1 SAMƲƐL 2:24 - WƖA TENIŊ

²⁴ Mɩ biiri, má sɩ́ ŋɩɩ ŋaa, wɩɩŋ deeŋ La TƖƖNA nɩaa sɩ gɔllɔ bʋlaa bal ŋaa wʋbɔŋ nɛ.

1 SAMƲƐL 2:24 ပူးပေါင်းရင်းမြစ်များ

1 KUOROO 15:26

Nadab ma fa ŋaa wʋbɔŋŋɔɔ nɛ La TƖƖNA teeŋ, arɩ ʋ nyɩmma sɩ ŋaa ŋɩɩ. Ŋɩɩ leŋ Iziral tɩŋŋaa ma ŋaa wʋbɔmɔ-la.

1 KUOROO 15:30

Wɩɩŋ deeŋ ŋaa a tɩŋ Jerobuam sɩ ŋaa wʋbɔmɔ-la wɩaa nɛ, a leŋ Iziral tɩŋŋaa ma ŋaa ba tɩtɩa, ŋɩɩ leŋ La TƖƖNA baanɩŋ sii.

2 KUOROO 10:31

Jehu bɩ La TƖƖNA Iziral tɩŋŋaa Wɩa wombii-la ʋ sɩ bile to arɩ ʋ tʋɔŋ kala. Ʋ bɩ Jerobuam wʋbɔmɔ-la ʋ sɩ ŋaa a leŋ Iziral tɩŋŋaa ma ŋaa ba tɩtɩa leŋe.

MOSIS KƐŊ IZIRAL TƖŊŊAA LƖƖ 32:21

Ŋɩɩ nɛ Mosis pɩɛsɛ Arɔŋ, “Bɛɛ nɛ nɩaa deemba ŋaa ŋ lɛ, ŋ lɛrɛ wʋbɔŋ-balɩŋ deeŋ kʋ hɛ ba lɛ?”

MALAKAƖ 2:8

Ama lɛɛlɛ, ma vɩa wɩalɩŋ ta nɛ, ma wʋdagaa mɩɩra leŋ nɩ-daŋ nɛ ŋaa wʋbɔŋ wɩaa. Ma chei nii-la sɩ hɛ mɩ dɩ ma naabalɩma Levi pɛgɛ nɛ. Mɩ-na ma TƖƖNA doluŋ kala Tɩɩna nɛ bʋla.

Matiu 18:7

Wɩɩŋ puu nɩalɩŋ sɩ jaŋ leŋ dɩ ba dɔnsʋŋ tɩŋŋaa ŋaa wʋbɔŋŋɔɔ. Ʋ maga dɩ wɩalɩŋ ŋaa nɛ. Ama wɩɩŋ puu nɩɩ-la lɛ wɩalɩŋ sɩ to kɔ.

Tɩntɩŋŋaa 6:3

Mɩ naambiiriŋ, má lɩɩsɛ ma tʋɔŋ nɩaa balɩpɛ ma sɩ jɩma dɩ nɩaa ka zilba, ka Wɩa Dɩŋ-zɔmʋŋ hɛ ba lɛ aŋ kɛŋ wʋjɩmɩŋ ma, dɩ la joŋ wɩɩŋ deeŋ hɛ ba nɩsɩŋ lɛ.

2 Kɔrɩntɩ Nɩaa 6:8

Nɩaa dɔnsʋŋ ka zilla, ka dɔnsʋŋ ma tʋtʋʋsɛla. Nɩaa dɔnsʋŋ bɩbɛsɛ la lɛ, ka dɔnsʋŋ ma bʋl wʋbɔŋŋɔɔ a tɩtɩgɛ la lɛ. Ba bɩɩna arɩ laa nyɩsɛ nɩaa nɛ, ama wʋtɩtɩɩ nɛ la bʋbʋl.

1 Timoti 3:7

Wɩa nɩaa nɩhɩaŋ maga dɩ ʋ ŋaa nɩzɔŋ nɛ nɩalɩŋ sɩ bɩ Wɩa ka chʋɔlɛ teeŋ. Dɩ ŋɩɩ dee nɩaa jaŋ wuo chei ʋ yɩrɩŋ, dɩ Sɩtaanɩ to ŋɩɩ lɛ a bɛrɛ kɛnʋ.

2 Pɩɩta 2:18

Ba yie bʋbʋl babiibal wɩaa sɩ bɩ bʋbʋɔŋ kɛnɛ. Ba yie kɛŋ nii-sɩma a nyɩnyɩsɛ nɩalɩŋ sɩ bumo lɩɩsɛ ba tɩtɩa nɩalɩŋ sɩ bɩ wʋtɩtɩɩ jɩŋ lɛ.

3 Jɔɔŋ 1:12

Baal-la ma ba sɩɩ yɩrɛ Dɛmɩɩtɩas ŋaa nɩzɔŋ nɛ. Nʋʋkala bʋbʋl ʋ wɩaa woruŋ. Ʋ wʋŋaalaa ma tɩtɩa dagɛ ŋɩɩ ʋ sɩɩ to wʋtɩtɩɩ lɛ. La maa bʋl ʋ wʋzɔŋŋɔɔ wɩaa nɛ. Ma jɩma arɩ wɩalɩŋ kala mɩ sɩɩ bʋl ŋaa wʋtɩtɩɩ nɛ.

Jɔɔŋ Wʋnaalaa 2:20

Ma ŋaa kukeri, ama wɩaa baŋmɛnɛ nɛ ma ŋaa chei. Haal kʋbala nɛ hɛ ma tʋɔŋ aa dagɛ wʋbɔŋŋɔɔ, ka ma bɩ ʋ kire. Haal-la ba sɩɩ yɩrɛ Jɛzɛbɛl nɛ ŋɩɩ. Ʋ fa joŋ ʋ tɩtɩa arɩ ʋ ŋaa Wɩa wʋlaabʋllʋ nɛ ama ʋʋ nyɩɛ nɛ. Ʋʋ dagɛ mɩ nɩaa nɛ dɩ ba ŋɩŋaa wʋlɩɩlɩŋ aŋ pɛ didii vʋɩyaa kɩaa ma.

1 SAMƲƐL 2:17

Wɩɩŋ deeŋ Eli hambolibiisi-la sɩɩ ŋaa chaasa ŋaa wʋbɔŋ-bal nɛ La TƖƖNA teeŋ, bɛɛ wɩaa ba kɛŋ Wɩɩsʋlʋŋ kɩalɩŋ ba sɩ kaa kʋ pɩ La TƖƖNA aa ŋmoo gbɛɛŋ nɛ.

1 SAMƲƐL 2:22

Eli fa hɩɛsa nɛ woruŋ, ŋɩɩ nɛ ʋ nɩɩ wɩalɩŋ kala ʋ hambolibiisiŋ sɩ joŋo ŋaa Iziral tɩŋŋaa lɛ, arɩ ŋɩɩ ba sɩ kɛŋ haala-la sɩɩ tɩŋ lɛbɩ-la lɛ La TƖƖNA sɩ yie kɔ Iziral tɩŋŋaa teeŋ boiŋ niiŋ pɩpɩŋ.

1 SAMƲƐL 2:23

Ŋɩɩ nɛ ʋ pɩɛsɛba, “Bɛɛ nɛ tɩɩ ma ŋɩŋaa wʋdosunuŋ deemba? Nɩaa bʋl wʋbɔmɔ-la kala ma sɩɩ ŋaa pɩmɛ nɛ.