1 SAMƲƐL 18:5 - WƖA TENIŊ

⁵ Dɩ Sɔɔl nɛ tɩŋ Devit dɩ ʋ mʋ ŋaa wɩɩ, ʋ yie ŋaa wɩɩ-la woruŋ nɛ. Ŋɩɩ nɛ Sɔɔl leŋ ʋ ŋaa ʋ laalɩyuoroo nɩhɩaŋ dɔŋɔ. Sɔɔl tɩntɩnnɩ-hɩasɩŋ arɩ nɩalɩŋ kala tʋɔŋ tɔrɛ wɩɩ-la Sɔɔl sɩ ŋaa pɩ Devit lɛ.

1 SAMƲƐL 18:5 ပူးပေါင်းရင်းမြစ်များ

WƖAA DƖ-SUOMUŊ 39:23

Nɩtɔɔrɩ dɩa-la kʋhɩaŋ ma fa ta jɩa nɛ a mʋ tɩgɛ kʋŋ na-kala ʋ sɩ joŋo hɛ Josɛf nɩsɩŋ lɛ, bɛɛ wɩaa La TƖƖNA fa chɩŋ Josɛf harɩŋ nɛ a leŋ wɩɩ na-kala ʋ sɩɩ ŋaa vɩvɛŋ woruŋ.

2 SAMƲƐL 5:10

Ŋɩɩ nɛ La TƖƖNA Wɩa doluŋ kala Tɩɩna chɩŋ Devit harɩŋ woruŋ, ʋ doluŋ wasa pʋŋa pɛ.

2 SAMƲƐL 5:2

Faafaa-la, Sɔɔl fa sɩ paala ŋaa la kuoro ma, ŋ nɛ ŋaa nɩɩ-la sɩ laa Iziral tɩŋŋaa sɩpaaŋ laalɩŋ lɛ. Ŋɩɩ nɛ La TƖƖNA bʋla pɩŋ, ‘Ŋ nɛ jaŋ ŋaa mɩ nɩaa Iziral tɩŋŋaa sɩpaalaara a bibemba, a nagɛ pie-daara sɩɩ beŋ ʋ piesee ŋɩɩ.’ ”

2 IZIRAL TƖŊŊAA NAABARƖŊ 17:3

La TƖƖNA fa chɩŋ Jehosafat harɩŋ nɛ, bɛɛ wɩaa, ʋ sɩ buumo dii kuoruŋ, ʋ fa to ʋ nyɩmma Devit naabʋɔsʋŋ nɛ. Ʋ bɩ vene-la ba sɩɩ yɩrɛ Baal kpaara.

WƖA YƖƖLAA 1:3

Ba nagɛ tɩɩsɩŋ ba sɩ chɔnsɔ fuoŋ niiŋ nɛ, ba nɩnɛŋ ba bʋa lɛ, ba pɩpaarɩŋ bɩ yuori. Wɩɩ na-kala nɛ dɩ nɩaa deemba ŋaa, ʋ yie vɛŋ woruŋ nɛ a pɩba.

WƖA YƖƖLAA 101:2

Mɩ jaŋ fɩɛlɛ mɩ sɩaa a ŋaa wɩaa a sɩ́ cheeri kala kɛŋ mɩ mɩɩsɩŋ lɛ. Chɛ bɛɛ nɛ ŋ jaŋ kɔ mɩ teeŋ? Mɩ jaŋ ŋɩŋaa tʋɔpʋl wɩaa mɩ dɩa lɛ.

Matiu 10:16

Ŋɩɩ nɛ Yesu bɩra bʋl, “Má jegile nɩɩ, ma nagɛ piesee nɛ, mɩɩ tɩmma dɩ ma mʋ guoli guŋgurusuŋ tʋɔŋ. Má saa kɛŋ wʋjɩmɩŋ a nagɛ dɩŋŋaa sɩ kɛŋ wʋjɩmɩŋ ŋɩɩ, aŋ leŋ dɩ ma sɩaa fɩɛlɛ a nagɛ kokosuŋ sɩaa sɩ fɩɛla ŋɩɩ.

Tɩntɩŋŋaa 7:10

a lɩɩsʋ wɩalɩŋ kala ʋ fa sɩ jʋa lɛ. Ʋ fa sɩ mʋ Ijipiti tinteeŋ kuoro sɩpaaŋ, Wɩa lahɔrɩmɔ lɛ ʋ kɛŋ wʋjɩmɩŋ, kuoro chou a leŋ ʋ ŋaa ʋ tinteeŋ kʋhɩaŋ a bibeŋ ʋ tinteeŋ arɩ ʋ kuoru-dɩa kala.

