1 SAMƲƐL 17:34 - WƖA TENIŊ

³⁴ Devit bɩra bʋla pɩ Sɔɔl, “Mɩ-na ŋ tɩntɩnna nɩɩ beŋ mɩ nyɩmma piesee. Bʋa na-kala dɩ naachigiŋ koo lʋgʋmʋŋ nɛ kʋ kɛŋ piese-la kʋŋ,

1 SAMƲƐL 17:34 ပူးပေါင်းရင်းမြစ်များ

WƖAA DƖ-SUOMUŊ 31:39

Dɩ baga kʋŋ nɛ kɛŋ pʋsʋ-la kʋŋ, ʋ yie ŋaa mɩ wɩɩ nɛ, mɩ tɩtɩa nɛ yie tiŋ. Dɩ kʋŋ ma nɛ ba gaa wɩɩhɛyɛ koo tɩtaŋɩŋ, ŋ yie leŋ mɩ tiŋ nɛ.

2 SAMƲƐL 17:8

Ŋ jɩma woruŋ ŋ nyɩmma arɩ ʋ nɩaa chaasa ŋaa laalɩyuoro nɛ. Lɛɛlɛ ŋ-la ba yaraa kala hoso nɛ a nagɛ lʋgʋmʋŋ bie ba sɩ kpʋa ʋ yaraa hosi. Ŋɩɩ ma dʋndʋŋa dee, ŋ nyɩmma ŋaa laalɩyuori-bɩnɩɩ nɛ, a bɩ ʋ laalɩyuoroo tʋɔŋ ka guoli tɩtaŋɩŋ.

2 SAMƲƐL 23:20

Jehoyada nanʋala Bɛnaaya ma fa ŋaa laalɩyuori-duo nɛ, a lɩɩ taŋ-la ba sɩɩ yɩrɛ Kabɩzɛɛl. Ʋ fa tɩŋ bɔɩ-duo tɩntɩŋŋaa nɛ woruŋ. Ʋ fa kpʋ Mʋab tɩŋŋaa laalɩyuori-duoruŋ balɩa nɛ. Bʋa kʋbala lɛ bʋrʋŋ tɔ, ka ʋ tuu buo-tuoŋ tʋɔŋ a kpʋ naachigiŋ.

1 IZIRAL TƖŊŊAA NAABARƖŊ 11:22

Jehoyada nanʋala Bɛnaaya ma fa ŋaa laalɩyuori-duo nɛ, a lɩɩ taŋ-la ba sɩɩ yɩrɛ Kabɩzɛɛl. Ʋ fa tɩŋ bɔɩ-duo tɩntɩŋŋaa nɛ woruŋ. Ʋ fa kpʋ Mʋab tɩŋŋaa laalɩyuori-duoruŋ balɩa nɛ. Bʋrʋŋ tɔ bʋa kʋbala lɛ, ka ʋ tuu buo-tuoŋ tʋɔŋ a kpʋ naachigiŋ.

WƖA YƖƖLAA 143:5

Mɩ liise yi jɩsɩ-la sɩ bala lɛ nɛ, a kɛŋ wʋdaŋ-la ŋ sɩ ŋaa chʋchɔgɩsɛ mɩ tʋɔŋ lɛ, a kɛŋ ŋ wʋŋaalaa bɩbɩɩnɛ.

ƐZƖKƖƐL 34:12

A nagɛ pie-daara piesee sɩ pɩsa ʋ kire hɛ dɔŋɔ a beŋ ba nyuŋ ŋɩɩ, ŋɩɩ nɛ mɩ jaŋ beŋ mɩ nɩaa. Mɩ jaŋ lorigo laaba a lɩɩ lere-la kala ba sɩ pɩsa mʋ tapʋlɩɩ-la duoŋ-bɩlɩmbaanaa arɩ birimiŋ sɩ tɔ.

AMƆS 3:12

Ŋ-la nɛ La Tɩɩna bɩra bʋl: “Ŋ jɩŋ pie-daara sɩ lorigo laa piese naasɩŋ haŋgbelee balɩa koo dɩgɩlɩŋ naachigiŋ niiŋ lɛ ŋɩɩ, ŋɩɩ tɩtɩa nɛ ba jaŋ lorigo laa Iziral tɩŋŋaa, nɩalɩŋ sɩ hɛ Samarɩa lɛ a hɔŋ kɩaa tɩŋŋaa kʋpɩnaa niipinee lɛ arɩ kumpuŋŋuba nyuŋ.”

