1 SAMƲƐL 2:30 - WƖA TENIŊ

³⁰ Ŋɩɩ wɩaa, mɩ-na ma TƖƖNA, Iziral tɩŋŋaa Wɩa sɩ: Mɩ fa bʋla pɩ ŋ dɩa nɩaa arɩ ŋ nyɩŋ-nɩaa, dɩ ba nɛ ŋaa Wɩɩsʋllɩ sɩpaalaaraa bʋa na-kala, ama lɛɛlɛ mɩ bʋla arɩ ŋɩɩ bɩra bɩ jaŋ chɩŋ. Nɩalɩŋ sɩɩ zilmi, mɩ ma jaŋ zilba, aŋ bɛrɛ nɩalɩŋ sɩ bɩ mɩ kaa tɩtɩŋ.

1 SAMƲƐL 2:30 ပူးပေါင်းရင်းမြစ်များ

1 KUOROO 11:11

Ŋɩɩ nɛ La TƖƖNA bʋla pɩ Solomoŋ, “Ŋ mɛlɛ sɩ folo nagɛ ŋ-la, ŋ bɩ nii-la mɩ sɩ bile arɩ wɩalɩŋ mɩ sɩ dagɩŋ to, mɩ jaŋ kɛŋ ŋ kuoruŋ laa a joŋo pɩ ŋ tɩntɩnnaa dɔŋɔ.

1 KUOROO 2:27

Ŋɩɩ nɛ Solomoŋ kiri Abɩata sɩ ŋaa La TƖƖNA Wɩɩsʋllɩ sɩpaalaara ʋ tɩntɩŋŋaa lɛ. Ŋɩɩ leŋ La TƖƖNA fa sɩ bʋl wɩalɩŋ Sɩlɔ lɛ a tɩgɛ Eli doho nɩaa lɛ sɛnɛ kʋ ŋaa wʋtɩtɩɩ.

1 IZIRAL TƖŊŊAA NAABARƖŊ 17:18

Mɩ ŋaa ŋ tɩntɩnnʋ nɛ, ŋ jɩŋ mɩ wɩɩkala nɛ. Mɩ bɩra bɩ wɩɩkala kɛnɛ mɩ bʋl, ŋ sɩ leŋe mɩ yɩrɩŋ sii ŋɩɩ.

2 IZIRAL TƖŊŊAA NAABARƖŊ 15:2

Ʋ lɩɩ Asa teeŋ a bʋla pʋ, “Kuoro Asa, ŋ dɩ Juda doho nɩaa arɩ Bɛnjamɩŋ doho nɩaa kala, má jegile nɩɩ mɩ teeŋ. La TƖƖNA jaŋ chɩna gbɛrɛma dɩ ma nɛ chɩna gbɛrʋ. Dɩ ma nɛ chɛʋ, ma jaŋ naʋ ma, ama dɩ ma nɛ vɩaʋ, ʋ ma jaŋ vɩama ta.

2 IZIRAL TƖŊŊAA NAABARƖŊ 26:18

a mʋ ʋ teeŋ a bʋla pʋ, “Ŋ-na Uzia, ŋ bɩ wombii kɛnɛ dɩ ŋ nyɩgɛ kʋsʋɔrʋsʋŋ a pɩ La TƖƖNA. Wɩɩsʋllɩ sɩpaalaaraa sɩ ŋaa Arɔŋ doho nɩaa, ba sɩ joŋo hɛ La TƖƖNA nɩsɩŋ lɛ tɩntɩmɩɩ nɛ. Lɩɩ Wɩa dɩa deeŋ tʋɔŋ. Ŋ ŋaa wʋbɔŋ nɛ, La TƖƖNA Wɩa bɩra bɩ jaŋ pɛ ŋ lɛ.”

WƖA YƖƖLAA 18:20

La Tɩɩna ŋaa wɩalɩŋ mɩ lɛ a tɩŋ mɩ sɩ ŋaa tʋɔpʋl tɩɩna wɩaa nɛ. Mɩ sɩ bɩ disiŋ kala kɛnɛ nɛ tɩɩ ŋ siilimi.

