1 SAMƲƐL 22:2 - WƖA TENIŊ

² Ŋɩɩ nɛ nɩaa dɔnsʋŋ ma mʋ ʋ teeŋ, nɩalɩŋ kala sɩɩ na hɛɛŋ koo nɩalɩŋ sɩ dii chɩŋŋaa koo nɩalɩŋ tʋɔŋ sɩ bɩ dɩ-bala pɩna. Ba mʋ ʋ teeŋ ʋ ŋaa ba sɩpaalaara. Nɩalɩŋ fa yi nɩaa zɔɔ-banɛsɛ nɛ.

1 SAMƲƐL 22:2 ပူးပေါင်းရင်းမြစ်များ

2 SAMƲƐL 17:8

Ŋ jɩma woruŋ ŋ nyɩmma arɩ ʋ nɩaa chaasa ŋaa laalɩyuoro nɛ. Lɛɛlɛ ŋ-la ba yaraa kala hoso nɛ a nagɛ lʋgʋmʋŋ bie ba sɩ kpʋa ʋ yaraa hosi. Ŋɩɩ ma dʋndʋŋa dee, ŋ nyɩmma ŋaa laalɩyuori-bɩnɩɩ nɛ, a bɩ ʋ laalɩyuoroo tʋɔŋ ka guoli tɩtaŋɩŋ.

2 SAMƲƐL 5:2

Faafaa-la, Sɔɔl fa sɩ paala ŋaa la kuoro ma, ŋ nɛ ŋaa nɩɩ-la sɩ laa Iziral tɩŋŋaa sɩpaaŋ laalɩŋ lɛ. Ŋɩɩ nɛ La TƖƖNA bʋla pɩŋ, ‘Ŋ nɛ jaŋ ŋaa mɩ nɩaa Iziral tɩŋŋaa sɩpaalaara a bibemba, a nagɛ pie-daara sɩɩ beŋ ʋ piesee ŋɩɩ.’ ”

2 KUOROO 20:5

“Mɩɩra mʋ bʋla pɩ mɩ nɩaa sɩpaalaara Hezikaaya arɩ mɩ-na ma TƖƖNA sɩ ŋaa ʋ naabalɩma Devit Wɩa sɩ, ‘Mɩ nɩɩ ŋ sʋla nɛ a na ŋ sɩlɩɩrɩŋ ma. Mɩ jaŋ leŋ dɩ ŋ duori. A lɩɩ jɩnɩŋ kaa mʋ tapʋlaa batori chɛɛŋ, ŋ jaŋ mɩɩra jʋʋ mɩ-na Wɩa dɩɩ-bal-la.

2 KUOROO 4:1

Tapʋlɩɩ kʋbala Wɩa wʋlaabʋllaa dɔŋɔ yo-haala mʋ Elaasa teeŋ, a yele pʋ, “Ŋ jɩma mɩ bala fa ŋaa ŋ harɩ-tooru nɛ a to La TƖƖNA woruŋ aŋ sʋʋ. Ama ʋ dii nʋʋ chɩŋ nɛ. Nɩɩ-la kɔ dɩ ʋ kɛsɛ mɩ hambolibiisiŋ balɩa a kaa mʋ dɩ ba ŋaa ʋ yosi.”

NAMAGABA 31:6

Leŋ dɩ nɩalɩŋ sɩɩ lɛl nɛ nyʋnyʋa sɩnɩŋ, leŋ dɩ nɩalɩŋ tʋɔŋ sɩ faasa chei nɛ nyʋnyʋa.

Matiu 11:12

A chɩŋ bʋa-la lɛ Jɔɔŋ sɩ suomo bʋbʋl Wɩa wɩaa a kaa kʋkɔ tapʋlʋŋ deeŋ, nɩaa kɛŋ Wɩa kuorii-la wɩaa yuyuo dɔŋɔ nɛ, ŋɩɩ nɛ nɩduoruŋ wʋwalɩmɛ dɩ ba kaa lorigo laa.

Matiu 11:28

Ŋɩɩ nɛ Yesu bɩra bʋla pɩ nɩaa, “Má kɔ mɩ teeŋ, ma nɩalɩŋ kala sɩ lɔlɔ, aŋ ka wɩaa nyagɛma bil, mɩ jaŋ pɩma wiese.

