1 SAMƲƐL 20:2 - WƖA TENIŊ

² Jonataŋ bʋl, “Ŋɩɩ bɩ jaŋ ŋaa, ŋ bɩ jaŋ sʋʋ. Bee na, mɩ nyɩmma bɩ jaŋ ŋaa wɩɩkala dɩ ʋ bɩ bʋla pɩmɛ, dɩ wɩɩ-la ŋaa wʋbal koo wʋbie. Ʋ bɩ jaŋ joŋ wɩɩŋ deeŋ faamɛ. Wɩɩ-la ŋ sɩ bʋla bɩ wʋtɩtɩɩ ŋaa.”

1 SAMƲƐL 20:2 ပူးပေါင်းရင်းမြစ်များ

WƖAA DƖ-SUOMUŊ 44:7

Ŋɩɩ nɛ ba bʋla pʋ, “Bɛɛ nɛ tɩɩ la kʋhɩaŋ bʋl wɩɩŋ deeŋ? Wɩa bɩ jaŋ sɛɩ dɩ la ŋaa wɩɩŋ deeŋ doho.

WƖA YƖƖLAA 40:6

Ŋ bɩ pʋsʋ-la ba sɩ yie kpʋ ŋaa Wɩɩsʋlʋŋ arɩ Wɩɩsʋlʋŋ kɩalɩŋ nɛ cho. Ŋ bɩra bɩ kʋnyɩgaa Wɩɩsʋlʋŋ arɩ wʋbɔŋŋɔɔ joŋo chɛnɩŋ Wɩɩsʋlʋŋ kɩaa ma nɩɩ chɛ. Ama ŋŋ chɛ dɩ mɩ jegile nɩɩ ŋ niiŋ wɩaa nɛ a toba.

NAMAGABA 29:24

Nɩɩ-la sɩ pɛ gaara lɛ, bɛrɛ ʋ tɩtɩa mɩɩsɩŋ nɛ. Ʋ nɛ paala ŋmɩɛsɛ ma, ʋ ha bɩ wʋtɩtɩɩ ka bʋl.

AZAAYA 50:5

La TƖƖNA Wɩɩjarɩbakɔ sɩ dagɛmɛ wɩalɩŋ mɩ nɩa nɛ, mɩ bɩ ba vɩa, mɩ bɩ ʋ harɩŋ ma mɩɩra.

Luuk 20:16

Ʋ jaŋ kɔ a kpʋ nɩalɩŋ sɩɩ beŋ baga-la kala aŋ joŋ baga-la a pɩ nɩtanɩa.” Nɩalɩŋ sɩ nɩɩ wɩalɩŋ Yesu sɩ bʋla, ba sɩ, “Wɩɩŋ deeŋ bɩ jaŋ kɔ dɩ ʋ ŋaa.”

Jɔɔŋ 15:15

Mɩ bɩra bɩ jaŋ kɛmma kaa yɩrɛ mɩ tɩntɩnnaa, bɛɛ wɩaa tɩntɩnna bɩ wɩɩ-la ʋ kʋhɩaŋ sɩɩ ŋaa jɩŋ. Ama mɩ-na bʋl wɩalɩŋ kala mɩ Nyɩmma sɩ bʋla pɩmɛ pɩma nɛ. Ŋɩɩ nɛ tɩɩ mɩ kɛmma yɩyɩrɛ mɩ nandɔnsʋŋ.

Jɔɔŋ 17:8

Mɩ bʋl ŋ niiŋ wɩalɩŋ ŋ sɩ bʋla pɩmɛ pɩba nɛ, ba laa dii. Ba jɩma arɩ wʋtɩtɩɩ nɛ, mɩ sɛnɛ lɩɩ ŋ teeŋ nɛ. Ba laa dii nɛ arɩ ŋ nɛ tɩmmɛ.

