1 SAMƲƐL 2:1 - WƖA TENIŊ

¹ Ŋɩɩ nɛ Hana chʋɔlɛ Wɩa a bʋl, “La TƖƖNA leŋe mɩ tʋɔŋ tɔrɛ nɛ woruŋ. Ʋ nɛ leŋe mɩ kɛŋ doluŋ, aa mɔŋ mɩ dʋndɔŋŋɔɔ. Mɩ tʋɔŋ tɔrɔ nɛ woruŋ ʋ sɩ laamɛ ta.

1 SAMƲƐL 2:1 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 20:27

Ŋɩɩ nɛ Jehosafat laa Juda arɩ Jerusalɛm nɩaa kala sɩpaaŋ, ba jʋɔsɛ a mɩɩra kɔ Jerusalɛm, bɛɛ wɩaa La TƖƖNA leŋe ba yuo dii ba dʋndɔŋŋɔɔ nɛ.

NƐHƖMAAYA 11:17

Mɩka nanʋala Matanɩa sɩ ŋaa Zabidi nihiŋ, aŋ ŋaa Asaf doho nʋʋ, ʋ nɛ yie laa nɩalɩŋ sɩpaaŋ ba lʋlɔllɛ Wɩa aŋ pɛ chʋhchʋɔlʋ. Bakɩbʋkɩa ma nɛ faa tɩgɛ Matanɩa lɛ. Samʋa nanʋala Abɩda sɩ ŋaa Gala nihiŋ, aŋ ŋaa Jedutuŋ doho nʋʋ ma nɛ faa tɩgʋ lɛ.

JOB 16:15

Mɩ tʋɔŋ cheye nɛ mɩ laalɛ gɛrɩ-kɔsʋmɔɔ, mɩ doluŋ dɛrɛ nɛ mɩ hɔŋ kʋŋkɔlʋŋ lɛ.

WƖA YƖƖLAA 118:14

La Tɩɩna nɛ ŋaa mɩ doluŋ, mɩ jaŋ yɩɩ yɩɩlaa a dɛnnʋ, ʋ nɛ laamɛ ta.

WƖA YƖƖLAA 13:5

Mɩ laa ŋ chono-la sɩ bɩ dɛrɛ dii nɛ. Mɩ tʋɔŋ tɔrɔ nɛ mɩ jʋjʋɔsɛ a tɩŋ ŋ sɩ laamɛ ta wɩaa.

WƖA YƖƖLAA 148:14

Ʋ nɛ joŋ doluŋ a pɩ ʋ nɩaa Iziral tɩŋŋaa dɩ ba wuo dɛnnʋ. Ba nɛ nɩalɩŋ ʋ tʋɔŋ sɩ kɛnɛ woruŋ. Má dɛnnɛ La Tɩɩna.

WƖA YƖƖLAA 18:2

La Tɩɩna, ŋ nagɛ bʋŋ nɛ mɩ teeŋ, ŋ nɛ mɩ dɩ-duoŋ, ŋ nɛ laamɛ tɩta. Mɩ Wɩa, ŋ nagɛ bʋŋ nɛ mɩ teeŋ, ŋ nɛ mɩ yuori. Ŋ nɛ chu tɔmɛ, ŋ nɛ laamɛ tɩta, ŋ nɛ mɩ dɩ-duoŋ.

WƖA YƖƖLAA 20:5

Ŋɩɩ nɛ ŋ jaŋ yuo dii ŋ dʋndɔŋŋɔɔ, dɩ la tʋɔŋ tɔrɛ dɩ la gbiele ŋaa goŋ, a kɛŋ la jɔnjɔmba je la Wɩa yɩrɩŋ lɛ. A leŋ dɩ La Tɩɩna pɩŋ wɩalɩŋ kala ŋ sɩɩ chɛ.

WƖA YƖƖLAA 21:2

Ŋ ŋaa wɩalɩŋ kala ʋ sɩɩ chɛ nɛ a pʋ. Wɩalɩŋ ʋ sɩ pɩɛsɩŋ chɩchɛ, ŋ bɩ ʋ vɔmɔ.

