1 SAMƲƐL 18:3 - WƖA TENIŊ

³ Jonataŋ sɩ cho Devit arɩ ʋ sɩ cho ʋ tɩtɩa ŋɩɩ, ʋ hɛ niiŋ a pʋ arɩ ba jaŋ ŋaa nandɔsɛ a kaa mʋ wuu.

1 SAMƲƐL 18:3 ပူးပေါင်းရင်းမြစ်များ

2 SAMƲƐL 21:7

Kuoro Devit fa leŋ Sɔɔl nanʋala Jonataŋ bie Mɛfɩbɔsɛf-na nɛ, a tɩŋ nii-la ʋ dɩ Sɔɔl nanʋala Jonataŋ fa sɩ hɛ pɩ dɔŋɔ La TƖƖNA sɩpaaŋ wɩaa.

NAMAGABA 18:24

Nandɔŋ-kɛnɛɛ tɩɩna jaŋ wuo cheyu, ama nandɔŋɔ dɔŋɔ hɛ nɩmɛ a jaŋ wuo kɛnɩŋ woruŋ a kɩɩ ŋ naambie.

1 SAMƲƐL 19:1

Tapʋlɩɩ kʋbala nɛ Sɔɔl bʋla pɩ ʋ nanʋala Jonataŋ arɩ ʋ tɩntɩnnaa kala dɩ ba kpʋ Devit. Ama Jonataŋ arɩ Devit fa mal dɔŋɔ nɛ woruŋ.

1 SAMƲƐL 20:41

Bile sɩ mʋa harɩŋ, Devit sii tabɩɩ-la sɛmɛ, a kʋ kpirimi Jonataŋ sɩpaaŋ naansɩɩŋ butori. Ba guori dɔŋɔ aŋ yiyel. Ama Devit nɛ faasa yel kɩŋkɛŋ.

1 SAMƲƐL 20:42

Ŋɩɩ nɛ Jonataŋ bʋla pɩ Devit, “Ŋ jaŋ mʋ woruŋ. Mɩ dɩŋ ŋmɩɛsa pɩ dɔŋɔ nɛ La TƖƖNA yɩrɩŋ lɛ a ŋaa nandɔsɛ. La TƖƖNA nɛ ŋaa la pɛ-naara, a ŋaa mɩ doho nɩaa arɩ ŋ doho nɩaa ma pɛgɛ pɛ-naara a kaa mʋ wuu.” Ŋɩɩ nɛ Devit viiri, ka Jonataŋ ma mɩɩra mʋ dɩa.

1 SAMƲƐL 22:8

Bɛɛ nɛ tɩɩ ma kala lɩɩ mɩ harɩŋ a vʋvʋʋrɛ mɩ wɩaa? Ma kʋŋkala ha bɩ bʋla pɩmɛ arɩ mɩ nanʋala arɩ Jesi bie pɛ niiŋ nɛ. Ma kʋŋkala sɩpaaŋ tuo mɩ lɛ, koo a bʋla pɩmɛ arɩ mɩ bie yigi mɩ tɩntɩnna Devit hɛ mɩ lɛ nɛ ʋ bɩbagɩlɛ dɩ ʋ kpʋmɛ, arɩ ʋ sɩɩ ŋaa ŋɩɩ jɩnɩŋ.”

1 SAMƲƐL 23:18

Ba balɩamɩŋ bɩra leŋ nii-la ba sɩ hɛ pɩ dɔŋɔ La TƖƖNA sɩpaaŋ wasa chɩŋ. Jonataŋ mɩɩra mʋ dɩa, ka Devit ha hɛ Hɔrɛs lɛ.