1 SAMƲƐL 2:9 - WƖA TENIŊ

⁹ Ʋ jaŋ pɔ nɩalɩŋ sɩɩ tou arɩ wʋtɩtɩɩ. Ama nɩbɔŋŋɔɔ-na jaŋ lɛl birimiŋ tʋɔŋ. Nuhuobiine bɩ jaŋ wuo kɛŋ ʋ tɩtɩa doluŋ a ŋaa wɩɩkala.

1 SAMƲƐL 2:9 ပူးပေါင်းရင်းမြစ်များ

JOB 18:18

Ba lɩɩsʋ pʋlʋmʋŋ lɛ nɛ a kaa mʋ hɛ birimiŋ lɛ. Ba kiru ta nɛ dʋnɩa lɛ.

JOB 40:13

Hugi ba kala tinteeŋ, tɔ ba hɛ lɛlɛɛ-jaŋ lɛ.

JOB 5:16

Ŋɩɩ wɩaa, summoo kɛŋ yɩɛlaa nɛ, ka Wɩa leŋ nɩbɔŋŋɔɔ niiŋ tɔ.

JOB 5:24

Ŋ jaŋ hɔŋ ŋ dɩa lɛ a bɩ wɩɩkala ka fá, ŋ jaŋ dɩɩsɛ ŋ dʋa kala, dɩ kʋŋ bɩ fuolo.

WƖA YƖƖLAA 1:6

Wɩa jɩŋ tʋɔpʋl tɩŋŋaa wombiiŋ wɩaa nɛ aa pɔba, ama nɩbɔŋŋɔɔ-na wombiiŋ jaŋ cheiba.

WƖA YƖƖLAA 105:37

Ʋ kɛŋ Iziral tɩŋŋaa kʋ lɩɩ Ijipiti tinteeŋ lɛ, dɩ ba chʋŋ hɔpʋla arɩ sɛlɩmɛ. Ba doho doho-la kala tʋɔŋ kʋŋ bɩ wɩɩ jʋa.

WƖA YƖƖLAA 121:3

Ʋ bɩ jaŋ leŋ dɩ ŋ tel, ʋ nɩɩ pɔŋ, ʋ bɩ doŋ ka dɩɛgɛ.

WƖA YƖƖLAA 121:5

La Tɩɩna jaŋ beŋ ŋ nyuŋ, ʋ hɛ ŋ sɛmɛ nɛ a pʋpɔŋ.

WƖA YƖƖLAA 121:8

La Tɩɩna jaŋ pɔŋ lee na-kala ŋ sɩɩ mʋ, a chɩŋ lɛɛlɛ a kaa mʋ wuu.

WƖA YƖƖLAA 145:20

La Tɩɩna ka pɔ nɩalɩŋ kala sɩ chou nɛ, ama ʋ jaŋ chei nɩbɔŋŋɔɔ kala.

WƖA YƖƖLAA 31:17

Mɩ ŋmoo niiŋ pɩpɩŋ nɛ mɩ Tɩɩna, sɩ́ leŋe dɩ hɩɩsɩŋ diimi, ama leŋ dɩ nɩbɔŋŋɔɔ dii hɩɩsɩŋ a mʋ lɛlɩŋ.

WƖA YƖƖLAA 37:28

La Tɩɩna cho nɩalɩŋ sɩ kɛŋ wʋtɩtɩɩ, ʋ bɩ jaŋ vɩa nɩalɩŋ sɩ laaʋ dii ta. Ʋ yie chu tɔ ba lɛ nɛ bʋa na-kala, ama ʋ jaŋ keri nɩbɔŋŋɔɔ doho nɩaa ta.

WƖA YƖƖLAA 94:18

Mɩ sɩ sɩ, “Mɩ sɩɛra nɛ a chɩchɛ mɩ tel,” La Tɩɩna, ŋ chono-la sɩ bɩ dɛrɛ nɛ chagɛmɛ kɩɩ.

WƖA YƖƖLAA 97:10

La Tɩɩna cho nɩalɩŋ sɩ bɛrɛ wʋbɔŋŋɔɔ nɛ woruŋ, ʋ yie pɔ nɩalɩŋ sɩ laaʋ dii nɛ, a laaba tɩta nɩbɔŋŋɔɔ nɩsɩŋ lɛ.

NAMAGABA 16:9

Nuhuobiine yie kɛŋ ʋ tʋɔŋ dɩ ʋ ŋaa wɩɩ, ama La Tɩɩna nɛ jɩŋ wombii-la ʋ sɩ jaŋ kɛnʋ to.

NAMAGABA 2:8

Ʋ nɛ chu tɔ nɩalɩŋ sɩ kɛŋ wʋtɩtɩɩ a pɔ ʋ nɩalɩŋ sɩ kɛŋ wʋtɩtɩɩ wombiee.

