1 SAMƲƐL 2:2 - WƖA TENIŊ

² Nʋʋkala tuo a bɩ disiniŋ kɛnɛ, see La TƖƖNA dʋndʋŋa, nʋʋkala tuo a magʋ. Nʋʋkala tuo a jaŋ wuo pɔla a magɛ la Wɩa.

1 SAMƲƐL 2:2 ပူးပေါင်းရင်းမြစ်များ

2 SAMƲƐL 22:3

Mɩ Wɩa, ŋ nagɛ bʋŋ nɛ mɩ teeŋ, ŋ nɛ mɩ yuori. Ŋ nɛ chu tɔmɛ, ŋ nɛ laamɛ tɩta. Ŋ nɛ mɩ dɩ-duoŋ, Ŋ nɛ mɩ yie yuori ŋ laamɛ ta. Ŋ nɛ laamɛ ta nɩduoruŋ nɩsɩŋ lɛ.

2 SAMƲƐL 22:32

Wɩa dɔŋ hɛ nɩmɛ a pɛ LA TƖƖNA Wɩa lɛɛ? Kʋbɛɛ nɛ kɛŋ doluŋ dɩ la Wɩa dee?

2 SAMƲƐL 7:22

La TƖƖNA Wɩɩjarɩbakɔ, ŋ nɛ kɩɩ kʋŋkala. Kʋŋkala tuo a magɩŋ. Wɩalɩŋ kala la sɩ nɩa daga arɩ ŋ nɛ Wɩa.

1 KUOROO 8:23

aŋ chʋɔlɛ Wɩa a bʋl: “Ou, La TƖƖNA, Iziral tɩŋŋaa Wɩa, kʋŋkala tuo wɩa-nyuŋ koo tinteeŋ lɛ a magɩŋ. Ŋ sɩ cho ŋ nɩaa a hɛ nii-la ŋ dɩ ba pɛgɛ, ŋ bɩ ʋ wɩaa yʋa. Ŋ yie chɩŋ ŋ nɩalɩŋ sɩ kɛŋ ba tʋɔŋ kala a tuto wɩalɩŋ ŋ sɩ daga harɩŋ nɛ.

WƖA YƖƖLAA 111:9

Ʋ laa ʋ nɩaa ta nɛ, a bil niiŋ ʋ dɩ ba pɛgɛ a kaa mʋ wuu. Ʋ bɩ disiniŋ kɛnɛ, ʋ maga dɩ ma yɩrɛ ʋ yɩrɩŋ.

WƖA YƖƖLAA 18:2

La Tɩɩna, ŋ nagɛ bʋŋ nɛ mɩ teeŋ, ŋ nɛ mɩ dɩ-duoŋ, ŋ nɛ laamɛ tɩta. Mɩ Wɩa, ŋ nagɛ bʋŋ nɛ mɩ teeŋ, ŋ nɛ mɩ yuori. Ŋ nɛ chu tɔmɛ, ŋ nɛ laamɛ tɩta, ŋ nɛ mɩ dɩ-duoŋ.

WƖA YƖƖLAA 18:31

Wɩa dɔŋ hɛ nɩmɛ a pɛ La Tɩɩna, Wɩa lɛɛ? Kʋbɛɛ nɛ kɛŋ doluŋ dɩ la Wɩa dee?

WƖA YƖƖLAA 71:19

Mɩ Wɩa, ŋ tʋɔpʋl wʋŋaalaa paala jɩla teeli wɩa-nyuŋ ma kala nɛ. Wɩa, ŋ ŋaa wʋbalaa a yʋgɛ nɛ, nʋʋkala tuo a magɩŋ.

WƖA YƖƖLAA 71:3

Ŋ nagɛ bʋŋ nɛ mɩ teeŋ mɩ yuori, lee-la mɩ sɩ jaŋ wuo mʋ bʋa na-kala. Bʋla laamɛ ta, ŋ nagɛ bʋŋ nɛ mɩ teeŋ, ŋ nɛ mɩ dɩɩ-duoŋ.

WƖA YƖƖLAA 73:25

Wɩa-jaŋ lɛ ŋ dʋndʋŋa nɛ mɩ kʋa, tinteeŋ ma lɛ, mɩ bɩ kʋŋkala ka chɛ, see ŋ dʋndʋŋ.

WƖA YƖƖLAA 86:8

Vene kala tuo a nagɛ ŋ-na La Tɩɩna. Kʋŋkala tuo a ŋɩŋaa wɩalɩŋ ŋ sɩɩ ŋaa.

