1 SAMƲƐL 26:11 - WƖA TENIŊ

¹¹ La TƖƖNA bɩ jaŋ sɛɩ dɩ mɩ ŋaa nɩɩ-la ʋ sɩ lɩɩsa ʋ ŋaa kuoro wʋbɔŋ kala. La jaŋ joŋ timiŋ arɩ lɩɩŋ loŋ-la sɩ chɩŋ ʋ nyuŋ nɛ a kaa viiri.”

1 SAMƲƐL 26:11 ပူးပေါင်းရင်းမြစ်များ

2 SAMƲƐL 1:14

Devit bɩra pɩɛsʋ, “Bɛɛ nɛ saa tɩɩ ŋ bɩ fawʋllʋŋ fá, aŋ kpʋ nɩɩ-la La TƖƖNA sɩ lɩɩsa ʋ ŋaa kuoro?”

2 SAMƲƐL 19:22

Devit bʋl, “Ma-na Zeruya biiriŋ, ma wɩɩ tuo wɩɩŋ deeŋ lɛ. Sɩ́ wɩaa lɔgɔ hɛ mɩ lɛ. Jɩnɩŋ ʋ maga dɩ la kpʋ nʋʋ nɛ Iziral lɛɛ? Ŋ bɩɩna mɩ bɩ jɩŋ arɩ mɩ nɛ bɩra ŋaa Iziral kuoro jɩnɩŋ?”

WƖA YƖƖLAA 17:4

Mɩ bɩ wɩalɩŋ nɩbɔŋŋɔɔ sɩɩ ŋaa ka to, ama wɩalɩŋ ŋ sɩ daga nɛ mɩ tuto. Mɩ bɩ yuo-hɛɛrʋ ŋaa.

Rom Tɩŋŋaa 12:17

Dɩ nʋʋ nɛ ŋaa wʋbɔŋ ma lɛ, ma-na sɩ́ wʋbɔmʋŋ joŋo timu. Ama má-na ŋaa wɩɩ-la nʋʋkala sɩ jɩma dɩ ʋ zɔmɔ.

Rom Tɩŋŋaa 12:19

Mɩ nandɔsɛ, dɩ nɩaa nɛ ŋaa wʋbɔŋŋɔɔ ma lɛ, má sɩ́ ba chɩmɩŋ tiŋ. Má leŋ dɩ Wɩa nɛ na baanɩŋ ba nyuŋ, a tiŋ ba chɩmɩŋ. Ba ŋmʋnsɛ ŋɩɩ Wɩa teniŋ tʋɔŋ arɩ Wɩa sɩ, “Mɩ jaŋ laa yuo pɩma, a tiŋ ma chɩmɩŋ.”

1 Pɩɩta 3:9

Má sɩ́ wʋbɔŋ joŋo tiŋ wʋbɔmʋŋ chɩmɩŋ. Dɩ nʋʋ nɛ tʋʋsɛma, má sɩ́ tʋʋsa tiŋ, ama má sʋl Wɩa dɩ ʋ pɛ tɩɩna lɛ, bɛɛ wɩaa Wɩa ma lɩɩsɛma nɛ dɩ ʋ pɛ ma lɛ.

1 SAMƲƐL 12:3

Mɩ chɩŋ daha nɛ dɩ mɩ pɩɛsɛma: dɩ mɩ ŋaa wʋbɔŋ nʋʋ lɛ, tɩɩna kʋ lɩɩ bʋl La TƖƖNA arɩ kuoru-la ʋ sɩ lɩɩsa sɩpaaŋ. Ma kʋbɛɛ nɛŋ nɛ mɩ ha kaa laa? Ma kʋbɛɛ kakumo nɛ mɩ ha kaa laa? Mɩ ha gʋrɛ ma kʋŋ koo a dɔgɩsɛ ma kʋŋ? Ma kʋbɛɛ teeŋ nɛ mɩ ha laa kpalaa ŋɩɩ leŋ mɩ bɩ mɩ sɩaa wuo kaa suri? Dɩ mɩ nɛ ŋaa wɩaa deemba kʋŋ ma dɔŋɔ lɛ, mɩ jaŋ mɩɩra tiŋ tɩɩna.”

1 SAMƲƐL 24:12

La TƖƖNA nɛ jaŋ dii mɩ dɩŋ pɛgɛ sarɩya. Wʋbɔmɔ-la ŋ sɩ ŋaa mɩ lɛ, La TƖƖNA nɛ jaŋ joŋ ba chɩmɩŋ timiŋ. Ama mɩ-na bɩ jaŋ joŋ mɩ nɩsɩŋ digiŋ.

1 SAMƲƐL 24:4

Devit nɩaa bʋla pʋ, “Tapʋlʋŋ deeŋ wɩaa nɛ La TƖƖNA fa bʋla pɩŋ ŋɩɩ, bʋa-la lɛ ʋ sɩ sɩ, ‘Mɩ jaŋ joŋ ŋ dʋndɔmɔ hɛ ŋ nɩsɩŋ lɛ, dɩ ŋ ŋaaʋ wɩɩ-la kala ŋ sɩ cho.’ ” Ŋɩɩ nɛ Devit sii densi a mʋ lʋara keri Sɔɔl gɛrɩŋ niipiniŋ.

1 SAMƲƐL 24:6

Ʋ mɩɩra mʋ ʋ nɩaa leriŋ, a bʋla pɩba, “La TƖƖNA bɩ chɛ dɩ mɩ joŋ wʋdoho deeŋ a ŋaa mɩ nɩhɩaŋ nɩɩ-la ʋ sɩ lɩɩsa lɛ, koo dɩ mɩ ŋaaʋ wʋbɔŋ kala, bɛɛ wɩaa La TƖƖNA nɛ lɩɩsʋ ʋ ŋaa kuoro.”