WƖA YƖƖLAA 35:9

Dɩ ŋɩɩ nɛ ŋaa, mɩ tʋɔŋ jaŋ tɔrɛ La Tɩɩna nyuŋ, dɩ mɩ jʋɔsɛ a tɩŋ ʋ sɩ laamɛ ta wɩaa.

WƖA YƖƖLAA 51:15

La Tɩɩna, pɛ mɩ lɛ dɩ mɩ wuo bʋbʋl wɩaa woruŋ, dɩ mɩ suri mɩ niiŋ a dɛnnɩŋ.

WƖA YƖƖLAA 71:8

Tapʋlɩɩ na-kala mɩɩ dɛnnɩŋ nɛ, aa yɩrɛ ŋ yɩrɩ-balɩŋ.

WƖA YƖƖLAA 75:10

Ʋ jaŋ leŋ dɩ nɩbɔŋŋɔɔ doluŋ dɛrɛ, aŋ ka tʋɔpʋl tɩŋŋaa kɛŋ doluŋ a yʋgɛ.

WƖA YƖƖLAA 89:17

Ŋ nɛ ŋaa ba tʋla arɩ ba doluŋ. Ŋ chonuŋ nɛ leŋe la wasa kɛŋ doluŋ woruŋ.

WƖA YƖƖLAA 89:18

La Tɩɩna, ŋ nɛ lɩɩsɛ nɩɩ-la sɩ jaŋ pɔla, a pɩla. Ŋ-na Iziral tɩŋŋaa Wɩa sɩ bɩ disiniŋ kɛnɛ, ŋ nɛ lɩɩsɛ la kuoro pɩla.

WƖA YƖƖLAA 89:24

Mɩ wʋtɩtɩɩ arɩ mɩ chono-la sɩ bɩ dɛrɛ jaŋ hɛ ʋ teeŋ. Mɩ jaŋ leŋ dɩ ʋ kɛŋ doluŋ mɩ yɩrɩŋ lɛ.

WƖA YƖƖLAA 9:14

dɩ mɩ wuo chɩŋ Jerusalɛm boi-baalaa niiŋ a yɩɩ yɩɩlaa dɛnnɩŋ. Mɩ tʋɔŋ jaŋ tɔrɛ nɩmɛ a tɩŋ ŋ sɩ laamɛ ta wɩaa.

WƖA YƖƖLAA 92:10

Ŋ leŋe mɩ kɛŋ doluŋ a nagɛ baga nɛ-bele nɛ, a pɛ mɩ lɛ mɩ tʋɔŋ tɔrɛ.

MOSIS KƐŊ IZIRAL TƖŊŊAA LƖƖ 15:1

Ŋɩɩ nɛ Mosis arɩ Iziral tɩŋŋaa yɩɩ yɩɩlɩŋ deeŋ a dɛnnɛ La TƖƖNA: “Mɩ jaŋ yɩɩ yɩɩlɩŋ a dɛnnɛ La TƖƖNA, bɛɛ wɩaa ʋ leŋ ʋ yɩrɩŋ faasa yɩrɛ nɛ. Ʋ yuo dii janɩŋ arɩ ba jɩjɩllaa a jomba yuo hɛ mʋga lɛ.

MOSIS KƐŊ IZIRAL TƖŊŊAA LƖƖ 15:21

Ŋɩɩ nɛ Mɩrɩam ta yɩɩlɩŋ pɩba. Ʋ sɩ, “Má yɩɩ yɩɩlɩŋ pɩ La TƖƖNA, má leŋ dɩ ʋ yɩrɩŋ yɩrɛ woruŋ. Ʋ joŋ ja-jɩlla arɩ ʋ jaaba kala a yuo hɛ mʋgʋ-balɩŋ tʋɔŋ nɛ.”

HABAKU 3:1

Wɩa wʋlaabʋlla Habaku sɩ sʋl Wɩa a bʋl wɩalɩŋ nɛ ŋ-la:

HABAKU 3:18

ama mɩ ha jaŋ jʋɔsɛ La TƖƖNA teeŋ. Mɩ tʋɔŋ jaŋ tɔrɛ mɩ Wɩa sɩ ŋaa mɩ Laataara nyuŋ.

Luuk 1:69

Ʋ lɩɩsɛ nɩduo nɛ pɩla dɩ ʋ kʋ laala ta. Ʋ lɩɩ Devit doho nɩaa tʋɔŋ nɛ.

Rom Tɩŋŋaa 5:11

Ŋɩɩ ma dʋndʋŋa dee, laa jʋɔsʋ nɛ a tɩŋ Wɩa sɩ to La Tɩɩna Yesu Kirisito lɛ a leŋ la ŋaa sɩma.

MOSIS BƖRA WULLI WƖA WOMBIIŊ 33:17

Josɛf kɛŋ doluŋ a nagɛ nɛŋ bii-bumbuŋ sɩ ŋaa bele nɛ. Ʋ nyilliŋ nagɛ baga nɛŋ nɛ. Ʋ nyilli-la nɛ ŋaa Manasɛ doho nɩaa bʋɩ-la arɩ Efirem doho nɩaa bʋɩ fii-la. Nyilli-la nɛ ʋ jaŋ kaa gbaa tinteyee a hɛ dɔŋɔ a yigiba mʋ ta dʋnɩa dɩdɛrɩŋ.”

Fɩlɩpa Nɩaa 3:3

La nɛ paala chaasa ŋaa nɩalɩŋ sɩ sɛnɛ keri ba penee, bɛɛ wɩaa la-na to Wɩa Dɩŋ-zɔmʋŋ niiŋ lɛ nɛ aa chʋɔlɛ Wɩa. Ŋɩɩ wɩaa, laa jʋɔsɛ Kirisito Yesu teeŋ nɛ. La-na bɩ la yɩɛlaa joŋo hɛ yaraa wʋŋaalaa lɛ.

Fɩlɩpa Nɩaa 4:4

Má jʋjʋɔsɛ Wɩa sɩpaaŋ bʋa na-kala. Mɩ jaŋ bɩra bʋla pɩma dɩ ma jʋjʋɔsɛ.

Fɩlɩpa Nɩaa 4:6

Má sɩ́ leŋe dɩ kʋŋkala wɩaa wʋwalɩmɛma, ama dɩ ma nɩɩ chɛ kʋŋkala, má sʋl Wɩa a mʋ tɩgɛ kʋ-la lɛ. Má lʋlɔllɛ Wɩa, aŋ joŋ wɩalɩŋ ma sɩɩ chɛ aa bil ʋ sɩpaaŋ.

1 Pɩɩta 1:8

Arɩ ma ha sɩ bɩ Yesu Kirisito na ma kala, ma ha chou nɛ. Ma ha sɩ bɩ ʋ na lɛɛlɛ ma, ma laa ʋ wɩaa dii nɛ. Ma tʋɔŋ tɔrɛ nɛ woruŋ, ma paala bɩ jaŋ wuo dagɛ ŋɩɩ ma tʋɔŋ sɩ tɔrɛ magɛ.

Jɔɔŋ Wʋnaalaa 18:20

Ma nɩalɩŋ sɩ hɛ Wɩa-jaŋ lɛ, má jʋjʋɔsɛ Babɩlɔŋ wɩaa. Ma Wɩa nɩaa arɩ Wɩa nanzɔɔba arɩ Wɩa wʋlaabʋllaa, má jʋjʋɔsɛ. Wɩa joŋ wɩalɩŋ Babɩlɔŋ sɩ ŋaa ma lɛ chɩmɩŋ a tiŋ ʋ lɛ nɛ.”

1 SAMƲƐL 1:6

La TƖƖNA sɩ kɛŋ Hana lʋla tɔ ŋɩɩ wɩaa, ʋ ha-dɔŋɔ Penina yie ŋaa wɩaa a sisii ʋ baanɩŋ lɛ.

1 SAMƲƐL 1:7

Ʋ vɛnɛɛ ŋaaʋ ŋɩɩ nɛ jɩna na-kala. Dɩ Hana nɛ mʋ La TƖƖNA dɩa, ʋ ha-dɔŋ-la yie dii ʋ baanɩŋ lɛ, ʋ yel a vɩa kʋdiilee.