1 SAMƲƐL 22:3 - WƖA TENIŊ

³ Devit bɩra lɩɩ nɩmɛ a mʋ Mɩzɩpa sɩ hɛ Mʋab tinteeŋ, a bʋla pɩ Mʋab kuoro, “Mɩɩ sʋlʋŋ, leŋ dɩ mɩ nyɩmma arɩ mɩ naaŋ kʋ hɛ ŋ teeŋ, ka dɩ mɩ na wɩɩ-la Wɩa sɩ jaŋ ŋaa pɩmɛ.”

1 SAMƲƐL 22:3 ပူးပေါင်းရင်းမြစ်များ

WƖAA DƖ-SUOMUŊ 47:11

Josɛf leŋ ʋ nyɩmma arɩ ʋ naambiiriŋ hɔŋ Ijipiti tinteeŋ dɩ-zɔmʋŋ, lee-la ba sɩɩ yɩrɛ Ramesis lɛ, arɩ Ijipiti tinteeŋ kuoro sɩ dagɛ ŋɩɩ.

2 SAMƲƐL 8:2

Devit fa bɩra yuo dii Mʋab tɩŋŋaa ma, a leŋ ba laalɩyuoroo pɩŋ tinteeŋ a kɩɛlɛ. Ʋ kɛŋ ŋmɛnɩŋ a magɩsɛba. Dɩ ʋ nɛ magɩsɛ ŋmɛŋ-la naansɩɩŋ butori, ʋ yie kpʋ leree balɩa nɛ aŋ ka kʋbala. Mʋab tɩmma-la sɛɩ Devit bibemba ba tiŋ lampoo a pʋpʋ.

MOSIS KƐŊ IZIRAL TƖŊŊAA LƖƖ 20:12

Má zizil ma naamba arɩ ma nyɩmmaba, dɩ mɩ-na ma TƖƖNA leŋ dɩ ma mɩɩsɩŋ duomi tintee-la lɛ mɩ sɩ jaŋ joŋo pɩma.

1 Timoti 5:4

Ama dɩ yo-haal-la nɛ kɛŋ biiriŋ koo nihee, ʋ maga dɩ ba laa sɩpaaŋ ŋaa wɩɩ-la Wɩa sɩ sɩ dɩ ba ŋaa nɛ a bibeŋ ba dɩa nɩaa, a wuo tiŋ nɩalɩŋ sɩ lʋlba arɩ ba naabalɩmaba chɩmɩŋ, bɛɛ wɩaa ŋɩɩ nɩɩ tɔrɛ Wɩa tʋɔŋ.

SƖPAALAARAA 11:29

Ŋɩɩ nɛ La TƖƖNA Dɩma kʋ jʋʋ Jɛfɩta. Ʋ sii chol Gɩlɩad tinteeŋ arɩ Manasɛ tinteeŋ, a kiele mʋ Mɩzɩpa sɩ hɛ Gɩlɩad lɛ, a lɩɩ nɩmɛ a mʋ dɩ ʋ yuo Amɔŋ tɩmma-la.

RUF 4:10

A lɩɩ ŋɩɩ harɩŋ, Ruf, Mʋab tɩŋŋaa tolo-la Malɔŋ fa sɩ jaa, ma lɛɛlɛ ŋaa mɩ haala nɛ. Ŋɩɩ nɛ jaŋ leŋ dɩ nɩsʋʋ-la yɩrɩŋ sɩ́ lɛl ʋ nɩaa tʋɔŋ, dɩ ʋ dʋa ma hɛ ba nɩsɩŋ lɛ. Jɩnɩŋ ma ŋaa pɛ-naara nɛ wɩɩŋ deeŋ lɛ.”

RUF 4:17

Haala-la sɩ hɛ lee-la hɛ bile yɩrɩŋ Ɔbɛd, aŋ bʋla pɩ nʋʋkala arɩ ba lʋl hambolibie nɛ a pɩ Nawomi. Ɔbɛd nɛ sii lʋl Jesi, Jesi ma lʋl Devit.

1 SAMƲƐL 14:47

Sɔɔl sɩ kʋ dii kuoruŋ Iziral tinteeŋ lɛ harɩŋ, ʋ chaasa yuo ba dʋndɔŋŋɔɔ sɩ hɛ lee na-kala nɛ: Mʋab tɩŋŋaa, Amɔŋ tɩŋŋaa, Ɛdɔm tɩŋŋaa, Zoba tɩŋŋaa kuoroo arɩ Fɩlɩsɩtɩa tɩŋŋaa. Dɩ ʋ nɛ joŋ ʋ sɩaa chaasɛ lee-kala, ʋ yie yuo dii ba nɛ.

1 SAMƲƐL 22:2

Ŋɩɩ nɛ nɩaa dɔnsʋŋ ma mʋ ʋ teeŋ, nɩalɩŋ kala sɩɩ na hɛɛŋ koo nɩalɩŋ sɩ dii chɩŋŋaa koo nɩalɩŋ tʋɔŋ sɩ bɩ dɩ-bala pɩna. Ba mʋ ʋ teeŋ ʋ ŋaa ba sɩpaalaara. Nɩalɩŋ fa yi nɩaa zɔɔ-banɛsɛ nɛ.

1 SAMƲƐL 22:4

Devit leŋ ʋ nyɩmma arɩ naaŋ a pɩ Mʋab kuoro, ba hɔŋ ʋ teeŋ bʋa-la kala lɛ ʋ sɩ faa dɩ-duo-la lɛ.

1 SAMƲƐL 3:18

Ŋɩɩ nɛ Samʋɛl bʋl wɩalɩŋ kala a pʋ, ʋ bɩ ba kʋŋkala joŋo faaʋ. Ŋɩɩ nɛ Eli bʋl, “Ʋ nɛ La TƖƖNA, wɩɩ-la kala ʋ sɩ bene dɩ ʋ zɔmɔ pʋ, ʋ́ ŋaa.”