1 SAMƲƐL 24:4 - WƖA TENIŊ

⁴ Devit nɩaa bʋla pʋ, “Tapʋlʋŋ deeŋ wɩaa nɛ La TƖƖNA fa bʋla pɩŋ ŋɩɩ, bʋa-la lɛ ʋ sɩ sɩ, ‘Mɩ jaŋ joŋ ŋ dʋndɔmɔ hɛ ŋ nɩsɩŋ lɛ, dɩ ŋ ŋaaʋ wɩɩ-la kala ŋ sɩ cho.’ ” Ŋɩɩ nɛ Devit sii densi a mʋ lʋara keri Sɔɔl gɛrɩŋ niipiniŋ.

1 SAMƲƐL 24:4 ပူးပေါင်းရင်းမြစ်များ

2 SAMƲƐL 4:8

Ba kɛŋ Ɩsɩ-Bɔsɛf nyuŋ-la kɔ kuoro Devit teeŋ Hɛbʋrɔŋ lɛ, a bʋl, “Na ŋ dʋndɔmɔ Sɔɔl, nɩɩ-la sɩ walɩma dɩ ʋ kpʋŋ nanʋala Ɩsɩ-Bɔsɛf nyuŋ. Jɩnɩŋ La TƖƖNA joŋ ŋ-na mɩ nɩhɩaŋ sɩ ŋaa kuoro baanɩŋ a fɩɩsɛ Sɔɔl arɩ ʋ doho nɩaa lɛ nɛ.”

JOB 31:31

Nɩalɩŋ kala sɩɩ tɩŋ mɩ dɩa lɛ jɩma arɩ mɩ yie cheme laa nʋhʋɔrʋ kala sɩ kɔ mɩ dɩa nɛ.

WƖA YƖƖLAA 142:1

La Tɩɩna, mɩ ŋmoo niiŋ pɩpɩŋ nɛ, mɩ faasaa ŋmoo niiŋ La Tɩɩna teeŋ nɛ, dɩ ʋ fá mɩ nenige.

WƖA YƖƖLAA 57:1

Fá mɩ nenige, Wɩa, fá mɩ nenige mɩ kʋ yuoruŋ nɛ. Mɩ jʋʋ ŋ kɩŋkɛŋɛ nɛ dɩ ŋ tɔ hɛ mɩ lɛ, dɩ wʋlɔrʋŋ deeŋ bal.

MOSIS KƐŊ IZIRAL TƖŊŊAA LƖƖ 21:13

Ama dɩ nʋʋ nɛ bɩ sɛnɛ aŋ kpʋ ʋ dɔŋɔ tɩɩna, ka dɩ Wɩa nɛ daga, leriŋ hɛ nɩmɛ ʋ sɩ jaŋ fá mʋ yuori.

1 SAMƲƐL 22:1

Ŋɩɩ nɛ Devit lɩɩ fá Gaf lɛ, a mʋ faa bʋ-bʋa kʋbala sɩ kpagɛ taŋ-la ba sɩɩ yɩrɛ Adulam lɛ. Ʋ naambiiriŋ arɩ ʋ dɩa nɩaa sɩ nɩɩ wɩɩ-la, ba sii mʋ ʋ teeŋ nɩmɛ.

1 SAMƲƐL 23:17

Jonataŋ bʋla pʋ, “Sɩ́ fawʋllʋŋ fá. Mɩ nyɩmma Sɔɔl bɩ jaŋ wuo kɛnɩŋ. Ŋ jaŋ dii kuoruŋ Iziral tinteeŋ lɛ, dɩ mɩ tɩtɩgɛ ŋ lɛ. Mɩ nyɩmma Sɔɔl ma tɩtɩa paala jɩŋ wɩɩŋ deeŋ lɛ nɛ.”

1 SAMƲƐL 23:7

Sɔɔl sɩ nɩa dɩ Devit hɛ Kɛɛla lɛ, ʋ bʋl, “Wɩa joŋu hɛ mɩ nɩsɩŋ lɛ nɛ ŋɩɩ, bɛɛ wɩaa Devit fá jʋʋ taŋ-la ba sɩ saa kɛrɛ a golli aŋ kɛŋ boi-baalaa ba sɩ jaŋ wuo kaa yagɛ nɛ.”

1 SAMƲƐL 24:10

Jɩnɩŋ, ŋ tɩtɩa na ŋɩɩ La TƖƖNA sɩ joŋuŋ hɛ mɩ nɩsɩŋ lɛ nɛ bʋ-bʋa-la tʋɔŋ. Mɩ nɩaa dɔnsʋŋ fa sɩ dɩ mɩ kpʋŋ nɛ, ama mɩ-na nɛ ta leŋiŋ. Mɩ sɩ, ‘Mɩ bɩ jaŋ ŋaa mɩ nɩhɩaŋ wʋbɔŋ kala, bɛɛ wɩaa ʋ nɛ nɩɩ-la La TƖƖNA sɩ lɩɩsa ʋ ŋaa kuoro.’

1 SAMƲƐL 24:18

Wʋzɔmɔ-la ŋ sɩ ŋaa mɩ lɛ nɛ ŋ bʋla pɩmɛ ŋɩɩ, La TƖƖNA chaasa jommi a hɛ ŋ nɩsɩŋ lɛ nɛ, ka ŋ bɩ mɩ kpʋa.

1 SAMƲƐL 26:23

Nʋʋkala tʋɔpʋla arɩ ʋ Wɩa laa diiniŋ sɩ magɛ ŋɩɩ nɛ La TƖƖNA jaŋ timu. Jɩnɩŋ ʋ joŋuŋ hɛ mɩ nɩsɩŋ lɛ nɛ, ama mɩ bɩ chɛ dɩ mɩ joŋ wʋbɔŋ kala a ŋaa nɩɩ-la La TƖƖNA sɩ lɩɩsa ʋ ŋaa kuoro lɛ.