WƖA YƖƖLAA 89:6

Kʋŋkala tuo wɩa-nyuŋ sɩ jaŋ wuo kɛŋ ʋ tɩtɩa magɩsɛ La Tɩɩna. Ŋ tɩndaara-la kʋŋkala tuo a magɛ ŋ-na La Tɩɩna.

WƖA YƖƖLAA 89:8

La Tɩɩna Wɩa doluŋ kala Tɩɩna, kʋbɛɛ nɛ magɩŋ? La TƖƖNA, ŋ nɛ kɛŋ doluŋ arɩ wʋtɩtɩɩ.

WƖA YƖƖLAA 99:3

Nʋʋkala jaŋ dɛnnɛ ʋ yɩrɩ-balɩŋ sɩ kɛŋ fawʋllʋŋ, ʋ bɩ disiniŋ kɛnɛ.

WƖA YƖƖLAA 99:5

Má leŋ dɩ La Tɩɩna Wɩa yɩrɩŋ sii, a dɛnnʋ ʋ naakparaa bʋbʋɔŋ. Ʋ bɩ disiniŋ kɛnɛ.

WƖA YƖƖLAA 99:9

Má dɛnnɛ La Tɩɩna Wɩa, a chʋɔlʋ ʋ peel-la sɩ bɩ disiniŋ kɛnɛ lɛ. Ʋ nɛ La Tɩɩna Wɩa sɩ bɩ disiniŋ kɛnɛ.

MOSIS KƐŊ IZIRAL TƖŊŊAA LƖƖ 15:11

La TƖƖNA, vesiŋ tʋɔŋ, veŋ bɛɛ nɛ hɛ nɩmɛ a magɩŋ? Kʋbɛɛ nɛ hɛ nɩmɛ a jaŋ wuo dagɛ ʋ tʋɔpʋla arɩ ʋ doluŋ a magɛ dɩ la fɩfáʋ a dɛnnʋ a tɩŋ ʋ sɩɩ ŋaa wʋkpuŋkperisiŋ?

AZAAYA 40:18

Bɛɛ kʋŋ nɛ ŋ jaŋ wuo kɛŋ Wɩa magɩsɛ? Ŋ jaŋ wuo dagɛ ŋɩɩ ʋ sɩ nagaa?

AZAAYA 44:6

La TƖƖNA doluŋ kala Tɩɩna sɩ ŋaa Iziral tɩŋŋaa kuoro arɩ ba Laataara sɩ, “Mɩ nɛ dɩ-suomuŋ arɩ dɩ-dɛrɩŋ, Wɩa dɔŋ kala tuo a pɛ mɩ lɛ.

AZAAYA 44:8

Má sɩ́ chel, má sɩ́ leŋe dɩ fawʋllʋŋ kɛmma. Mɩ bɩ bʋla pɩma faafaa kala wɩalɩŋ sɩ jaŋ ŋaa? Ma nɛ ŋaa mɩ pɛ-naaraa. Wɩa dɔŋ nɛ hɛ nɩmɛ a pɛ mɩ lɛɛ? Wɩa dɔŋ bɩra tuo.”

AZAAYA 57:15

Mɩ nɛ kɩɩ kʋŋkala a ŋaa Wɩa sɩ bɩ disiniŋ kɛnɛ. Mɩ hɛ nɩmɛ nɛ a kaa mʋ wuu. Mɩ hɛ wɩa-nyuŋ dɩ-bolii sɩ bɩ disiniŋ kɛnɛ nɛ. Ama mɩ ha yie guoli nɩalɩŋ sɩ kɛŋ ba tɩtɩa muuri a bɩrɩma lɩɩ ba wʋbɔŋŋɔɔ lɛ tʋɔŋ nɛ, a leŋ ba kɛŋ yɩɛlaa.

AZAAYA 6:3

Ba yɩrɛ dɔŋɔ a bʋla pɩ dɔŋɔ: “La TƖƖNA doluŋ kala Tɩɩna bɩ disiniŋ kɛnɛ, ʋ bɩ disiŋ kala kɛnɛ, ʋ bɩ disiniŋ kɛnɛ, dʋnɩa kala nɛ suo arɩ ʋ tʋla.”

JƐRƖMAAYA 10:6

La TƖƖNA, nʋʋkala tuo a nagɩŋ, ŋ nɛ yʋga, ŋ nɛ kɛŋ doluŋ, ŋ yɩrɩŋ ma yʋgɛ.

LEVI DOHO NƖAA 11:44

Mɩ nɛ ma TƖƖNA Wɩa, má joŋ ma tɩtɩa hɛ mɩ nɩsɩŋ lɛ a sɩ́ disiniŋ kɛŋ, bɛɛ wɩaa mɩ bɩ disiniŋ kɛnɛ. Má sɩ́ leŋe dɩ kɩalɩŋ la sɩ daga ŋaa dɩ ma kɛŋ disiniŋ.

