1 SAMƲƐL 21:7 - WƖA TENIŊ

⁷ Tapʋlɩɩ-la dɩ Sɔɔl tɩntɩnnaa dɔŋɔ ba sɩɩ yɩrɛ Dʋɛg a ŋaa Ɛdɔm tɩɩna hɛ nɩmɛ. Ba kɛnʋ bil nɛ dɩ ʋ tɩŋ tɩntɩmɩɩ dɔŋ sɩ maga ʋ tɩma pɩ Wɩa. Ʋ nɛ ŋaa Sɔɔl pie-daarɩ-hɩaŋ.

1 SAMƲƐL 21:7 ပူးပေါင်းရင်းမြစ်များ

1 SAMƲƐL 22:9

Dɩ Dʋɛg, Ɛdɔm tɩɩna-la ma fa chɩŋ Sɔɔl tɩntɩnnɩ-hɩasɩ-la tʋɔŋ nɩmɛ. Ʋ bʋl, “Mɩ fa na Jesi nanʋala Devit nɛ, bʋa-la lɛ ʋ sɩ kɔ Ahitub nanʋala Ahɩmɛlɛk teeŋ Nɔb lɛ.

1 IZIRAL TƖŊŊAA NAABARƖŊ 27:29

Sɩtɩraɩ sɩ lɩɩ Sarɔŋ nɛ faa beŋ nɛsɩ-la sɩ hɛ Sarɔŋ lɛ. Atalɩa nanʋala Safat ma nɛ faa beŋ nɛsɩ-la sɩ hɛ fuonaasɩŋ lɛ.

Matiu 15:8

Ʋ fa sɩ: ‘Nɩaa deemba kɛŋ niiŋ nɛ zizilmi, ka ba tʋɔŋ lɩɩmɛ.

AMƆS 8:5

Ma yie pɩɛsɛ ma tɩtɩa, ‘Chɛ bɛɛ nɛ chɛŋ-falɩŋ gbiele jaŋ bal ka dɩ la yallɛ mɩaa? Chɛɛ bɛɛ nɛ chɛ-wiesii-la chɛɛŋ jaŋ bal ka dɩ la kɛŋ mɩaa gbaŋa muuri, a hɛ kɩaa yalɩŋ, a kɛŋ sanɩaba-la sɩ bɩ zɔŋ a magɩsa gʋrɛ nɩaa?

ƐZƖKƖƐL 33:31

Mɩ nɩaa jaŋ yʋgɛ a kɔ ŋ teeŋ dɩ ba jegile nɩɩ ŋ niiŋ wɩaa, ama ba bɩ jaŋ kɛmba tɩŋ. Ba niiree yie bʋbʋl wʋzɔŋŋɔɔ nɛ, ama ba tʋɔŋ bɔmɔ a gɩrɩma lɩlaa nɩaa kɩaa.

2 IZIRAL TƖŊŊAA NAABARƖŊ 26:10

Ʋ fa bɩra saa jebii-duduosuŋ nɛ tintee-hɩlɩŋ lɛ a lu pɩlaa yʋgɛ nɩmɛ, bɛɛ wɩaa ʋ fa kɛŋ pʋsʋŋ yʋgɛ nɛ dundolluŋ arɩ tintee-taalaa lɛ. Ʋ fa kɛŋ nɩaa ma nɛ ba tɩtɩŋ ʋ bagɩsɩŋ arɩ ʋ girep tɩɩsɩŋ bagɩsɩŋ lɛ dundollu-la sɩ hɛ peelee bʋbʋɔŋ nyuŋ arɩ tintee-taala sɩ zɔmɔ lɛ. Ʋ fa cho pɛrɩŋ.

1 SAMƲƐL 14:47

Sɔɔl sɩ kʋ dii kuoruŋ Iziral tinteeŋ lɛ harɩŋ, ʋ chaasa yuo ba dʋndɔŋŋɔɔ sɩ hɛ lee na-kala nɛ: Mʋab tɩŋŋaa, Amɔŋ tɩŋŋaa, Ɛdɔm tɩŋŋaa, Zoba tɩŋŋaa kuoroo arɩ Fɩlɩsɩtɩa tɩŋŋaa. Dɩ ʋ nɛ joŋ ʋ sɩaa chaasɛ lee-kala, ʋ yie yuo dii ba nɛ.

