1 SAMƲƐL 2:14 - WƖA TENIŊ

¹⁴ Ʋ jaŋ kɛŋ laha-la a mʋ tʋʋ pupoiŋ koo kʋŋ na-kala ba sɩ kaa chɔ nammɩa-la tʋɔŋ. Kʋ-la na-kala ʋ sɩ lɩɩsa, ba nɛ tɩɩʋ. Ŋɩɩ nɛ ba yie joŋo ŋaa Iziral tɩmma-la kala sɩ yie kɔ Sɩlɔ a ŋaa Wɩɩsʋlʋŋ lɛ.

1 SAMƲƐL 2:14 ပူးပေါင်းရင်းမြစ်များ

AZAAYA 56:11

Ba nagɛ vasɩŋ sɩ kɛŋ luobiiŋ kɩŋkɛŋ nɛ, ba yie dii kɩaa ba bɩ vɔgɛ. Ba ŋaa sɩpaalaaraa sɩ bɩ wɩaa bʋbʋɔŋ jɩŋ nɛ. Ba kʋŋkala yie ŋɩŋaa ŋɩɩ ʋ sɩ cho nɛ, a tuto ba dʋndʋŋa tʋɔtɔrʋŋ harɩŋ.

LEVI DOHO NƖAA 7:34

Iziral tɩŋŋaa nii-magɛ dɔŋɔ Wɩɩsʋlʋŋ lɛ, mɩ joŋ vaa-la ba sɩ kaa je a zaarɛ La TƖƖNA sɩpaaŋ arɩ hui-la ba sɩ kaa kɔ mɩ sɩpaaŋ a pɩ Arɔŋ, Wɩɩsʋllɩ sɩpaalaara arɩ ʋ hambolibiisiŋ dɩ ba nɛ ŋaa ba toruŋ Iziral tɩŋŋaa tʋɔŋ a kaa mʋ wuu.’ ”

MƖKA 3:3

Ma chaŋ mɩ nɩaa nɛ, a fɩsɛ ba puruŋ a yɛrɛ ba haŋgbelee muno muno. Ma keriba a nagɛ ba sɩ yie keri nammɩa ŋɩɩ nɛ a chɔ.

MALAKAƖ 1:10

Mɩ fa cho dɩ ma dɔŋɔ kɛŋ mɩ dɩɩ-bal-la borusuŋ kaa yagɛ nɛ, dɩ ŋɩɩ leŋ dɩ ma sɩ́ kɩaa sɩ bɩ bʋbʋɔ kɛnɛ nyɩgʋ mɩ koruŋ nyuŋ. Mɩ tʋɔŋ bɩ ma Wɩɩsʋllɩ sɩpaalaaraa nyuŋ tɔrɔ, ŋɩɩ wɩaa mɩ bɩ jaŋ laa ma Wɩɩsʋlʋŋ. Mɩ-na ma TƖƖNA doluŋ kala Tɩɩna nɛ bʋla.

1 SAMƲƐL 2:13

Ba bɩ wombie-la Wɩɩsʋllɩ sɩpaalaaraa sɩ maga dɩ ba to a laa kɩaa nɩaa teeŋ ka to. Ba wɩɩŋ nɛ, dɩ nʋʋ nɛ kpʋ pʋna a sʋl Wɩɩsʋlʋŋ a joŋ nammɩa-la chɔ, ba kʋŋkala yie tɩŋ ʋ tɩntɩnna, ʋ joŋ nammɩɩ-lɩɩsɩrɩ laha sɩ kɛŋ kerikee batori a kori.

1 SAMƲƐL 2:15

Ŋɩɩ ma dʋndʋŋa dee, ka dɩ ba-na paala lɩɩsɛ pʋna nʋʋŋ a nyɩgɛ, Wɩɩsʋllɩ sɩpaalaara tɩntɩnna jaŋ mʋ bʋl nɩɩ-la sɩɩ sʋl Wɩɩsʋlʋŋ lɛ, “Chɔgɛ nammɩa pɩ Wɩɩsʋllɩ sɩpaalaara dɩ ʋ wasɛ. Ʋ bɩ nammɩɩ chɔɔlʋŋ ka chɛ, see kʋhuoŋ.”

1 SAMƲƐL 2:29

Bɛɛ nɛ saa tɩɩ ma kɛŋ mɩ Wɩɩsʋlʋŋ kɩalɩŋ mɩ sɩ daga dɩ ba kaa kɔ mɩ Dɩ-zɔŋ-la lɛ ŋmuŋmoo gbɛɛŋ? Bɛɛ nɛ tɩɩ ŋ zil ŋ hambolibiisiŋ a kɩɩmɛ, a leŋ ba dii Iziral tɩŋŋaa Wɩɩsʋlʋŋ kɩalɩŋ lere-la sɩ kɛŋ nʋʋraa a nɛrɛ nɛrɛ?