Hiburu TƖŊŊAA 2:10

Kɩalɩŋ sɩ hɛ dʋnɩa lɛ, Wɩa nɛ ŋaaba a tɩɩba ma. Ʋ sɩɩ chɛ dɩ ʋ biiriŋ yʋgɛ kʋ jʋʋ ʋ kuorii-la tʋɔŋ, ʋ leŋe Yesu, nɩɩ-la sɩ jaŋ laaba ta na hɛɛŋ nɛ woruŋ.

SƖPAALAARAA 11:3

Ŋɩɩ nɛ Jɛfɩta lɩɩ ʋ naambiiri-la leriŋ a mʋ hɔŋ Tob tinteeŋ. Nɩmɛ nɛ nɩtɔɔnʋŋ kʋ hɛ dɔŋɔ a ŋaa ʋ harɩ-tooroo.

SƖPAALAARAA 18:25

Daŋ doho nɩalɩŋ bʋla pɩba, “Sɩ́ la kaa lɩlɛrɛ, dɩ ŋ nɛ leŋe la baanɩŋ sii, la jaŋ kpʋ ŋ dɩ ŋ dɩa nɩaa kala.”

1 SAMƲƐL 1:10

Hana tʋɔŋ kala fa cheye nɛ, ʋ chaasa yiyel aŋ chʋchʋɔlɛ Wɩa.

1 SAMƲƐL 22:3

Devit bɩra lɩɩ nɩmɛ a mʋ Mɩzɩpa sɩ hɛ Mʋab tinteeŋ, a bʋla pɩ Mʋab kuoro, “Mɩɩ sʋlʋŋ, leŋ dɩ mɩ nyɩmma arɩ mɩ naaŋ kʋ hɛ ŋ teeŋ, ka dɩ mɩ na wɩɩ-la Wɩa sɩ jaŋ ŋaa pɩmɛ.”

1 SAMƲƐL 23:13

Ŋɩɩ nɛ Devit arɩ ʋ nɩaa zɔɔ-balɩdʋ, guu lɩɩ Kɛɛla lɛ a gɔllɔ bɩbaarɛ leree. Sɔɔl bɩra nɩɩ dɩ Devit arɩ ʋ nɩaa fá lɩɩ Kɛɛla lɛ. Ŋɩɩ nɛ ʋ bɩra bɩ nɩmɛ mʋa.

1 SAMƲƐL 25:13

Devit fa bʋla pɩba, “Má paa ma tokobiee.” Ŋɩɩ nɛ ba paa, Devit ma tɩtɩa joŋ ʋ kʋa. Nɩaa yi zɔɔ-banɛsɛ a to ʋ harɩŋ ba mʋ, ka nɩaa zɔɔ-balɩa ma ka harɩŋ a pɔ ba kɩaa ba buguŋ lɛ.

1 SAMƲƐL 30:6

Devit tʋɔŋ fa faasa chei, bɛɛ wɩaa, baala-la bʋla arɩ ba jaŋ yagʋ kpʋ arɩ tabɩaa a tɩŋ ba sɩ kɛsɛ ba hambolibiisiŋ arɩ hantolibiisiŋ viiri wɩaa. Ka La TƖƖNA Wɩa leŋ Devit ha kɛŋ bɔɩ-duoŋ.

1 SAMƲƐL 9:16

“Chie bʋa deeŋ lɛ, mɩ jaŋ leŋ dɩ baal kʋbala lɩɩ Bɛnjamɩŋ doho nɩaa tʋɔŋ a kɔ. Dɩ ʋ nɛ kɔ, joŋ Wɩɩsʋllɩ nʋʋŋ tɩsʋ, dɩ ʋ ŋaa mɩ nɩaa Iziral tɩŋŋaa sɩpaalaara. Ʋ nɛ jaŋ laa mɩ nɩaa ta Fɩlɩsɩtɩa tɩŋŋaa nɩsɩŋ lɛ. Mɩ na hɛɛ-la mɩ nɩaa sɩɩ na nɛ, a nɩɩ ba nii-ŋmobo ma.”