1 SAMƲƐL 11:5

Bʋa-la lɛ dɩ Sɔɔl kiri ʋ nɛ-belliŋ a lɩɩ baga kʋkɔ. Ʋ pɩɛsɛ, “Bɛɛ nɛ kɛŋ nɩalɩŋ? Bɛɛ nɛ tɩɩ ba yiyel?” Ŋɩɩ nɛ ba joŋ wɩɩ-la Jabɛs nɩaa sɩ bʋla a to pʋ.

WƖAA DƖ-SUOMUŊ 26:20

Ŋɩɩ nɛ Gɛra tɩŋŋaa kʋdaaraa kɛŋ Aɩzɩk kʋdaaraa yuo yuosuŋ a bʋl dɩ ba nɛ tɩɩ vil-la. Ŋɩɩ nɛ Aɩzɩk hɛ vil-la yɩrɩŋ Ɛsɛk. Ɛsɛk bʋbʋɔŋ nɛ: ba kaa yuo yuosuŋ nɛ.

1 SAMƲƐL 21:8

Devit pɩɛsɛ Ahɩmɛlɛk, “Ŋ bɩ timiŋ koo tokobiiŋ kɛnɛ dahaa? Mɩ bɩ tokobiiŋ koo laalɩyuori kʋŋkala koro daha, bɛɛ wɩaa wɩɩ-la kuoro sɩ sɩ dɩ mɩ ŋaa, ʋ guu dɩ mɩ lɛ nɛ.”

1 SAMƲƐL 22:22

Ŋɩɩ nɛ Devit bʋla pɩ Abɩata: “Tapʋlɩɩ-la Ahɩmɛlɛk sɩ joŋ kʋdiilee arɩ tokobiiŋ pɩmɛ, dɩ Dʋɛg Ɛdɔm tɩɩna-la hɛ nɩmɛ, mɩ jɩma woruŋ arɩ ʋ jaŋ bʋl wɩalɩŋ kala a pɩ Sɔɔl. Mɩ nɛ tɩɩ ba kpʋ ŋ nyɩmma dɩa nɩaa kala ŋɩɩ.

1 IZIRAL TƖŊŊAA NAABARƖŊ 27:31

Jazɩs, sɩ ŋaa Hagɩ tɩɩna nɛ faa beŋ ba piesee arɩ bʋʋnaa. Nɩaa deemba kala fa ŋaa kuoro Devit tɩntɩnnɩ-hɩasɩŋ sɩɩ beŋ ʋ dʋa nɛ.

LEVI DOHO NƖAA 22:10

Wɩɩsʋllɩ sɩpaalaaraa dɩa nɩaa dʋndʋŋa nɛ jaŋ wuo dii Wɩɩsʋlʋŋ kɩalɩŋ sɩ bɩ disiniŋ kɛnɛ mɩ teeŋ. Nʋhʋɔrʋ sɩ hɛ ʋ dɩa lɛ koo pachɩŋ-diiru sɩ hɛ ʋ dɩa lɛ bɩ jaŋ wuo dii.

LEVI DOHO NƖAA 22:13

Ama dɩ Wɩɩsʋllɩ sɩpaalaara tolo nɛ ŋaa yo-haal koo ʋ dɩ ʋ bala nɛ vɩa dɔŋɔ, dɩ ʋ bɩ bii kɛnɛ, aŋ kʋ hɔŋ ʋ nyɩmma dɩa lɛ a ŋaa dɩɩ-tolo, ʋ jaŋ wuo dii ʋ nyɩmma kʋdiilee, ama nʋhʋɔrʋ na-kala bɩ jaŋ wuo dii.

LEVI DOHO NƖAA 24:5

Ŋaa munuŋ sɩ bɩɩ nʋgʋgʋ a wasɛ boroboroba fii arɩ balɩa, dɩ ba kʋŋkala yuŋuŋ ŋaa kilo balɩa,

LEVI DOHO NƖAA 24:8

Chɛ-wiesii-la chɛɛŋ na-kala Iziral tɩŋŋaa maga ba kɛŋ boroboroba-la kɔ, dɩ Arɔŋ joŋo bil mɩ-na ma TƖƖNA sɩpaaŋ. Ʋ ŋaa nii nɛ pɩ Iziral tɩŋŋaa kala dɩ ba tuto wuu.

1 SAMƲƐL 22:10

Ahɩmɛlɛk chɛ La TƖƖNA teeŋ nɛ dɩ ʋ na wɩɩ-la ʋ sɩ jaŋ ŋaa a pʋ, aŋ pʋ kʋdiilee a joŋ Fɩlɩsɩtɩa tɩŋŋaa Golɩaf tokobiiŋ ma a pɛ pʋ.”