Ɛfɛsɩs Nɩaa 5:17

Má sɩ́ nɩyaara ŋaa, má hɛ doluŋ a jɩŋ wɩalɩŋ sɩɩ tɔrɛ La Tɩɩna Wɩa tʋɔŋ a ŋɩŋaaba.

Koloosi Nɩaa 4:5

Dɩ ma nɛ hɛ nɩalɩŋ sɩ bɩ Yesu wɩaa laa dii tʋɔŋ, má jɩma kɛŋ ma tɩtɩa. Bʋa na-kala lɛ dɩ ma nɛ na wombiiŋ, má bʋl wɩaa pɩba.

SƖPAALAARAA 1:19

La TƖƖNA fa chɩŋ Juda doho nɩaa harɩŋ nɛ, ŋɩɩ nɛ ba yuo laa tintee-la peelee sɩ yʋga. Ama ba fa bɩ wuo kiri nɩalɩŋ-na sɩ hɛ tintee-taalɩ-la lɛ, bɛɛ wɩaa nɩalɩŋ fa kɛŋ laalɩŋ janɩŋ torukoba ba sɩ kɛŋ hɔɔnʋŋ ŋaa nɛ.

1 SAMƲƐL 13:2

Sɔɔl fa tʋɔsɛ Iziral laalɩyuoroo bʋɩ batori nɛ. Bʋɩ balɩa hɛ ʋ teeŋ Mɩkɩmas arɩ Bɛtɛl tintee-la peelee sɩ yʋga lɛ, ka bʋɩ ma hɛ ʋ nanʋala Jonataŋ teeŋ Gɩbɩa sɩ hɛ Bɛnjamɩŋ tinteeŋ lɛ, aŋ leŋ baala-la nɩkaanaa mɩɩra mʋ ba dɩɩsɩŋ.

1 SAMƲƐL 14:52

Sɔɔl mɩɩsɩŋ kala lɛ, ʋ dɩ Fɩlɩsɩtɩa tɩŋŋaa chaasa yuo laalɩŋ nɛ woruŋ. Dɩ Sɔɔl nɛ na nɩduo koo bɔɩ-duo tɩɩna na-kala, ʋ yie kɛnʋ pɛ ʋ laalɩyuoroo lɛ nɛ.

1 SAMƲƐL 18:16

Nɩalɩŋ sɩ hɛ Iziral tinteeŋ arɩ Juda tinteeŋ kala lɛ cho Devit nɛ woruŋ, bɛɛ wɩaa ʋ laa ba sɩpaaŋ ba wɩaa vɩvɛŋ woruŋ nɛ.

1 SAMƲƐL 18:30

Fɩlɩsɩtɩa tɩŋŋaa laalɩyuoroo yie vɛnɛ kɔ a yuyuo Iziral tɩŋŋaa. Dɩ ba nɛ kɔ na-kala, Devit yie yuo diiba nɛ. Ʋ nɛ yuo dii nɩaa kɩɩ Sɔɔl laalɩyuori-hɩasɩ-la dɔnsʋŋ kala. Ŋɩɩ nɛ Devit yɩrɩŋ teeli leriŋ kala.

1 SAMƲƐL 18:4

Ŋɩɩ nɛ Jonataŋ wuri ʋ gɛrɩ-balɩŋ arɩ ʋ laalɩyuori-gɛrɩŋ a pɩ Devit, a pɛ ʋ tokobiiŋ arɩ toŋ arɩ gɛrɩpɛlɩɛɛ-bie lɛ.

1 SAMƲƐL 18:6

Bʋa-la lɛ Devit sɩ kpʋ Golɩaf ka ba mɩɩra kʋkɔ dɩa, haalaa lɩɩ Iziral tasɩŋ kala lɛ, a yɩɩ yɩɩlaa a gʋa cheŋ kuoro Sɔɔl. Ba yɩɩ yɩɩlaa arɩ tʋɔtɔrʋŋ nɛ a chɩgɩsɛ chɩnchɩgɩsɩŋ a du kɔnɛba a hɛ.

1 SAMƲƐL 3:19

Samʋɛl sɩɩ waa ŋɩɩ, La TƖƖNA chɩŋ ʋ harɩŋ nɛ woruŋ a leŋ wɩalɩŋ kala Samʋɛl sɩ bʋla sɛnɛ kʋ ŋaa.