1 SAMƲƐL 2:8 - WƖA TENIŊ

⁸ Ʋ nɛ yie chʋʋlɛ summoo kʋŋkɔlʋŋ lɛ, aŋ kɛŋ nɩalɩŋ sɩ bɩ ba tɩtɩa lɛ wuo pɛ ta ba sii tʋɔrʋŋ nyuŋ, a leŋ ba guoli kuori-biiriŋ tʋɔŋ, a leŋ ba hɔŋ lee sɩ kɛŋ yɩrɩŋ. La TƖƖNA nɛ ŋaa tinteeŋ gentine kala, a leŋ dʋnɩa chɩŋ ʋ nyuŋ a ŋaa ʋ kʋŋ.

1 SAMƲƐL 2:8 ပူးပေါင်းရင်းမြစ်များ

WƖAA DƖ-SUOMUŊ 41:14

Ŋɩɩ nɛ Ijipiti tinteeŋ kuoro tɩŋ ba mʋ lɩɩsɛ Josɛf nɩtɔɔrɩ dɩa lɛ lɩma lɩma, a kaa kɔ. Ʋʋ kɔ Ijipiti tinteeŋ kuoro sɩpaaŋ dɩ ʋ fʋŋ ʋ tɔŋŋɔɔ, a wuri ʋ nɩtɔɔrɩ gɛnnɩŋ aŋ laalɛ gɛrɩ falaa.

WƖAA DƖ-SUOMUŊ 41:40

Ŋ nɛ jaŋ bibeŋ mɩ kuoru-dɩa, mɩ nɩaa kala jaŋ tuto ŋ niiŋ. Mɩ kuoru kpasa dʋndʋŋa nɛ mɩ jaŋ kaa kɩɩŋ.”

2 SAMƲƐL 7:8

Ŋɩɩ wɩaa, bʋla pɩ mɩ tɩntɩnna Devit, wɩɩ-la mɩ-na ma TƖƖNA doluŋ kala Tɩɩna sɩ bʋla nɛ ŋ-la: Mɩ lɩɩsɩŋ pie-daalɩŋ lɛ nɛ a leŋ ŋ ŋaa mɩ nɩaa Iziral tɩŋŋaa kuoro.

1 KUOROO 16:2

“Ŋ fa bɩ nʋʋkala ŋaa, ka mɩ lɩɩsɩŋ, a leŋ ŋ ŋaa mɩ nɩaa Iziral tɩŋŋaa sɩpaalaara. Ama ŋ to Jerobuam naabʋɔsʋŋ nɛ a leŋ mɩ nɩaa Iziral tɩŋŋaa ŋaa wʋbɔŋŋɔɔ a leŋ mɩ baanɩŋ sii a tɩŋ ba wʋcheelie-la wɩaa.

2 KUOROO 9:6

Ŋɩɩ nɛ Jehu sii ba jʋʋ dɩa. Ba sɩ jʋa, Wɩa wʋlaabʋllʋ-la joŋ nʋʋŋ a wansɛ hɛ Jehu nyuŋ lɛ aŋ bʋl, “Wɩɩ-la La TƖƖNA Iziral tɩŋŋaa Wɩa sɩ bʋla nɛ ŋ-la: ‘Mɩ lɩɩsɩŋ nɛ dɩ ŋ ŋaa mɩ nɩaa Iziral tɩŋŋaa kuoro.

JOB 1:21

a bʋl, “Yarɩ-biree nɛ mɩ kaa lɩɩ mɩ naaŋ luoruŋ tʋɔŋ a kʋ lɩɩ, yarɩ-biree nɛ mɩ jaŋ mɩɩra kaa mʋ dɩ mɩ nɛ sʋba. La TƖƖNA nɛ pɩmɛ nɩaa arɩ kɩalɩŋ mɩ fa sɩ kɛnɛ aŋ bɩra kaa laa. Mɩ jaŋ dɛnnɛ La TƖƖNA.”

JOB 2:8

Ŋɩɩ nɛ Job joŋ kanchele a hɔŋ tʋɔrʋŋ tʋɔŋ aŋ kaa pɩpaasɛ ʋ yaraa.

WƖA YƖƖLAA 102:25

Dɩ-suomuŋ kala, ŋ nɛ bil tinteeŋ gentine, ŋ nɛ ŋaa wɩa-nyuŋ ma.

WƖA YƖƖLAA 104:5

Ŋ leŋe tinteeŋ gentine chɩŋ nɛ, kʋŋkala bɩ jaŋ wuo kɛnʋ jigisi.

WƖA YƖƖLAA 107:41

Ama ʋ yie laa nɩalɩŋ sɩ bɩ ba tɩtɩa lɛ wuo pɛ ta nɛ ba hɛɛŋ lɛ, a leŋ ba dɩa nɩaa pʋŋa yʋgɛ a nagɛ piesee.

WƖA YƖƖLAA 24:2

La Tɩɩna ŋaa tinteeŋ a daŋ mʋgʋ-balaa nyuŋ nɛ, a leŋ ʋ chɩŋ lɩɩŋ nyuŋ kpaŋkpaŋ.

WƖA YƖƖLAA 75:3

Dɩ tinteeŋ nɛ zigile, dɩ nɩalɩŋ sɩ hɛ ʋ lɛ chel, mɩ jaŋ chagɛ ʋ gentine bil.

WƖA YƖƖLAA 75:4

Mɩ bʋla pɩ nɩalɩŋ sɩ kɛŋ sɩɩ-duoŋ, ‘Má sɩ́ ma tɩtɩa lɛ bigisu,’ aŋ bɩra bʋla pɩ nɩbɔŋŋɔɔ ma, ‘Má sɩ́ ma doluŋ lɛ bigisu.