ZƐKARƖYA 11:16

Mɩ jaŋ lɩɩsɛ pie-daara tintee-la lɛ, ʋ bɩ jaŋ chɩl piese-la sɩ lɛlɛ wɩaa, koo a bee chɛ pie-biisiŋ koo a vaarɛ kɩalɩŋ sɩ pɩra koo a pɩ kɩalɩŋ ma sɩ dolie kʋdiilee. Ama ʋ jaŋ chaŋ piese-la sɩ zɔmɔ nammɩa, a fogi ba naachɛŋŋɛɛ.

ZƐKARƖYA 9:7

Ba bɩra bɩ jaŋ chaŋ nammɩa arɩ chalɩŋ, koo a dii kʋdiile-la dɔnsʋŋ sɩɩ kɩsʋ. Nɩalɩŋ sɩ ka jaŋ ŋaa mɩ-na Wɩa nɩaa, a ŋaa sɩpaalaaraa Juda lɛ, dɩ Ɛkʋrɔŋ nɩaa ŋaa mɩ nɩaa a nagɛ Jebus tɩŋŋaa fa sɩ kʋ ŋaa mɩ nɩaa ŋɩɩ.

Luuk 2:8

Bʋa-la lɛ pie-daaraa nɛ fa hɛ tintee-la sɛmɛ dɔŋɔ a hɛ yaŋ tʋɔŋ a chʋa nɩmɛ tɩtaŋɩŋ aa beŋ ba piesee.

Jɔɔŋ 10:11

Yesu bɩra bʋl, “Mɩ nɛ ŋaa pie-daarɩ-zɔmʋŋ. Pie-daarɩ-zɔmʋŋ yie joŋ ʋ mɩɩsɩŋ yɔɔ sʋʋŋ nɛ ʋ piesee wɩaa.

Rom Tɩŋŋaa 5:4

Dɩ la nɛ kɛŋ kenyiri, ʋ jaŋ wuo leŋ dɩ la kɛŋ mɛlɛ. Dɩ la nɛ kɛŋ mɛlɛ, la jaŋ kɛŋ yɩɛlaa.

Hiburu TƖŊŊAA 11:33

Ba kala fa laa Wɩa wɩaa dii nɛ, ba yuo dii kuoroo arɩ ba tinteyee. Ba to wʋtɩtɩɩ-la Wɩa sɩɩ chɛ nɛ, a na kɩalɩŋ Wɩa sɩ sɩ ʋ jaŋ joŋo pɩba. Ba dɔnsʋŋ ma yuo dii naachigee.

Jɔɔŋ Wʋnaalaa 13:2

Baga kʋ-la mɩ sɩ na fa nagɛ kpeye nɛ, aŋ ka ʋ naasɩŋ nagɛ lugumuŋ kɩaa, ʋ niiŋ ma nagɛ naachigiŋ kʋa. Ŋɩɩ nɛ dɩŋ-la joŋ ʋ doluŋ kala arɩ ʋ kuoru kpasa-la a pɩ baga kʋ-la.

SƖPAALAARAA 14:6

La TƖƖNA Dɩma kʋ jʋʋ Samɩsɩŋ a pʋ doluŋ ʋ kɛŋ naachigi-la pʋɔsɛ arɩ nɩsɩŋ, a nagɛ bʋ-bie. Ama ʋ bɩ wɩɩ-la ʋ sɩ ŋaa bʋla pɩ ʋ nyɩmma arɩ ʋ naaŋ.

1 SAMƲƐL 17:15

ka Devit yie lɩɩ Sɔɔl teeŋ bʋa dɔŋɔ a mʋ Bɛtɩlɛhɛm dɩ ʋ beŋ ʋ nyɩmma piesee.

1 SAMƲƐL 17:33

Sɔɔl ma bʋla pɩ Devit, “Ŋ ŋaa bii-bie nɛ, ŋ bɩ jaŋ wuo mʋ yuo Fɩlɩsɩtɩa tɩɩna-la, bɛɛ wɩaa ʋ ŋaa laalɩyuoru nɛ ʋ hambiiriŋ kala lɛ.”

1 SAMƲƐL 17:35

mɩ yie kire ŋmobu nɛ a laa piesu-la ʋ niiŋ lɛ. Dɩ ʋ nɛ sii hosi mɩ nyuŋ, mɩ yie kɛŋ ʋ yikori-ŋmʋlʋŋ lɛ nɛ, aŋ ŋmobu kpʋ.