1 SAMƲƐL 20:5 - WƖA TENIŊ

⁵ Devit bʋl, “Chie nɛ ŋaa chɛŋ-falɩŋ gbiele, ʋ maga mɩ dɩ kuoro nɛ chie pɛ dɔŋɔ a dii kɩaa. Ama leŋ dɩ mɩ mʋ faa ŋmaŋkaaŋ lɛ, a kaa mʋ yi chietuo dɩdaanɩŋ.

1 SAMƲƐL 20:5 ပူးပေါင်းရင်းမြစ်များ

2 KUOROO 4:23

Ʋ bala pɩɛsʋ, “Bɛɛ nɛ tɩɩ ŋ chɩchɛ dɩ ŋ mʋ ʋ teeŋ jɩnɩŋ? Jɩnɩŋ bɩ chɛŋ-falɩɩ ŋaa a bɩra bɩ chɛ-wiesii-la chɛɛŋ ma ŋaa.” Haal-la bʋl, “Wɩɩkala tuo.”

WƖA YƖƖLAA 55:12

Dɩ mɩ dʋndɔŋ nɛ faa tʋʋsɛmɛ, mɩ jaŋ wuo nyalɩmɛ. Dɩ dʋndɔmɔ nɛ kɛŋ wɩaa chɩchaasɛmɛ, mɩ fa jaŋ kɛŋ mɩ tɩtɩa faaʋ.

WƖA YƖƖLAA 81:3

Má ŋmʋʋ nyile a suomi chɛŋ-falɩŋ arɩ bʋa-la lɛ chɛnɛ sɩ gullo dɛrɛ la gbiele tapʋlʋŋ.

NAMAGABA 22:3

Wʋjɩnna yie na wʋbɔmʋŋ dɩ ʋʋ kɔ ʋ gɛbɛ faa, ama nɩɩ-la sɩ bɩ wɩaa jɩŋ woruŋ-na yie vɛnɛ vɛnɛ mʋ jʋʋ, a na hɛɛŋ.

AMƆS 8:5

Ma yie pɩɛsɛ ma tɩtɩa, ‘Chɛ bɛɛ nɛ chɛŋ-falɩŋ gbiele jaŋ bal ka dɩ la yallɛ mɩaa? Chɛɛ bɛɛ nɛ chɛ-wiesii-la chɛɛŋ jaŋ bal ka dɩ la kɛŋ mɩaa gbaŋa muuri, a hɛ kɩaa yalɩŋ, a kɛŋ sanɩaba-la sɩ bɩ zɔŋ a magɩsa gʋrɛ nɩaa?

NAMBABA 10:10

Dɩ ma nɩɩ gbieli ma tʋɔtɔrɛ-gbielee: chɛŋ-falɩŋ gbielee arɩ ma gbielee dɔnsʋŋ, a ŋaa kʋnyɩgaa Wɩɩsʋlʋŋ arɩ ma nii-magɛ dɔŋɔ Wɩɩsʋlʋŋ, má maga dɩ ma ŋmʋʋ banyilliŋ deemba, a liliisi mɩ wɩaa. Mɩ nɛ ŋaa ma TƖƖNA Wɩa.”

NAMBABA 28:11

Chɛnɛ na-kala tapʋl bumbuŋ, má kɛŋ nɛ-bel pɔrɔɔ balɩa, pie-bele arɩ pie-bel pɔrɔɔ balɩpɛ sɩ yi jɩna jɩna, a ŋaa kʋnyɩgaa Wɩɩsʋlʋŋ pɩ mɩ-na ma TƖƖNA. Ba kʋŋkala bɩ maga dɩ ʋ kɛŋ nyɔɔ.

Jɔɔŋ 8:59

Ŋɩɩ nɛ ba paa tabɩaa dɩ ba yagʋ. Ʋ kɛŋ ʋ tɩtɩa faa a lʋara lɩɩ Wɩa dɩɩ-bal-la tʋɔŋ.

Tɩntɩŋŋaa 17:14

Ŋɩɩ nɛ nɩalɩŋ sɩ laa Yesu wɩaa dii ŋaa Pɔɔl lɩɩ a mʋ mʋgʋ-balɩŋ niiŋ, ka Saalas arɩ Timoti bɩ mʋa aŋ hɛ Biriya lɛ.

Koloosi Nɩaa 2:16

Ŋɩɩ wɩaa má sɩ́ leŋe dɩ nʋʋkala bil kɩsɩnɩŋ pɩma a tɩgɛ ma kʋdiilee koo kʋnyʋalaa lɛ, Wɩɩchʋɔlɛ chɛ-balaa koo chɛŋ-falɩŋ gbiele koo chɛ-wiesiŋ tapʋlʋŋ lɛ.

1 SAMƲƐL 19:2

Ŋɩɩ nɛ ʋ lʋara bʋla pʋ, “Mɩ nyɩmma Sɔɔl ka chɛ wombiiŋ nɛ dɩ ʋ kpʋŋ. Chie chʋchʋɔŋ kɛŋ ŋ tɩtɩa woruŋ, a chɛ lee a faa.

1 SAMƲƐL 20:18

Ŋɩɩ nɛ Jonataŋ bʋla pɩ Devit, “Chie nɛ ŋaa chɛŋ-falɩŋ gbiele, nɩaa jaŋ jɩŋ arɩ ŋ tuo kʋdiile-la leriŋ, bɛɛ wɩaa ŋ dɩhɔnʋŋ jaŋ pɩŋ pɛɩ.

1 SAMƲƐL 20:19

Chietuo a kaa mʋ dɩdaanɩŋ dɩɩrɩŋ, mʋ faa lee-la tɩtɩa ŋ tapʋlɩɩ-la sɩ laa sɩpaaŋ mʋ faa wɩaa deemba sɩ suomo, a gbɛrɛmɛ tabɩɩ-la ba sɩɩ yɩrɛ Ɛzɛl leriŋ.

1 SAMƲƐL 20:24

Ŋɩɩ nɛ Devit mʋ faa pɔkʋŋ nyuŋ. Chɛŋ-falɩŋ gbiele-la sɩ yie, kuoro Sɔɔl hɔŋ dɩ ʋ dii kʋdiile-la.

1 SAMƲƐL 20:27

Chɛŋ-falɩŋ gbiele-la tapʋl-lɩamɩŋ chɛɛŋ ma, Devit dɩhɔnʋŋ ha bɩra pɩŋ pɛɩ nɛ. Ŋɩɩ nɛ Sɔɔl pɩɛsɛ ʋ nanʋala Jonataŋ, “Bɛɛ nɛ tɩɩ Jesi bile bɩ kʋdiilee leriŋ kɔ, dɩa arɩ jɩnɩŋ kala?”

1 SAMƲƐL 20:4

Ŋɩɩ nɛ Jonataŋ bʋla pɩ Devit, “Wɩɩ-la kala ŋ sɩɩ chɛ dɩ mɩ ŋaa a pɛ ŋ lɛ, mɩ jaŋ ŋaa.”

1 SAMƲƐL 20:6

Dɩ ŋ nyɩmma nɛ chɛ mɩ ka kɩalɩŋ dɩ-diiliŋ, bʋla pʋ arɩ mɩ sʋl wombiiŋ nɛ arɩ sɩɩfɩɛsɩŋ dɩ mɩ fá mʋ mɩ jaŋ Bɛtɩlɛhɛm, bɛɛ wɩaa bʋa-la lɛ mɩ nyɩŋ-nɩaa kala sɩ yie vɛnɛɛ sʋl Wɩɩsʋlʋŋ jɩna na-kala yie nɛ.