NAMAGABA 3:26

bɛɛ wɩaa La Tɩɩna nɛ jaŋ pɔŋ. Wɩɩkala bɩ jaŋ ŋaa ŋ lɛ, ʋ bɩ jaŋ leŋ dɩ ŋ jʋʋ bɛrɛ́ kala lɛ.

TƖƖCHA 5:17

Ʋ na hɛɛŋ nɛ ʋ tapʋlaa kala lɛ, a kɛŋ tʋɔ-cheeŋ kɩŋkɛŋ, wʋwalɩmaa, ʋ baanɩŋ sisii arɩ nyanyalaa.

TƖƖCHA 9:11

Wɩɩ dɔŋ ma nɛ mɩ bɩra na dʋnɩa lɛ: Naachɛ-lɩmɩŋ tɩɩna dee bɩ fá didii, nɩduoŋ ma dee bɩ laalɩŋ yuo didii. Wʋjɩnna dee bɩ kʋdiilee na didii bʋa-kala, nɩɩ-la sɩ jɩŋ wɩaa sɩaa ma dee bɩ dʋa ka kɛŋ. Nɩalɩŋ sɩ kɛŋ jɩma yie bɩ lere-la sɩ maga dɩ ba jomba hɛ ka na, ama nyu-sɩmɩŋ ka puu nʋʋkala nɛ.

AZAAYA 27:3

“Mɩ beŋ ʋ nyuŋ nɛ, a ŋaa lɩɩŋ hɩhɛ ʋ lɛ bʋa na-kala. Mɩ yie pɔʋ nɛ tɩtaŋɩŋ arɩ wɩɩhɛyɛ kala, dɩ nʋʋ sɩ́ wʋbɔŋ joŋo ŋaa ʋ lɛ.

AZAAYA 47:5

La TƖƖNA bʋla pɩ Babɩlɔŋ, “Hɔŋ birimiŋ tʋɔŋ a tɔrɛ ŋ niiŋ. Nʋʋkala bɩra bɩ jaŋ yɩrɩŋ tinteyee kuoro.

JƐRƖMAAYA 8:14

Ŋɩɩ nɛ Juda nɩaa pɩɛsɛ dɔŋɔ, “Bɛɛ nɛ tɩɩ la ha hɔŋ daha? Má kʋ hɛ dɔŋɔ! Má leŋ dɩ la fá mʋ tabala-la ba sɩ saa kɛrɩsɩŋ golli a sʋʋ nɩmɛ. La TƖƖNA Wɩa ka chɛ dɩ ʋ kpʋla nɛ a joŋ bɩɛlɩŋ hɛ lɩɩŋ lɛ dɩ la nyʋa, a tɩŋ la sɩ ŋaa wʋbɔŋŋɔɔ ʋ lɛ wɩaa.

JƐRƖMAAYA 9:23

Wɩɩ-la La TƖƖNA bɩra sɩ bʋla nɛ ŋ-la: “Wʋjɩnna bɩ maga dɩ ʋ kɛŋ ʋ wʋjɩmɩŋ ŋmoo bɔyɛ. Nɩduoŋ ma bɩ maga ʋ kɛŋ ʋ doluŋ ŋmoo bɔyɛ. Kɩaa tɩɩna ma bɩ maga dɩ ʋ kɛŋ ʋ kɩaa ŋmoo bɔyɛ.

NAHUM 1:8

ama ʋ jaŋ leŋ dɩ lɩɩ-balɩŋ pɛllɛ paa Nɩnɩvɛ tabal-la nɩaa kala. Ʋ jaŋ kire kpʋ ʋ dʋndɔŋŋɔɔ.

ZEFANAAYA 1:15

Tapʋlɩɩ-la Wɩa jaŋ dagɛ ʋ baanɩŋ, nɩaa jaŋ na hɛɛŋ dɩ ba tʋɔŋ faasa chei, tapʋlɩɩ-la ba jaŋ chei nɩaa ka dɩ jikpeeŋ pɩŋ, ʋ jaŋ ŋaa birimiŋ tapʋlɩɩ dɩ leriŋ faasa biri, a ŋaa tapʋlɩɩ duoŋ-bɩlɩmbaanaa sɩ jaŋ tɔ dɩ leriŋ faasa biri.

ZƐKARƖYA 4:6

Ŋɩɩ nɛ ʋ bʋla pɩmɛ, “Wɩɩ-la La TƖƖNA sɩ bʋla pɩ Zerubabɛl nɛ ŋ-la: ‘Ŋ ballɩŋ lɛ dee koo ŋ doluŋ lɛ dee ŋ jaŋ yuo dii, ama mɩ-na Wɩa Dɩma lɛ nɛ ŋ jaŋ to yuo dii.’ La TƖƖNA doluŋ kala Tɩɩna nɛ bʋla.

