1 SAMƲƐL 2:18 - WƖA TENIŊ

¹⁸ Ama Samʋɛl-na fa hɛ La TƖƖNA teeŋ nɛ a tɩma pʋpʋ bʋa na-kala. Ʋ fa ŋaa bii-bie nɛ a laalɛ gɛrɩpɛ fʋfʋlʋŋ gɛrɩ-laala-daŋɩŋ.

1 SAMƲƐL 2:18 ပူးပေါင်းရင်းမြစ်များ

2 SAMƲƐL 6:14

Devit fa laalɛ gɛrɩpɛ-fʋfʋl gɛrɩ-laala-daŋɩŋ dʋndʋŋa nɛ, aŋ gʋgʋa arɩ ʋ doluŋ kala La TƖƖNA sɩpaaŋ.

1 IZIRAL TƖŊŊAA NAABARƖŊ 15:27

Devit fa laalɛ gɛrɩpɛ fʋfʋlʋŋ gɛrɩ-duduoŋ nɛ. Levi doho nɩalɩŋ fa sɩ chʋŋ Wɩa niiriŋ daga-la arɩ Kɛnanɩa sɩ ŋaa yɩɩlɩ yɩɩra-la sɩpaalaara a pɛ yɩɩlɩ yɩɩra-la kala arɩ kʋduuro-la kala fa laalɛ gɛrɩpɛ fʋfʋlʋŋ gɛrɩ-duduosuŋ nɛ. Devit fa ha laalɛ gɛrɩpɛ-fʋfʋlɩɩ-la gɛrɩ-laala-daŋɩŋ nɛ.

MOSIS KƐŊ IZIRAL TƖŊŊAA LƖƖ 28:4

Gɛnnɩ-la ba sɩ jaŋ yɛrɛ nɛ ŋ-la: Bɔɩ-tɔɔrɩ gɛrɩŋ, gɛrɩ-laala-daŋɩŋ, gɛrɩ-duduoŋ sɩ nagɛ diibelimbine a tuu magɛ naasolluŋ, gɛrɩ-pʋl-duduoŋ sɩ tuu magɛ naachɩgɩsɩŋ, nyu-bɛlɛ arɩ gɛrɩ-laala-daŋɩɩ-la gɛrɩpɛlɩɛɛ-bie, dɩ ŋ naambie Arɔŋ arɩ ʋ hambolibiisiŋ laalɛ a ŋaa mɩ Wɩɩsʋllɩ sɩpaalaaraa.

LEVI DOHO NƖAA 8:7

Ʋ joŋ gɛrɩ-pʋl-duduoŋ-la a laalɛ Arɔŋ a joŋ tɩŋgɛnnɛ a vɔɔ ʋ tɩŋa a joŋ gɛrɩ-duduoŋ-la sɩ nagɛ diibelimbine a tuu magɛ naasolluŋ a laala daŋ, a joŋ gɛrɩ-laala-daŋɩŋ laala pɛ, a kɛŋ gɛrɩ-laala-daŋɩɩ-la gɛrɩpɛlɩɛɛ-bie ba sɩ sʋa woruŋ a vɔɔ mɛrɛ.

1 SAMƲƐL 14:3

Laalɩyuoro-la tʋɔŋ, Wɩɩsʋllɩ sɩpaalaara nɛ hɛ nɩmɛ baa yɩrɛ Ahija, a laalɛ ʋ gɛrɩ-laala-daŋɩŋ. Ahija nyɩmma nɛ Ahitub. Ahitub naambie nɛ Ɩkabɔd. Ahitub ma nyɩmma nɛ Finihas. Finihas ma nyɩmma nɛ Eli. Eli nɛ fa ŋaa La TƖƖNA Wɩɩsʋllɩ sɩpaalaara Sɩlɔ lɛ. Nʋʋkala fa bɩ jɩŋ arɩ Jonataŋ mʋ lee.

1 SAMƲƐL 2:11

Ŋɩɩ nɛ Ɛlɩkaana mɩɩra mʋ ʋ jaŋ Rama, ka Samʋɛl pɛ Wɩɩsʋllɩ sɩpaalaara Eli lɛ a tɩma pɩpɩ La TƖƖNA.

1 SAMƲƐL 2:28

Iziral doho doho-la kala tʋɔŋ, ŋ nyɩmma doho nɩaa nɛ mɩ lɩɩsɛ dɩ ba nɛ ŋaa Wɩɩsʋllɩ sɩpaalaaraa, a tɩtɩŋ mɩ koru-la lɛ, a nyɩgɛ kʋsʋɔrʋsʋŋ pɩpɩmɛ, a lɩlaalɛ gɛrɩ-laala-daŋɩɩ-la a chɛɛ na wɩalɩŋ mɩ sɩɩ chɛ. Wɩɩsʋlʋŋ kɩalɩŋ Iziral tɩŋŋaa sɩ yie nyɩga pɩmɛ ma tʋɔŋ, mɩ leŋe ma nyɩmma doho nɩaa kɛŋ kpaalɩŋ nɛ.

1 SAMƲƐL 22:18

Kuoro mɩɩra bʋla pɩ Dʋɛg, “Kpʋ Wɩɩsʋllɩ sɩpaalaaraa.” Ŋɩɩ nɛ Dʋɛg, Ɛdɔm tɩɩna-la kpʋba. Tapʋlɩɩ-la ʋ kpʋ ba nɩaa mahɩŋ banɛsɛ arɩ banɔŋ nɛ sɩɩ laalɛ gɛrɩ-laala-daŋɩŋ.

1 SAMƲƐL 3:1

Bʋa-la lɛ Samʋɛl fa sɩ hɛ Eli teeŋ a tɩtɩŋ La TƖƖNA tɩntɩŋŋaa, La TƖƖNA fa bɩ chaasa bʋl wɩaa pɩpɩ nɩaa. Ʋ fa bɩ ʋ tɩtɩa kaa dagɛ nɩaa duosoo tʋɔŋ ma a yʋgɛ.