1 SAMƲƐL 17:11 - WƖA TENIŊ

¹¹ Sɔɔl arɩ Iziral tɩŋŋaa kala sɩ nɩɩ wɩalɩŋ Fɩlɩsɩtɩa tɩɩna-la sɩ bʋla, fawʋllʋŋ faasa kɛmba, ba kala kpaŋ.

1 SAMƲƐL 17:11 ပူးပေါင်းရင်းမြစ်များ

WƖA YƖƖLAA 118:6

La Tɩɩna chɩŋ mɩ harɩŋ nɛ, mɩ bɩ fawʋllʋŋ ka fá. Bɛɛ nɛ nuhuobiine jaŋ wuo ŋaamɛ?

WƖA YƖƖLAA 27:1

La Tɩɩna nɛ ŋaa mɩ pʋlʋmʋŋ arɩ mɩ Laataara, mɩ bɩ kʋŋkala ka fá. La Tɩɩna nɛ ŋaa mɩ dɩ-duoŋ, mɩ bɩ nʋʋkala ka fá.

NAMAGABA 28:1

Nɩbɔmʋŋ yie fá nɛ dɩ nʋʋ bɩ ʋ kire, ama tʋɔpʋl tɩɩna-na kɛŋ nyuduoŋ a nagɛ naachigiŋ nɛ.

AZAAYA 57:11

Kʋbɛɛ nɛ ma fɩfá, a bɩ wʋtɩtɩɩ kɛnɛ mɩ teeŋ, a bɩ mɩ wɩaa ka liisi? Mɩ sɩ tɔrɛ mɩ niiŋ a dieni kɩŋkɛŋ wɩaa nɛ tɩɩ ma bɩ mɩ ka fá koo?

MOSIS BƖRA WULLI WƖA WOMBIIŊ 31:8

La TƖƖNA tɩtɩa jaŋ hɛ ŋ teeŋ a laa ŋ sɩpaaŋ. Ʋ bɩ jaŋ kɔ dɩ ʋ vɩaŋ ta koo ʋ lɩɩ ŋ harɩŋ da. Sɩ́ leŋe dɩ fawʋllʋŋ kɛnɩŋ koo dɩ ŋ nandaasɩŋ yʋɔrɛ.”

JOSUA 1:9

Mɩ bʋla pɩŋ arɩ ