1 SAMƲƐL 2:7 - WƖA TENIŊ

⁷ La TƖƖNA nɛ yie leŋ nɩa ŋaa summu koo a ŋaa kɩaa tɩɩna. Ʋ nɛ yie kɛŋ nɩa muuri koo a ŋaa ʋ ŋaa nɩbal.

1 SAMƲƐL 2:7 ပူးပေါင်းရင်းမြစ်များ

2 KUOROO 9:6

Ŋɩɩ nɛ Jehu sii ba jʋʋ dɩa. Ba sɩ jʋa, Wɩa wʋlaabʋllʋ-la joŋ nʋʋŋ a wansɛ hɛ Jehu nyuŋ lɛ aŋ bʋl, “Wɩɩ-la La TƖƖNA Iziral tɩŋŋaa Wɩa sɩ bʋla nɛ ŋ-la: ‘Mɩ lɩɩsɩŋ nɛ dɩ ŋ ŋaa mɩ nɩaa Iziral tɩŋŋaa kuoro.

1 IZIRAL TƖŊŊAA NAABARƖŊ 29:12

Ŋ nɛ yie pɩ nɩaa dʋa, ŋ yie leŋ nɩaa kɛŋ yɩrɩŋ. Ŋ nɛ kɛŋ doluŋ a bibeŋ kʋŋkala, ŋ jaŋ wuo leŋ dɩ nɩa ŋaa nɩbal a kɛŋ doluŋ.

2 IZIRAL TƖŊŊAA NAABARƖŊ 32:27

Kuoro Hezikaaya fa kɛŋ dʋa nɛ woruŋ nɩaa zizilu. Ʋ saa chʋgʋsʋŋ dɩɩsɩŋ a bil ʋ kɩaa deemba: sɛlɩmɛ, hɔpʋla, tabɩɩ-tʋlaa, tegisiŋ, hɔɔtaalɩ-la laalɩyuoroo sɩ kaa kɛrɛɛ laa bayuori hɛŋŋɛɛ, a pɛ kɩaa dɔnsʋŋ sɩ kɛŋ yuŋuŋ lɛ.

2 IZIRAL TƖŊŊAA NAABARƖŊ 32:29

Wɩa fa leŋe Hezikaaya chaasa kɛŋ dʋa nɛ woruŋ. Ʋ yɔɔ piesee arɩ bʋʋnaa pɛ a saa tasɩŋ, lere-la pʋsʋ-la sɩ jaŋ hɛ.

JOB 1:21

a bʋl, “Yarɩ-biree nɛ mɩ kaa lɩɩ mɩ naaŋ luoruŋ tʋɔŋ a kʋ lɩɩ, yarɩ-biree nɛ mɩ jaŋ mɩɩra kaa mʋ dɩ mɩ nɛ sʋba. La TƖƖNA nɛ pɩmɛ nɩaa arɩ kɩalɩŋ mɩ fa sɩ kɛnɛ aŋ bɩra kaa laa. Mɩ jaŋ dɛnnɛ La TƖƖNA.”

JOB 40:12

Bemba woruŋ aŋ kɛmba muuri, chei nɩbɔŋŋɔɔ lee-la kala ba sɩ hɛ.

JOB 5:11

Nɩalɩŋ sɩ kɛŋ ba tɩtɩa muuri, ʋ yie kɛmba je nɛ, a leŋ nɩalɩŋ ma sɩɩ yel kɛŋ tʋɔtɔrʋŋ.

WƖA YƖƖLAA 102:10

A tɩŋ ŋ baanɩŋ sɩ sii kɩŋkɛŋ wɩaa, ŋ jommi yuo ta nɛ.

WƖA YƖƖLAA 75:7

Wɩa nɛ sarɩya diire. Ʋ nɛ yie kɛŋ nɩa dɔŋɔ muuri, aŋ kɛŋ dɔŋɔ ŋaa nɩbal.

WƖA YƖƖLAA 75:8

La Tɩɩna baanɩŋ sie nɛ a nagɛ sɩ-duoŋ sɩ su nyʋnyʋala ʋ kori. Ʋ wansa pɩ nɩbɔŋŋɔɔ kala sɩ hɛ dʋnɩa lɛ, ba nyʋa ʋ kala fɩɩp.

NAMAGABA 22:2

Wʋbala nɛ kɩaa tɩŋŋaa arɩ summoo kaa magɛ dɔŋɔ: La Tɩɩna nɛ ŋaa ba kala.

AZAAYA 2:12

Tapʋlɩɩ-la, La TƖƖNA doluŋ kala Tɩɩna jaŋ leŋ dɩ nɩalɩŋ sɩɩ bigisi ba tɩtɩa lɛ arɩ nɩalɩŋ sɩ kɛŋ ba tɩtɩa je sɩaa tuu tinteeŋ.

JƐRƖMAAYA 49:15

La TƖƖNA sɩ, “Lɛɛlɛ mɩ jaŋ leŋ dɩ ma muuri tinteyee tʋɔŋ, dɩ nɩaa bee gʋgʋʋnɛ ma.

ƐZƖKƖƐL 17:24

Tɩɩsɩŋ kala sɩ hɛ baga lɛ jaŋ jɩŋ arɩ mɩ-na ba TƖƖNA jaŋ wuo ŋaa dɩ tɩɩ-duduosuŋ kui, a ŋaa tɩɩ-kuunuŋ ma duomi. Mɩ jaŋ wuo ŋaa tɩɩsɩ-la pɩpaarɩŋ sɩ lɛyɛ hɩl, a ŋaa tɩɩsɩ-la ma pɩpaarɩŋ sɩ hɩla lɛɩ. Mɩ-na ma TƖƖNA nɛ bʋla, mɩ jaŋ ŋaa wɩɩ-la mɩ sɩ bʋla.”

Jeems 4:10

Má kɛŋ ma tɩtɩa muuri Wɩa sɩpaaŋ. Dɩ ma nɛ ŋaa ŋɩɩ, ʋ jaŋ kɛmma je.