1 SAMƲƐL 17:12 - WƖA TENIŊ

¹² Devit nyɩmma nɛ fa Jesi. Jesi ŋaa Yufireti tɩɩna nɛ, a lɩɩ Bɛtɩlɛhɛm sɩ hɛ Juda tinteeŋ lɛ. Ʋ kɛŋ hambolibiisiŋ chori nɛ. Bʋa-la lɛ Sɔɔl sɩ dii kuoruŋ, dɩ Jesi hɩɛsa woruŋ.

1 SAMƲƐL 17:12 ပူးပေါင်းရင်းမြစ်များ

WƖAA DƖ-SUOMUŊ 35:19

Rakɛl sɩ sʋba, ba joŋu hugi Ɛfɩraf wombiiŋ (Bɛtɩlɛhɛm nɛ ŋɩɩ).

2 SAMƲƐL 23:1

Jesi nanʋala Devit nɛ ŋaa nɩɩ-la Wɩɩjarɩbakɔ fa sɩ lɩɩsa a leŋ ʋ ŋaa nɩbal. Ʋ nɛ Jekɔb Wɩa lɩɩsɛ ʋ ŋaa kuoro. Ʋ fa jɩŋ yɩɩlaa yɩɩnɩŋ nɛ woruŋ Iziral tinteeŋ lɛ. Wɩalɩŋ ʋ fa sɩ to harɩŋ bʋl nɛ ŋ-la:

WƖA YƖƖLAA 132:6

Bʋa-la lɛ la fa sɩ hɛ taŋ-la ba sɩɩ yɩrɛ Ɛfɩrata lɛ, la nɩa dɩ Wɩa niiriŋ daga-la hɛ lee dɔŋ nɛ a kpagɛ lee-la ba sɩɩ yɩrɛ Jaa.

MƖKA 5:2

Bɛtɩlɛhɛm Ɛfɩrata, Juda tinteeŋ tasɩŋ kala tʋɔŋ ŋ nɛ muuro. Ama La TƖƖNA sɩ ʋ jaŋ lɩɩsɛ kuoro ŋ lɛ dɩ ʋ bibeŋ Iziral, nɩɩ-la doho nɩaa sɩɩ dii kuoruŋ faafaa kala.

Matiu 1:6

Jesi ma bɩra sii lʋl kuoro Devit. Devit ma fa lʋl Solomoŋ. (Solomoŋ ma naaŋ fa ŋaa Yuria haala nɛ. Yuria sʋʋ aŋ ka Devit joŋo jaa.)

Matiu 2:1

Ba lʋl Yesu Bɛtɩlɛhɛm lɛ nɛ. Tabie-la fa hɛ Judiya tinteeŋ lɛ nɛ. Bʋa deeŋ lɛ baal kʋbala baa yɩrɛ Hɛrɔd nɛ fa ŋaa tintee-la kuoro. Ba sɩ lʋl Yesu, wʋjɩnnaa lɩɩ taŋ-bʋbʋɔŋ a kɔ Jerusalɛm a pɩɛsɛ, “Juu tɩŋŋaa kuoru-la ba sɩ lʋla hɛ nɩɩ nɛ? La na ʋ chɛnwʋlʋŋ taŋ-bʋbʋɔŋ nɛ a kɔ dɩ la chʋɔlʋ.”

Matiu 2:6

Wɩa sɩ, ‘Bɛtɩlɛhɛm ŋaa tabie nɛ Judiya tinteeŋ lɛ. Ama Judiya tinteeŋ kala lɛ, Bɛtɩlɛhɛm nɩaa nɛ ŋaa nɩbalaa, bɛɛ wɩaa ba tʋɔŋ nɛ Iziral tɩŋŋaa sɩpaalaara jaŋ lɩɩ, nɩɩ-la sɩ jaŋ beŋ mɩ nɩaa, Iziral tɩŋŋaa.’ ”

RUF 1:2

Baal-la yɩrɩŋ nɛ Ɛlɩmɛlɛk, ʋ haala ma yɩrɩŋ nɛ Nawomi. Ʋ hambolibiisi-la ma yɩraa nɛ Malɔŋ arɩ Kilioŋ. Ba kala ŋaa Ɛfɩraf tɩŋŋaa nɛ a lɩɩ Bɛtɩlɛhɛm sɩ hɛ Juda tinteeŋ. Ŋɩɩ nɛ ba mʋ hɔŋ Mʋab tinteeŋ lɛ.