LEVI DOHO NƖAA 11:45

Mɩ nɛ ŋaa ma TƖƖNA sɩ kɛmma lɩɩ Ijipiti tinteeŋ lɛ dɩ mɩ ŋaa ma Wɩa, ŋɩɩ wɩaa má sɩ disiniŋ kɛŋ, bɛɛ wɩaa mɩ bɩ disiniŋ kɛnɛ.

LEVI DOHO NƖAA 19:2

“Bʋla pɩ Iziral tɩŋŋaa kala: ‘Má sɩ́ disiniŋ kɛŋ, bɛɛ wɩaa mɩ-na ma Tɩɩna Wɩa bɩ disiniŋ kɛnɛ.

Rom Tɩŋŋaa 15:4

Wɩalɩŋ kala ba fa sɩ ŋmʋnsa Wɩa teniŋ tʋɔŋ, ba ŋmʋnsa dɩ ba dagɛla nɛ, Wɩa teŋ-la nɛ dagɛla ŋɩɩ la sɩ jaŋ ŋaa a kɛŋ kenyiri, a ŋaa la nyuŋ nyaasɛ, dɩ la wuo yɩyɩɛlɛ kɩalɩŋ sɩ hɛ la sɩpaaŋ.

Rom Tɩŋŋaa 4:8

Nɩɩ-la ma Wɩa sɩ bɩ ʋ wʋbɔŋŋɔɔ ka beŋ, ʋ ma tɩɩna tʋɔŋ jaŋ tɔrɛ.”

MOSIS BƖRA WULLI WƖA WOMBIIŊ 3:24

“Mɩ Tɩɩna Wɩɩjarɩbakɔ, ŋ dagɛmɛ ŋ doluŋ sɩ magɛ ŋɩɩ nɛ, veŋ bɛɛ ma nɛ hɛ wɩa-nyuŋ koo tinteeŋ a jaŋ wuo pagɩsɩŋ a ŋaa wʋduoru-la ŋ sɩɩ ŋaa?

MOSIS BƖRA WULLI WƖA WOMBIIŊ 32:20

Ŋɩɩ nɛ ʋ bʋl, “Mɩ jaŋ joŋ mɩ harɩŋ a yɩaba aŋ na ba dɩdɛrɩŋ sɩ jaŋ nagɛ ŋɩɩ, bɛɛ wɩaa ba ŋaa nyu-duo tɩmma nɛ, ba bɩ wʋtɩtɩɩ kɛnɛ.

MOSIS BƖRA WULLI WƖA WOMBIIŊ 32:39

Má bee na, mɩ-na nɛ Wɩa, Wɩa dɔŋ bɩra tuo. Mɩ yie kpʋ nɛ aŋ bɩra chɩsɛ, a pɩrɛ aŋ vaarɛ, nʋʋkala bɩ jaŋ wuo laa nʋʋ ta mɩ nɩsɩŋ lɛ.

MOSIS BƖRA WULLI WƖA WOMBIIŊ 32:4

Ʋ doluŋ nagɛ bʋŋ nɛ, a ŋɩŋaa wɩaa ba bʋa lɛ. Ʋ kɛŋ tɛŋɛ nɛ woruŋ ʋ wombiee kala lɛ. Ʋ ŋaa Wɩa sɩ kɛŋ wʋtɩtɩɩ a bɩ wɩaa ka chei nɛ.

MOSIS BƖRA WULLI WƖA WOMBIIŊ 4:35

La TƖƖNA ŋaa wɩaa deemba kala dɩ ʋ dagɛma nɛ, dɩ ma jɩŋ arɩ ʋ dʋndʋŋa nɛ ŋaa Wɩa, wɩa dɔŋ bɩra tuo.

MOSIS BƖRA WULLI WƖA WOMBIIŊ 4:39

Ma jɩŋ woruŋ jɩnɩŋ a sɩ́ yʋ, La TƖƖNA nɛ ŋaa wɩa-nyuŋ arɩ tinteeŋ kala Wɩa, wɩa dɔŋ bɩra tuo.

1 Pɩɩta 1:16

bɛɛ wɩaa ba ŋmʋnsa nɛ Wɩa teniŋ tʋɔŋ arɩ Wɩa sɩ, “Má sɩ́ disiniŋ kɛŋ, bɛɛ wɩaa mɩ ma bɩ disiniŋ kɛnɛ.”