1 SAMƲƐL 2:13 - WƖA TENIŊ

¹³ Ba bɩ wombie-la Wɩɩsʋllɩ sɩpaalaaraa sɩ maga dɩ ba to a laa kɩaa nɩaa teeŋ ka to. Ba wɩɩŋ nɛ, dɩ nʋʋ nɛ kpʋ pʋna a sʋl Wɩɩsʋlʋŋ a joŋ nammɩa-la chɔ, ba kʋŋkala yie tɩŋ ʋ tɩntɩnna, ʋ joŋ nammɩɩ-lɩɩsɩrɩ laha sɩ kɛŋ kerikee batori a kori.

1 SAMƲƐL 2:13 ပူးပေါင်းရင်းမြစ်များ

ƐZƖKƖƐL 46:20

Ʋ sɩ, “Leriŋ deeŋ nɛ Wɩɩsʋllɩ sɩpaalaaraa jaŋ chɔ cheeriŋ Wɩɩsʋlʋŋ nammɩa arɩ wʋbɔŋŋɔɔ joŋo chɛnɩŋ Wɩɩsʋlʋŋ nammɩa, a pɛ wʋwasɛ mɩaa Wɩɩsʋlʋŋ munuŋ, dɩ ŋɩɩ leŋ ba sɩ́ kɩalɩŋ sɩ ŋaa Wɩa kɩaa kaa kʋ lɩɩ harɩŋ kaala dɩ nɩalɩŋ kʋŋ digu dɩ wʋbɔŋ ŋaa ʋ lɛ.”

1 SAMƲƐL 2:14

Ʋ jaŋ kɛŋ laha-la a mʋ tʋʋ pupoiŋ koo kʋŋ na-kala ba sɩ kaa chɔ nammɩa-la tʋɔŋ. Kʋ-la na-kala ʋ sɩ lɩɩsa, ba nɛ tɩɩʋ. Ŋɩɩ nɛ ba yie joŋo ŋaa Iziral tɩmma-la kala sɩ yie kɔ Sɩlɔ a ŋaa Wɩɩsʋlʋŋ lɛ.

1 SAMƲƐL 2:22

Eli fa hɩɛsa nɛ woruŋ, ŋɩɩ nɛ ʋ nɩɩ wɩalɩŋ kala ʋ hambolibiisiŋ sɩ joŋo ŋaa Iziral tɩŋŋaa lɛ, arɩ ŋɩɩ ba sɩ kɛŋ haala-la sɩɩ tɩŋ lɛbɩ-la lɛ La TƖƖNA sɩ yie kɔ Iziral tɩŋŋaa teeŋ boiŋ niiŋ pɩpɩŋ.

1 SAMƲƐL 2:29

Bɛɛ nɛ saa tɩɩ ma kɛŋ mɩ Wɩɩsʋlʋŋ kɩalɩŋ mɩ sɩ daga dɩ ba kaa kɔ mɩ Dɩ-zɔŋ-la lɛ ŋmuŋmoo gbɛɛŋ? Bɛɛ nɛ tɩɩ ŋ zil ŋ hambolibiisiŋ a kɩɩmɛ, a leŋ ba dii Iziral tɩŋŋaa Wɩɩsʋlʋŋ kɩalɩŋ lere-la sɩ kɛŋ nʋʋraa a nɛrɛ nɛrɛ?