RUF 4:17

Haala-la sɩ hɛ lee-la hɛ bile yɩrɩŋ Ɔbɛd, aŋ bʋla pɩ nʋʋkala arɩ ba lʋl hambolibie nɛ a pɩ Nawomi. Ɔbɛd nɛ sii lʋl Jesi, Jesi ma lʋl Devit.

RUF 4:22

Ɔbɛd ma nɛ lʋl Jesi. Jesi ma nɛ lʋl Devit.

1 SAMƲƐL 1:1

Baal kʋbala nɛ fa hɛ nɩmɛ, ʋ yɩrɩŋ nɛ Ɛlɩkaana. Ʋ ŋaa Zuf nyɩŋ-nɩaa dɔŋɔ nɛ, a lɩɩ Rama sɩ hɛ Efirem tintee-la peelee sɩ yʋga lɛ. Ʋ nyɩmma yɩrɩŋ nɛ Jeroham. Jeroham ma nyɩmma yɩrɩŋ nɛ Elihu. Elihu ma nyɩmma yɩrɩŋ nɛ Tohu. Tohu ma nyɩmma yɩrɩŋ nɛ Zuf. Zuf fa ŋaa Efirem tɩɩna nɛ.

1 SAMƲƐL 16:1

Tapʋlɩɩ kʋbala La TƖƖNA pɩɛsɛ Samʋɛl, “Ɛɛ nɛ ŋ jaŋ leŋ dɩ ŋ tʋɔŋ chei Sɔɔl wɩaa a diene magɛ? Mɩ folo kiru nɛ, ʋ bɩra bɩ Iziral tɩŋŋaa kuoru ŋaa. Ŋaa nʋʋŋ a su loŋ, a mʋ Bɛtɩlɛhɛm. Baal kʋbala nɛ hɛ nɩmɛ baa yɩrɛ Jesi. Mʋ ʋ dɩa. Mɩ lɩɩsɛ ʋ hambolibiisiŋ dɔŋɔ nɛ dɩ ʋ dii kuoruŋ.”

1 SAMƲƐL 16:18

Tɩntɩnna-la dɔŋɔ bʋl, “Mɩ jɩŋ Jesi sɩ lɩɩ Bɛtɩlɛhɛm nanʋal kʋbala lɛ nɛ, ʋ chaasa jɩŋ cheŋ dunuŋ nɛ woruŋ. Ʋ ŋaa bɔɩ-duo tɩɩna nɛ, a ŋaa bayuoru. Ʋ ŋaa bapʋɔsɛ-zɔŋ nɛ, a jɩŋ wɩaa bʋlʋŋ woruŋ. La TƖƖNA chɩŋ ʋ harɩŋ nɛ.”

1 SAMƲƐL 17:11

Sɔɔl arɩ Iziral tɩŋŋaa kala sɩ nɩɩ wɩalɩŋ Fɩlɩsɩtɩa tɩɩna-la sɩ bʋla, fawʋllʋŋ faasa kɛmba, ba kala kpaŋ.

1 SAMƲƐL 17:58

Sɔɔl pɩɛsɛ Devit, “Bapʋɔsɩ-bie, kʋbɛɛ bii nɛ ŋ ŋaa?” Devit sɩ, “Ŋ tɩntɩnna Jesi, Bɛtɩlɛhɛm tɩɩna-la nɛ lʋlmɛ.”