WƖA YƖƖLAA 75:7

Wɩa nɛ sarɩya diire. Ʋ nɛ yie kɛŋ nɩa dɔŋɔ muuri, aŋ kɛŋ dɔŋɔ ŋaa nɩbal.

TƖƖCHA 4:14

Dɩ ba lʋl bapʋɔsɛ-bie-la hɛ sunnuŋ lɛ nɛ koo dɩ ʋ lɩɩ bɩnɩŋ dɩa lɛ nɛ, ʋ jaŋ wuo dii kuoruŋ.

AZAAYA 22:23

Mɩ jaŋ leŋ dɩ ʋ chɩŋ woruŋ a nagɛ ba sɩ pɛ daapɛhɛ tinteeŋ dɩ-duoŋ, dɩ ʋ nagɛ kuoru kpasa a kɛŋ yɩrɩŋ ʋ nyɩmma dɩa lɛ.

DANƖƐL 2:48

Ŋɩɩ nɛ kuoro leŋ Danɩɛl dɩchɩnɩŋ yuŋ woruŋ a joŋ kɩaa ma yʋgɛ a dii zile ʋ lɛ. Ʋ leŋ ʋ bibeŋ Babɩlɔŋ tinteeŋ kala aŋ ŋaa ʋ wʋjɩnnaa ma kala nɩhɩaŋ.

DANƖƐL 4:17

Wɩɩ-la Wɩa tɩndaaraa sɩ heele bʋl nɛ ŋɩɩ, dɩ nɩalɩŋ sɩ kɛŋ mɩɩsɩŋ jɩŋ arɩ Wɩa sɩ kɩɩ kʋŋkala nɛ kɛŋ doluŋ a bibeŋ nuhuobiinee kuoruŋ, a jaŋ wuo jomba pɩ nɩɩ-la kala ʋ sɩ cho dɩ ʋ bibeŋ. Ʋ jaŋ wuo paala jomba pɩ nɩbiisiŋ dɩ ba bibeŋ.’

DANƖƐL 6:3

Danɩɛl tɩntɩŋŋaa nɛ fa lɩɩ sɩɩŋ a kɩɩ ʋ nɩhɩa-dɔsʋ-la arɩ sɩpaalaara-la kala. Ʋ sɩ wuo wɩaa ŋɩŋaa ŋɩɩ, kuoro bɩbɩɩnɛ dɩ ʋ leŋ dɩ ʋ nɛ bibeŋ ʋ tinteeŋ kala.

Hiburu TƖŊŊAA 1:3

Wɩa sɩ kɛŋ tʋla-la, ʋ nɛ ʋ Bie ma kɛŋ. Ŋɩɩ Wɩa sɩ naga, ŋɩɩ tɩtɩa nɛ ʋ Bie ma nagɛ. Wɩalɩŋ ʋ sɩɩ bʋl kɛŋ doluŋ, dol-la nɛ ʋ kaa beŋ kʋŋkala sɩ hɛ dʋnɩa lɛ. Ʋ sɩ pɩɩsɛ nɩaa disiniŋ ta dɛrɛ, ʋ jɩla hɔŋ Wɩa nadiiŋ, nɩduoŋ dɩhɔnʋŋ.

Jeems 2:5

Mɩ naambii-kpɩanaba, má jegile nɩɩ mɩ teeŋ. Nɩalɩŋ sɩ ŋaa summoo dʋnɩa deeŋ lɛ, Wɩa tʋɔsɛba nɛ dɩ ba laa ʋ wɩaa dii woruŋ a jʋʋ ʋ kuorii-la, lee-la ʋ sɩ sɩ ʋ jaŋ joŋo pɩ nɩalɩŋ sɩ chou.

Jɔɔŋ Wʋnaalaa 1:6

Ʋ nɛ leŋe la dɩ ʋ kala dii kuoruŋ a tɩmaa pɩ Wɩa, Nɩɩ-la sɩ ŋaa ʋ Nyɩmma. Ʋ nɛ kɛŋ yɩrɩŋ arɩ doluŋ a kaa mʋ wuu. Amɩɩ.

Jɔɔŋ Wʋnaalaa 22:5

Taŋ bɩ jaŋ biri nɩmɛ. Ba bɩ chaanɩŋ koo wɩɩpɔsʋŋ pʋlʋmʋŋ chɛ nɩmɛ. La Tɩɩna Wɩa nɛ jaŋ ŋaa ba pʋlʋmʋŋ. Ba nɛ jaŋ beŋ dʋnɩa a kaa mʋ wuu.

Jɔɔŋ Wʋnaalaa 3:21

Nɩɩ-la sɩ wuo yuo dii Sɩtaanɩ, mɩ jaŋ pʋ wombiiŋ dɩ ʋ pɛ hɔŋ mɩ kuoru kpasa nyuŋ arɩ mɩ ma sɩ yuo dii Sɩtaanɩ aŋ pɛ hɔŋ mɩ Nyɩmma kuoru kpasa nyuŋ ŋɩɩ.

Jɔɔŋ Wʋnaalaa 5:10

Ŋ leŋe nɩalɩŋ ŋ sɩ yɔbɔ, dii kuoruŋ nɛ a laa nɩaa nyuŋ a tɩma pɩpɩ Wɩa. Ba jaŋ beŋ tinteeŋ kala.”

1 SAMƲƐL 15:17

Ŋɩɩ nɛ Samʋɛl bʋl, “Bumbuŋ kala, ŋ tɩtɩa fa bene arɩ ŋ bɩ nʋʋ ŋaa nɛ. Ŋ dee saa bɩ kʋ ŋaa Iziral tɩŋŋaa doho doho-la kala sɩpaalaara ŋɩɩ? La TƖƖNA nɛ lɩɩsɩŋ ŋ ŋaa ba kuoro.