NAMBABA 6:24

‘La TƖƖNA jaŋ pɛ ma lɛ a kɛmma woruŋ.

Matiu 8:12

Ama nɩalɩŋ fa sɩ maga dɩ ba hɛ Wɩa kuorii-la lɛ aŋ bɩ jʋa, ba jaŋ jomba yuo ta jeeŋ harɩŋ dɩ ba hɛ birimiŋ tʋɔŋ a pɩna yiyel aŋ dɩdɩŋ ba nyɩlaa.”

Rom Tɩŋŋaa 3:19

La jɩma arɩ wɩalɩŋ Mosis sɩ ŋmʋnsa bil dɩ nɩaa tuto, dɩ ʋ nɛ dagɛ wɩɩkala, nɩalɩŋ sɩɩ to wɩalɩŋ nɛ ʋ daga pɩpa. Ŋɩɩ wɩaa nʋʋkala bɩra bɩ jaŋ wuo bʋl wɩɩkala dɩ Wɩa nɛ dii dʋnɩa nʋʋkala sarɩya.

MOSIS BƖRA WULLI WƖA WOMBIIŊ 33:3

Wʋtɩtɩɩ, La TƖƖNA cho ʋ nɩaa nɛ. Nɩalɩŋ kala sɩ kɛŋ tʋɔpʋla hɛ ʋ nɩsɩŋ lɛ nɛ, ʋ sɩpaaŋ nɛ ba kala kpirimi a laa wɩalɩŋ ʋ sɩ daga,

1 Pɩɩta 1:5

A tɩŋ ma sɩ laa ʋ wɩaa dii ŋɩɩ, Wɩa ka pɔma nɛ arɩ ʋ doluŋ. Dɩ dʋnɩa nɛ kʋ dɩdɛrɛ, ʋ jaŋ dagɛ nɩaa ŋɩɩ ʋ sɩ laama ta.

2 Pɩɩta 2:17

Wʋnyɩɛrɩ kerichi deemba nagɛ lɩɩ-bulo sɩ hɩla nɛ. Ba bɩra nagɛ duonuŋ sɩ tɩna, aŋ ka peliŋ ŋaa kiri ʋ bɩ nɩa nɛ. Nɩaa deemba, Wɩa jaŋ jomba hɛ biriŋ lim tʋɔŋ.

Juud 1:1

Mɩ-na Juud nɛ ŋmʋnsɛ teniŋ deeŋ. Mɩ ŋaa Yesu Kirisito tɩntɩnnʋ nɛ a ŋaa Jeems naambii ma. Mɩ ŋmʋnsɛ teniŋ deeŋ a pɩpɩ nɩalɩŋ Wɩa sɩ yɩra, nɩalɩŋ la Nyɩmma Wɩa sɩ cho, nɩalɩŋ Yesu Kirisito sɩɩ pɔ.

Juud 1:13

Nɩaa deemba nagɛ lɩɩ-peliŋ sɩ dolie nɛ. Ba hɩɩsɩ wɩalɩŋ ma nagɛ disiniŋ lɩɩ-peliŋ sɩ kaa kʋ lɩɩ ta lɩɩŋ niiŋ. Ba nagɛ chɛnwʋlaa sɩ churo nɛ a mʋ jʋʋ sɛmɛ dɔŋɔ birimiŋ tʋɔŋ lim. Ba jaŋ hɛ nɩmɛ a kaa mʋ wuu.

Juud 1:3

Mɩ nandɔŋ-chooloo, mɩ fa cho dɩ mɩ ŋmʋnsɛ teniŋ pɩma nɛ, a bʋl wɩaa a tɩgɛ ŋɩɩ Wɩa sɩ laa la dɩ ma kala ta lɛ. Ama mɩ na dɩ ʋ maga dɩ mɩ ŋmʋnsɛ teniŋ deeŋ a sʋlma dɩ ma kala luloo woruŋ a tɩŋ wɩalɩŋ la sɩ laa dii wɩaa. Wɩa joŋ wɩalɩŋ hɛ ʋ nɩaa nɩsɩŋ lɛ bala nɛ.

1 SAMƲƐL 25:26

Mɩ nɩhɩaŋ, La TƖƖNA nɛ bɩŋ wombiiŋ pa dɩ ŋ tɩtɩa joŋ ŋ baanɩŋ fɩɩsɛ ŋ dʋndɔŋŋɔɔ lɛ a kpʋba. Mɩ ŋmɩɛsa pɩŋ, arɩ La TƖƖNA sɩ weye, a leŋ dɩ ŋ dʋndɔŋŋɔɔ arɩ nʋʋ na-kala sɩ bɩɩna dɩ ʋ ŋaa wʋbɔŋ ŋ lɛ, dɩ tɩɩna dɩ-dɛrɩŋ kala nagɛ Nabal.