WƖA YƖƖLAA 18:26

Nɩalɩŋ ma sɩ kɛŋ tʋɔpʋla, ŋ yie pʋllɛ ŋ tʋɔŋ pɩba nɛ, ama nɩalɩŋ wɩaa sɩ golibo, ŋ yie hosi ba nyuŋ nɛ.

WƖA YƖƖLAA 50:23

Dɩ ŋ nɩɩ lɔllɛ mɩ-na Wɩa, Wɩɩsʋlɩɩ-la sɩɩ tɔrɛ mɩ tʋɔŋ nɛ ŋɩɩ. Nɩɩ-la wʋŋaalaa sɩ tʋʋla, mɩ-na ma Wɩa jaŋ leŋ dɩ ʋ jɩŋ arɩ mɩ kɛŋ doluŋ dɩ mɩ laaʋ ta.”

WƖA YƖƖLAA 73:20

Nɩbɔŋŋɔɔ nagɛ duosoo nɩa sɩ duoso a sii chʋchʋɔŋ a yʋ nɛ. La Tɩɩna, dɩ ŋ nɛ sie, ba jaŋ nyɩɩgɛ.

WƖA YƖƖLAA 91:14

Wɩa sɩ, “Nɩalɩŋ kala sɩ chomi, mɩ jaŋ laaba ta, mɩ jaŋ chu tɔ ba lɛ a tɩŋ ba sɩ jɩmmɛ wɩaa.

WƖA YƖƖLAA 91:15

Dɩ ba nɛ yɩrɛmɛ, mɩ jaŋ sɛɩ. Dɩ ba nɛ jʋʋ wɩɩ ma, mɩ jaŋ hɛ ba teeŋ, a laaba ta a zilba.

MOSIS KƐŊ IZIRAL TƖŊŊAA LƖƖ 28:43

Arɔŋ arɩ ʋ hambolibiisiŋ maga dɩ ba vɔɔ kpuŋkpelliŋ deemba nɛ, dɩ ba nɩɩ jʋʋ lɛbɩ-la lɛ mɩ-na ma TƖƖNA sɩ yie kɔ Iziral tɩŋŋaa teeŋ, koo dɩ ba nɩɩ jʋʋ Wɩa dɩ-zɔŋ-la tʋɔŋ koru-la teeŋ dɩ ba tɩŋ Wɩa tɩntɩŋŋaa, dɩ wʋbɔŋ sɩ́ ba lɛ ŋaa koo dɩ ba sɩ́ sʋʋ. Wɩɩŋ deeŋ maga dɩ ʋ chɩŋ nɛ a pɩ Arɔŋ arɩ ʋ doho nɩaa kala dɩ ba tuto a kaa mʋ wuu.

MOSIS KƐŊ IZIRAL TƖŊŊAA LƖƖ 29:9

a paa nyunchuuluŋ chuba, aŋ paa gɛrɩpɛlɩɛɛ biisiŋ a vɔɔ Arɔŋ arɩ ʋ hambolibiisiŋ tɩnsɩŋ. Dɩ ŋ nɛ ŋaa ŋɩɩ mɩ sɩ dagɩŋ, ŋ joŋ Arɔŋ arɩ ʋ hambolibiisiŋ hɛ mɩ-na Wɩa nɩsɩŋ lɛ nɛ. Ba dɩ ba doho nɩaa nɛ jaŋ ŋaa Wɩɩsʋllɩ sɩpaalaaraa a kaa mʋ wuu.

NAMAGABA 12:8

Dɩ nʋʋ nɛ kɛŋ wʋjɩmɩŋ, nɩaa jaŋ bɛsɛ ʋ lɛ. Ama dɩ nʋʋ nɛ yaara, nɩaa sɩaa bɩ ʋ ka su.

NAMAGABA 4:8

Dɩ ŋ nɛ chou, ʋ jaŋ kɛnɩŋ je. Dɩ ŋ nɛ mɩlʋ kpɛrɛ, ʋ jaŋ ziliŋ.

NAMAGABA 8:17

Mɩ cho nɩalɩŋ sɩ chomi nɛ. Nɩalɩŋ kala sɩ bee chɩchɛmɛ yie namɛ nɛ.

