ nɩalɩŋ nyuŋ ŋɩɩ.

1 SAMƲƐL 20:31

Dɩ Devit nɛ kɛŋ mɩɩsɩŋ, ŋ bɩ jaŋ kɔ dɩ ŋ dii kuoruŋ tinteeŋ deeŋ lɛ. Leŋ ba kɛnʋ kɔ, ʋ maga dɩ ba kpʋʋ nɛ.”

1 SAMƲƐL 24:6

Ʋ mɩɩra mʋ ʋ nɩaa leriŋ, a bʋla pɩba, “La TƖƖNA bɩ chɛ dɩ mɩ joŋ wʋdoho deeŋ a ŋaa mɩ nɩhɩaŋ nɩɩ-la ʋ sɩ lɩɩsa lɛ, koo dɩ mɩ ŋaaʋ wʋbɔŋ kala, bɛɛ wɩaa La TƖƖNA nɛ lɩɩsʋ ʋ ŋaa kuoro.”

1 SAMƲƐL 26:11

La TƖƖNA bɩ jaŋ sɛɩ dɩ mɩ ŋaa nɩɩ-la ʋ sɩ lɩɩsa ʋ ŋaa kuoro wʋbɔŋ kala. La jaŋ joŋ timiŋ arɩ lɩɩŋ loŋ-la sɩ chɩŋ ʋ nyuŋ nɛ a kaa viiri.”

1 SAMƲƐL 26:15

Devit bɩra bʋl, “Ŋ waa baal nɛ, kʋbɛɛ nɛ kɛŋ doluŋ a magɩŋ Iziral tinteeŋ lɛ? Bɛɛ nɛ tɩɩ ŋ bɩ kuoro pɔ? Nʋʋ nɛ kʋ jʋʋ ma buguŋ dɩ ʋ kpʋ ma kuoro.

1 SAMƲƐL 26:9

Ama Devit ma fɩɛla bʋla pɩ Abɩsaɩ, “Pʋpɔ ŋ sɩ́ ʋ kpʋ. Nʋʋkala tuo sɩ jaŋ kpʋ nɩɩ-la La TƖƖNA sɩ lɩɩsa ʋ ŋaa kuoro, aŋ bɩ cheeriŋ jaŋ laa La TƖƖNA teeŋ.”