1 SAMƲƐL 26:10 - WƖA TENIŊ

¹⁰ Devit bɩra bʋl, “La TƖƖNA sɩ weye tɩtɩa nɛ jaŋ kpʋ Sɔɔl, ʋ sʋʋŋ jaŋ yi dɩ ʋ sʋʋ, koo dɩ ʋ mʋ laalɩŋ a lɛl nɩmɛ.

1 SAMƲƐL 26:10 ပူးပေါင်းရင်းမြစ်များ

WƖAA DƖ-SUOMUŊ 47:29

Ʋ mɩɩsɩŋ sɩ kpagɛ dɛrɩŋ, ʋ yɩrɛ ʋ nanʋala Josɛf a bʋla pʋ, “Dɩ ŋ nɛ chomi, joŋ ŋ nɩsɩŋ hɛ mɩ naapuiŋ bʋbʋɔŋ a hɛ niiŋ pɩmɛ arɩ wʋtɩtɩɩ, dɩ mɩ nɛ sʋba ŋ bɩ jaŋ jommi hugi Ijipiti tinteeŋ lɛ,

JOB 14:14

Dɩ nuhuobiine nɛ sʋba, ʋ jaŋ bɩra wuo kɛŋ mɩɩsɩŋ? Dɩ ŋɩɩ na nɛ, tapʋl daŋ-la kala lɛ tɩntɩŋ duoruŋ nɛ mɩ tɩŋ, mɩ fa jaŋ gbɛrɛ dɩ tapʋlɩɩ-la wɩaa sɩ jaŋ kpɩa mʋa pɩmɛ yi.

JOB 14:5

Ŋ jɩŋ nuhuobiine tapʋlaa nɛ, ŋ dagɛ ʋ chɛnsɩŋ niiŋ nɛ, a dagɛ ʋ tapʋlaa bil, ʋ sɩ bɩ jaŋ wuo kieli ŋɩɩ lɛ.

JOB 7:1

Dɩ nuhuobiine nɛ hɛ dʋnɩa deeŋ lɛ, ʋ kɛŋ tɩntɩŋ-duoruŋ nɛ dɩ ʋ tɩŋ, ʋ mɩɩsɩŋ lɛ ʋ jaŋ lɔl a nagɛ pa-chɩŋ-diire sɩ yie lɔl ŋɩɩ.

WƖA YƖƖLAA 37:10

Ʋ bɩ jaŋ dieni, wʋbɔŋ ŋaaraa kala jaŋ lɛl. Ŋ jaŋ bee chɛba, a chɛ ka.

WƖA YƖƖLAA 37:13

Ama La Tɩɩna ka mɔŋ nɩbɔmɔ-la nɛ, bɛɛ wɩaa ʋ jɩma arɩ tapʋlɩɩ-la ʋ sɩ jaŋ cheiba kpaga nɛ.

WƖA YƖƖLAA 94:23

Ʋ jaŋ joŋ ba wʋbɔŋŋɔɔ a gʋra dɔgɩsɛba, a cheiba a tɩŋ ba wʋbɔmɔ-la wɩaa. La Tɩɩna Wɩa jaŋ cheiba.

TƖƖCHA 3:2

Bʋa-la lɛ ba sɩ jaŋ lʋl nɩa arɩ bʋa-la lɛ ʋ sɩ jaŋ sʋʋ. Bʋa-la lɛ ba sɩ jaŋ chɔnsɛ kɩaa arɩ bʋa-la lɛ ba sɩ jaŋ churi.

Luuk 18:7

Ma saa bɩɩna Wɩa bɩ jaŋ pɛ nɩalɩŋ ʋ sɩ lɩɩsa lɛ dɩ ba laa kʋsɩŋŋaa, dɩ ba nɩɩ yel ʋ teeŋ wɩɩhɛyɛ arɩ tɩtaŋɩŋ kala? Ma bɩɩna ʋ jaŋ kɛmba kaa didieni aŋ vɩa dɩ ʋ pɛ ba lɛɛ.

Rom Tɩŋŋaa 12:19

Mɩ nandɔsɛ, dɩ nɩaa nɛ ŋaa wʋbɔŋŋɔɔ ma lɛ, má sɩ́ ba chɩmɩŋ tiŋ. Má leŋ dɩ Wɩa nɛ na baanɩŋ ba nyuŋ, a tiŋ ba chɩmɩŋ. Ba ŋmʋnsɛ ŋɩɩ Wɩa teniŋ tʋɔŋ arɩ Wɩa sɩ, “Mɩ jaŋ laa yuo pɩma, a tiŋ ma chɩmɩŋ.”

MOSIS BƖRA WULLI WƖA WOMBIIŊ 31:14

Ŋɩɩ nɛ La TƖƖNA bʋla pɩ Mosis, “Bʋa-la lɛ ŋ sɩ jaŋ sʋʋ yie nɛ, yɩrɛ Josua dɩ ma kɔ lɛbɩ-la lɛ mɩ sɩ yie kɔ Iziral tɩŋŋaa teeŋ, dɩ mɩ lɩɩsʋ dɩ ʋ laa Iziral tɩŋŋaa sɩpaaŋ.” Ŋɩɩ nɛ Mosis arɩ Josua kɔ lɛbɩ-la leriŋ.