AZAAYA 29:13

La TƖƖNA sɩ, “Nɩaa deemba yie kɔ mɩ teeŋ a kɛŋ niiŋ nɛ zizilmi, ka ba tʋɔbɩɩnaa bol arɩ mɩ. Ba yie to nuhuobiinee wombiee nɛ a chʋchʋɔlɛmɛ.

JƐRƖMAAYA 29:32

wɩɩ-la mɩ-na ma TƖƖNA sɩ bʋla nɛ ŋ-la: Mɩ jaŋ dɔgɩsɛ Sɛmaaya sɩ lɩɩ Nehelam arɩ ʋ doho nɩaa kala. Ʋ nɩaa kʋŋkala bɩ jaŋ ka nɩaa deemba tʋɔŋ. Ʋ bɩ jaŋ kɔ dɩ ʋ na wʋzɔmɔ-la mɩ sɩ jaŋ ŋaa pɩ mɩ nɩaa, bɛɛ wɩaa ʋ dagɛ nɩaa a leŋ ba vɩa mɩ niiŋ nɛ. Mɩ-na ma TƖƖNA nɛ bʋla.’ ”

JƐRƖMAAYA 49:15

La TƖƖNA sɩ, “Lɛɛlɛ mɩ jaŋ leŋ dɩ ma muuri tinteyee tʋɔŋ, dɩ nɩaa bee gʋgʋʋnɛ ma.

ƐZƖKƖƐL 34:10

Mɩ-na ma TƖƖNA Wɩɩjarɩbakɔ chɩŋ ma pie-daara-la lɛ nɛ. Mɩ jaŋ kɛmma a tɩŋ wɩalɩŋ ma sɩ leŋe ba ŋaa mɩ piesee lɛ. Mɩ jaŋ laa mɩ piesee ma teeŋ dɩ ma bɩra sɩ́ ba daa a kɛsɛ didii. Mɩ jaŋ lorigo laa mɩ piesee ma niiree lɛ, dɩ ba bɩra sɩ́ ma kʋdiilee ŋaa.

DANƖƐL 4:34

Jɩsɩ-la balɩpɛ harɩŋ, mɩ-na Nebukadineza kɛŋ mɩ nyuŋ je wɩa-nyuŋ, mɩ wʋjɩmɩŋ mɩɩra kɔ mɩ nyuŋ. Ŋɩɩ nɛ mɩ dɛnnɛ Wɩa sɩ kɩɩ kʋŋkala. Mɩ zilu a leŋ ʋ yɩrɩŋ yɩrɛ, ʋ nɛ sɩ hɛ nɩmɛ a kaa mʋ wuu. Ʋ doluŋ bɩ dɩdɛrɩŋ kɛnɛ, ʋ nɛ kuoro sɩ hɛ nɩmɛ a kaa mʋ wuu.

MALAKAƖ 1:6

Mɩ-na ma TƖƖNA doluŋ kala Tɩɩna sɩ, “Biiriŋ yie zizil ba nyɩmmaba nɛ, tɩntɩnnaa ma zizil ba nɩhɩasɩŋ. Mɩ-na nɛ ŋaa ma nyɩmma, a ŋaa ma nɩhɩaŋ ma. Wʋbɛɛ nɛ saa ma ŋaa a zizilmi? Ma Wɩɩsʋllɩ sɩpaalaaraa, ma sɩɩŋ jʋʋmɛ nɛ, aŋ lɛɛlɛ pɩɛsɛ, ‘Sɩɩ-jʋʋ wʋbɛɛ nɛ la ŋaa ŋ-na La Tɩɩna lɛ?’

MALAKAƖ 2:3

Mɩ jaŋ dɔgɩsɛ ma doho nɩaa aŋ kɛŋ ma Wɩɩsʋlʋŋ pʋsʋŋ bɩnɩŋ taarɛ ma sɩaa, aŋ yigima ta.

