1 SAMƲƐL 22:8 - WƖA TENIŊ

⁸ Bɛɛ nɛ tɩɩ ma kala lɩɩ mɩ harɩŋ a vʋvʋʋrɛ mɩ wɩaa? Ma kʋŋkala ha bɩ bʋla pɩmɛ arɩ mɩ nanʋala arɩ Jesi bie pɛ niiŋ nɛ. Ma kʋŋkala sɩpaaŋ tuo mɩ lɛ, koo a bʋla pɩmɛ arɩ mɩ bie yigi mɩ tɩntɩnna Devit hɛ mɩ lɛ nɛ ʋ bɩbagɩlɛ dɩ ʋ kpʋmɛ, arɩ ʋ sɩɩ ŋaa ŋɩɩ jɩnɩŋ.”

1 SAMƲƐL 22:8 ပူးပေါင်းရင်းမြစ်များ

2 KUOROO 6:11

Siiria kuoro sɩ kʋ jɩŋ wɩɩ-la sɩ ŋaa lɛ, ʋ baanɩŋ chaasa sii. Ʋ yɩrɛ ʋ laalɩyuori-hɩasɩŋ a pɩɛsɛba, “Ma jaŋ wuo dagɛmɛ la tʋɔŋ nɩɩ-la sɩ joŋ la bʋbʋɔŋ ta a pɩ Iziral tinteeŋ kuoro?”

JOB 33:16

Ʋ jaŋ bɩra wuo bʋl wɩaa hɛ ba dɩgɩlaa lɛ, a joŋ fawʋllʋŋ hɛ ba lɛ, a chɩchagɩlɛba.

1 SAMƲƐL 18:1

Bʋa-la lɛ Devit arɩ Sɔɔl sɩ bʋl wɩaa a dɛrɛ, ŋɩɩ nɛ Jonataŋ dɩma chaasa kɛŋ Devit, ʋ faasa chou arɩ ʋ sɩ cho ʋ tɩtɩa ŋɩɩ.

1 SAMƲƐL 18:3

Jonataŋ sɩ cho Devit arɩ ʋ sɩ cho ʋ tɩtɩa ŋɩɩ, ʋ hɛ niiŋ a pʋ arɩ ba jaŋ ŋaa nandɔsɛ a kaa mʋ wuu.

1 SAMƲƐL 20:2

Jonataŋ bʋl, “Ŋɩɩ bɩ jaŋ ŋaa, ŋ bɩ jaŋ sʋʋ. Bee na, mɩ nyɩmma bɩ jaŋ ŋaa wɩɩkala dɩ ʋ bɩ bʋla pɩmɛ, dɩ wɩɩ-la ŋaa wʋbal koo wʋbie. Ʋ bɩ jaŋ joŋ wɩɩŋ deeŋ faamɛ. Wɩɩ-la ŋ sɩ bʋla bɩ wʋtɩtɩɩ ŋaa.”

1 SAMƲƐL 20:42

Ŋɩɩ nɛ Jonataŋ bʋla pɩ Devit, “Ŋ jaŋ mʋ woruŋ. Mɩ dɩŋ ŋmɩɛsa pɩ dɔŋɔ nɛ La TƖƖNA yɩrɩŋ lɛ a ŋaa nandɔsɛ. La TƖƖNA nɛ ŋaa la pɛ-naara, a ŋaa mɩ doho nɩaa arɩ ŋ doho nɩaa ma pɛgɛ pɛ-naara a kaa mʋ wuu.” Ŋɩɩ nɛ Devit viiri, ka Jonataŋ ma mɩɩra mʋ dɩa.

1 SAMƲƐL 20:8

Ŋ-na Jonataŋ, mɩɩ sʋlʋŋ, dagɛ ŋ chonuŋ pɩ mɩ-na ŋ tɩntɩnna, aŋ leŋ dɩ nii-la ŋ sɩ hɛ pɩmɛ La TƖƖNA sɩpaaŋ arɩ mɩ dɩŋ jaŋ ŋaa nandɔŋ-zɔmɔ a kaa mʋ wuu chɩŋ. Ama dɩ mɩ nɛ ŋaa wɩɩ a chei, ŋ tɩtɩa nɛ maga dɩ ŋ kpʋmɛ. Sɩ́ mɩ joŋo hɛ ŋ nyɩmma nɩsɩŋ lɛ dɩ ʋ kpʋmɛ.”

1 SAMƲƐL 22:13

Ŋɩɩ nɛ Sɔɔl pɩɛsʋ, “Bɛɛ nɛ tɩɩ ŋ dɩ Jesi nanʋala vʋʋrɛ mɩ wɩaa, ŋ paala pʋ kʋdiilee a joŋ tokobiiŋ pʋ, aŋ ha chɛ Wɩa teeŋ dɩ ŋ na wɩɩ-la Wɩa sɩɩ chɛ ʋ ŋaa a pʋ? Ŋɩɩ leŋ ʋ vɩamɛ aŋ bɩbagɩlɛ dɩ ʋ kpʋmɛ.”

1 SAMƲƐL 23:21

Sɔɔl bʋl, “La TƖƖNA jaŋ pɛ ma lɛ a tɩŋ tʋɔbɩɩna-la ma sɩ kɛnɛ a tɩgɛ mɩ lɛ.