MOSIS BƖRA WULLI WƖA WOMBIIŊ 32:35

Mɩ jaŋ laa yuo pɩma a tiŋ ma chɩmɩŋ bʋa-la lɛ sɩ maga. Bʋa kʋbala jaŋ yi dɩ ba sɩɛrɛ. Bʋa-la lɛ wʋlɔrʋnʋŋ sɩ jaŋ ŋaa ba lɛ kpagɛ nɛ, ba sʋʋŋ yie nɛ.”

Hiburu TƖŊŊAA 10:30

La jɩŋ Wɩa nɛ. Ʋ sɩ, “Mɩ jaŋ joŋ wʋbɔmɔ-la nɩaa sɩɩ ŋaa dɔŋɔ lɛ a timba.” Nʋʋ dɔŋ bɩra sɩ, “La Tɩɩna jaŋ dii ʋ nɩaa sarɩya.”

Hiburu TƖŊŊAA 9:27

Bala nɛ nʋʋkala jaŋ sʋʋ. Ŋɩɩ harɩŋ lɛ, Wɩa jaŋ dii ʋ tɩɩna sarɩya.

Jɔɔŋ Wʋnaalaa 18:8

Ŋɩɩ wɩaa wʋlɔrʋnʋŋ deemba jaŋ jʋʋba chɛ-bala: Ʋ nɩaa jaŋ sʋʋ, dɩ ba tʋɔŋ chei, dɩ losuŋ ma jʋʋba. Nyiniŋ ma jaŋ diiba. Wɩaa deemba kala jaŋ ŋaa, bɛɛ wɩaa La Tɩɩna Wɩa sɩ jaŋ diiu sarɩya kɛŋ doluŋ.”

1 SAMƲƐL 24:12

La TƖƖNA nɛ jaŋ dii mɩ dɩŋ pɛgɛ sarɩya. Wʋbɔmɔ-la ŋ sɩ ŋaa mɩ lɛ, La TƖƖNA nɛ jaŋ joŋ ba chɩmɩŋ timiŋ. Ama mɩ-na bɩ jaŋ joŋ mɩ nɩsɩŋ digiŋ.

1 SAMƲƐL 24:15

La TƖƖNA nɛ jaŋ dii mɩ dɩŋ pɛgɛ sarɩya. Ʋ nɛ jaŋ beŋ mɩ wɩɩŋ tʋɔŋ, aŋ chɩŋ mɩ harɩŋ a laamɛ ta ŋ nɩsɩŋ lɛ.”

1 SAMƲƐL 25:26

Mɩ nɩhɩaŋ, La TƖƖNA nɛ bɩŋ wombiiŋ pa dɩ ŋ tɩtɩa joŋ ŋ baanɩŋ fɩɩsɛ ŋ dʋndɔŋŋɔɔ lɛ a kpʋba. Mɩ ŋmɩɛsa pɩŋ, arɩ La TƖƖNA sɩ weye, a leŋ dɩ ŋ dʋndɔŋŋɔɔ arɩ nʋʋ na-kala sɩ bɩɩna dɩ ʋ ŋaa wʋbɔŋ ŋ lɛ, dɩ tɩɩna dɩ-dɛrɩŋ kala nagɛ Nabal.

1 SAMƲƐL 25:38

Ʋ tapʋlaa fii pɛgɛ, La TƖƖNA ŋmoo Nabal kpʋ.

1 SAMƲƐL 25:39

Devit sɩ nɩa dɩ Nabal sʋba, ʋ bʋl, “Mɩɩ dɛnnɛ La TƖƖNA, ʋ nɛ Nɩɩ-la sɩ joŋ ʋ baanɩŋ a fɩɩsɛ Nabal sɩ tʋʋsɛmɛ lɛ. Ʋ bɩ leŋe mɩ-na ʋ tɩntɩnna ŋaaʋ wʋbɔŋ kala. Nabal wʋbɔmɔ-la kala gʋra nyʋa ʋ tɩtɩa nyuŋ lɛ nɛ.” Ŋɩɩ nɛ Devit tɩŋ dɩ ba bʋla pɩ Abɩgɛl arɩ ʋ leŋ dɩ ʋ jaaʋ.

1 SAMƲƐL 31:4

Ŋɩɩ nɛ Sɔɔl bʋla pɩ nɩɩ-la sɩ kori ʋ laalɩyuori kɩaa, “Lɩɩsɛ ŋ tokobiiŋ a tɔɔmɛ kpʋ, ŋɩɩ dee disiŋ tɩŋŋaa deemba jaŋ kʋ kpʋmɛ a tʋʋsɛ mɩ joŋŋoo.” Ama fawʋllʋŋ fa kɛŋ nɩɩ-la sɩ kori ʋ laalɩyuori kɩaa nɛ, ʋ bɩ wuo ŋaa ŋɩɩ. Ŋɩɩ nɛ Sɔɔl lɩɩsɛ ʋ tɩtɩa tokobiiŋ a pɛ, a tel ʋ nyuŋ a kpʋ ʋ tɩtɩa.

1 SAMƲƐL 31:6

Sɔɔl arɩ ʋ hambolibiisiŋ batori arɩ nɩɩ-la sɩ kori ʋ laalɩyuori kɩaa arɩ ʋ nɩaa kala sʋʋ tapʋl-bala nɛ.