JOSUA 22:29

La bɩ jaŋ kɔ dɩ la vɩa La TƖƖNA a joŋ harɩŋ yɩaʋ, a saa Wɩɩsʋllɩ koruŋ a ŋɩŋaa kʋnyɩgaa Wɩɩsʋlʋŋ, mɩaa Wɩɩsʋlʋŋ, koo a kpʋ pʋsʋŋ a ŋaa Wɩɩsʋlʋŋ ʋ lɛ, see La TƖƖNA Wɩa koru-la sɩ chɩŋ ʋ sɩpaaŋ ʋ dɩ-zɔŋ-la lɛ.”

JOSUA 24:16

Ŋɩɩ nɛ nɩalɩŋ bʋl, “La bɩ jaŋ kɔ dɩ la leŋ La TƖƖNA aŋ to vesiŋ da.

1 SAMƲƐL 14:45

Laalɩyuoro-la kala bɩ sɛyɛ, aŋ ŋaa goŋ a bʋla pɩ Sɔɔl, “Jonataŋ ŋaa nʋʋ sɩ chaasa laa Iziral tɩŋŋaa ta nɛ, ʋ bɩ maga dɩ ʋ sʋʋ wɩɩŋ deeŋ wɩaa. La TƖƖNA sɩ weye wɩaa, ʋ nyu-pʋŋ ma bɩ maga dɩ ʋ churo tel. Wɩɩ-la ʋ sɩ ŋaa jɩnɩŋ, Wɩa nɛ pɛ ʋ lɛ.” Ba ŋaa ŋɩɩ nɛ a laa Jonataŋ ta, ba bɩ ʋ kpʋa.

1 SAMƲƐL 20:1

Ŋɩɩ nɛ Devit lɩɩ fá Nayɔf sɩ hɛ Rama lɛ, a mʋ Jonataŋ teeŋ a pɩɛsʋ, “Wʋbɛɛ nɛ mɩ ŋaa? Wʋbɔŋ bɛɛ nɛ mɩ ŋaa ŋ nyɩmma lɛ, ʋ chɩchɛ dɩ ʋ kpʋmɛ?”

1 SAMƲƐL 20:12

Ŋɩɩ nɛ Jonataŋ bɩra bʋla pɩ Devit, “La TƖƖNA Iziral tɩŋŋaa Wɩa nɛ jaŋ ŋaa la pɛ-naara, chietuo bʋa deeŋ lɛ, mɩ jaŋ chaasa pɩɛsɛ mɩ nyɩmma a na tʋɔbɩɩna-la ʋ sɩ kɛnɛ a tɩgɛ ŋ lɛ, dɩ ba ŋaa tʋɔbɩɩŋ zɔmɔ nɛ koo ɛɛ nɛ. Dɩ tʋɔ-la ʋ sɩ kɛnɛ arɩŋ nɛ zɔmɔ, mɩ jaŋ leŋ dɩ ŋ jɩŋ.

1 SAMƲƐL 20:3

Devit ŋmɩɛsa pɩ Jonataŋ a bʋl, “Ŋ nyɩmma jɩma arɩ ŋ chomi nɛ woruŋ, ŋɩɩ nɛ ʋ bʋl ʋ tʋɔŋ lɛ, ‘Jonataŋ bɩ maga dɩ ʋ jɩŋ wɩɩŋ deeŋ lɛ, dɩ ʋ nɛ jɩma, ʋ tʋɔŋ jaŋ faasa chei.’ Wʋtɩtɩɩ nɛ mɩ bʋlaa pɩŋ La TƖƖNA sɩ weye yɩrɩŋ lɛ, mɩ dɩ sʋʋŋ pɛgɛ bɩ bol mʋa ma.”

1 SAMƲƐL 9:15

Taŋ sɩ jaŋ pʋl ka dɩ Sɔɔl-na kɔ, La TƖƖNA laa sɩpaaŋ bʋl ŋ-la nɛ a pɩ Samʋɛl: