1 SAMƲƐL 18:6 - WƖA TENIŊ

⁶ Bʋa-la lɛ Devit sɩ kpʋ Golɩaf ka ba mɩɩra kʋkɔ dɩa, haalaa lɩɩ Iziral tasɩŋ kala lɛ, a yɩɩ yɩɩlaa a gʋa cheŋ kuoro Sɔɔl. Ba yɩɩ yɩɩlaa arɩ tʋɔtɔrʋŋ nɛ a chɩgɩsɛ chɩnchɩgɩsɩŋ a du kɔnɛba a hɛ.

1 SAMƲƐL 18:6 ပူးပေါင်းရင်းမြစ်များ

2 SAMƲƐL 1:20

Ma pɔ má sɩ́ wɩɩ-la bʋl Gaf lɛ. Má sɩ́ Asɩkɛlɔŋ wombiee lɛ chɩna heele bʋlʋ pɩ nɩaa. Má sɩ́ ŋɩɩ ŋaa dɩ Fɩlɩsɩtɩa tɩŋŋaa toloo tʋɔŋ tɔrɛ. Má sɩ́ leŋe dɩ nɩalɩŋ sɩ bɩ Wɩa ka to toloo jʋɔsɛ.

2 SAMƲƐL 6:5

Ka Devit arɩ Iziral tɩmma-la kala sɩ hɛ nɩmɛ, faasa jʋjʋɔsɛ arɩ ba doluŋ kala La TƖƖNA sɩpaaŋ, a yɩɩ yɩɩlaa a du chenniŋ, kɔnɛba, gugonnuŋ, a chɩchɩgɩsɛ chɩnchɩgɩsɩŋ arɩ buguloo.

WƖA YƖƖLAA 149:3

Má du chenniŋ, a chɩgɩsɛ chɩnchɩgɩsɩŋ a yɩɩ yɩɩlaa a gʋa, a dɛnnɛ La Tɩɩna.

WƖA YƖƖLAA 68:11

La Tɩɩna, ŋ sɩ bʋl wɩaa ŋɩɩ, ha-daŋ nɛ laaba heele bʋl:

WƖA YƖƖLAA 68:25

Nɩalɩŋ sɩɩ yɩɩ yɩɩlaa nɛ laa sɩpaaŋ, kʋduuroo tuto, ka hantolibiisiŋ hɛ ba pɛgɛ a chɩchɩgɩsɛ chɩnchɩgɩsɩŋ.

MOSIS KƐŊ IZIRAL TƖŊŊAA LƖƖ 15:20

Mɩrɩam fa ŋaa Arɔŋ dɩhaala nɛ, a ŋaa Wɩa wʋlaabʋllʋ. Ʋ sii a joŋ chɩnchɩga. Haalaa dɔnsʋŋ ma sii to ʋ harɩŋ a paa ba chɩnchɩgɩsɩŋ a gʋgʋa.

MOSIS KƐŊ IZIRAL TƖŊŊAA LƖƖ 15:21

Ŋɩɩ nɛ Mɩrɩam ta yɩɩlɩŋ pɩba. Ʋ sɩ, “Má yɩɩ yɩɩlɩŋ pɩ La TƖƖNA, má leŋ dɩ ʋ yɩrɩŋ yɩrɛ woruŋ. Ʋ joŋ ja-jɩlla arɩ ʋ jaaba kala a yuo hɛ mʋgʋ-balɩŋ tʋɔŋ nɛ.”

AZAAYA 30:32

La TƖƖNA jaŋ yuo Asiiria tɩŋŋaa. Dɩ ʋ nɛ joŋ ʋ daa-la ʋ sɩ kaa dɔgɩsɛ nɩaa ŋmooba na-kala, ʋ nɩaa jaŋ yɩɩ yɩɩlaa a chɩgɩsɛ chɩnchɩgɩsɩŋ a du cheŋ hɛ.

SƖPAALAARAA 11:34

Jɛfɩta sɩ mɩɩra kʋkɔ ʋ jaŋ Mɩzɩpa, nʋʋ sɩ laa sɩpaaŋ kʋ lɩɩ chemu nɛ ŋaa ʋ tolo. Ʋ fa chɩgɩsɛ chɩnchɩga nɛ aŋ gʋgʋa a tɩŋ ʋ nyɩmma sɩ yuo laalɩŋ dii. Jɛfɩta bie kala nɛ fa ŋɩɩ.

1 SAMƲƐL 18:5

Dɩ Sɔɔl nɛ tɩŋ Devit dɩ ʋ mʋ ŋaa wɩɩ, ʋ yie ŋaa wɩɩ-la woruŋ nɛ. Ŋɩɩ nɛ Sɔɔl leŋ ʋ ŋaa ʋ laalɩyuoroo nɩhɩaŋ dɔŋɔ. Sɔɔl tɩntɩnnɩ-hɩasɩŋ arɩ nɩalɩŋ kala tʋɔŋ tɔrɛ wɩɩ-la Sɔɔl sɩ ŋaa pɩ Devit lɛ.