NAMBABA 11:20

ama ma jaŋ chaŋʋ chɛŋ piliŋ, dɩ ʋ fɩɩ ma mɩɩsɩŋ, a tɩŋ ma TƖƖNA sɩ hɛ ma tʋɔŋ, ka ma vɩa ʋ wɩaa aŋ yiyel ʋ sɩpaaŋ a bʋl, ‘Bɛɛ nɛ paala tɩɩ la lɩɩ Ijipiti tinteeŋ lɛ?’ ”

NAMBABA 35:34

Má sɩ́ disiniŋ ŋaa hɛ tintee-la lɛ ma sɩ hɔnɔ, bɛɛ wɩaa mɩ nɛ ma TƖƖNA, mɩ hɛ ma Iziral tɩŋŋaa tʋɔŋ nɛ.’ ”

Jɔɔŋ 12:26

Nɩɩ-la kala sɩ cho dɩ ʋ tɩma pɩpɩmɛ, maga ʋ to mɩ harɩŋ. Lee-la kala mɩ sɩ hɛ, ʋ tɩɩna ma jaŋ hɛ nɩmɛ. Dɩ nʋʋkala nɛ tɩma pɩpɩmɛ, mɩ Nyɩmma jaŋ zil ʋ tɩɩna.

Jɔɔŋ 5:23

Ʋ ŋaa ŋɩɩ dɩ nʋʋkala zizil mɩ-na ʋ Bie nɛ, arɩ ba sɩɩ zil mɩ Nyɩmma ŋɩɩ. Nɩɩ-la kala sɩ bɩ mɩ-na Wɩa Bie ka zil, ʋ tɩɩna bɩ mɩ Nyɩmma Wɩa sɩ tɩmmɛ ka zil.

Jɔɔŋ 5:44

Ma cho dɩ nɩaa bɛsɛ ma lɛ nɛ, ama ma bɩ chɛ dɩ Wɩa nɛ bɛsɛ ma lɛ. Ɛɛ nɛ saa ma jaŋ wuo laa mɩ wɩaa dii?

Jɔɔŋ 8:49

Ŋɩɩ nɛ Yesu bʋla pɩba, “Jɩŋ-bɔŋ bɩ mɩ kɛnɛ, ama mɩɩ zil mɩ Nyɩmma nɛ, aŋ ka ma-na bɩ mɩ ka zil.

1 Kɔrɩntɩ Nɩaa 4:5

Ŋɩɩ wɩaa, má sɩ́ cheeriŋ joŋo pɩ nʋʋkala, dɩ tapʋlɩɩ-la La Tɩɩna sɩ jaŋ kɔ a dii la sarɩya ha bɩ yie. Dɩ ʋ nɛ mɩɩra kɔ, wʋbɔmɔ-la kala nɩaa sɩ ŋaa birimiŋ tʋɔŋ, ba kala jaŋ kʋ lɩɩ pʋlʋmʋŋ. Nɩaa tʋɔbɩɩnaa kala ba sɩ kɛnɛ jaŋ kʋ lɩɩ pʋlʋmʋŋ. Bʋa-la lɛ Wɩa jaŋ bɛsɛ nʋʋkala lɛ a mʋ tɩgɛ wɩalɩŋ ʋ sɩ ŋaa.

1 Pɩɩta 1:7

Wɩaa deemba jʋʋma dɩ ba magɩsɛ ŋɩɩ ma sɩ laa Wɩa dii nɛ, a leŋ nɩaa wuo na arɩ ʋ sɛnɛ ŋaa wʋtɩtɩɩ nɛ. Ʋ nagɛ sɛlɩmɛ ba sɩ joŋo chɔ a yʋgɩlɛ dɩ ba na ʋ sɛnɛ ŋaa sɛlɩmɛ nɛɛ? Ba sɩ joŋ sɛlɩmɛ chɔ ŋɩɩ ma kala, ʋ bɩ dieni ka dɩ ʋ chei. Ma Wɩa laa diiniŋ nɛ yuŋŋie a kɩɩ sɛlɩmɛ. Ba sɩ magɩsɛma na ŋɩɩ, tapʋlɩɩ-la Yesu Kirisito sɩ jaŋ mɩɩra kɔ, nɩaa jaŋ dɛnnɛ Wɩa a zizilu dɩ ʋ yɩrɩŋ yɩrɛ a tɩŋ wɩalɩŋ ma sɩ laa dii wɩaa.

SƖPAALAARAA 9:10

Tɩɩsɩ-la bɩra bʋla pɩ tutogo ma, ‘Kʋ ŋaa la kuoro.’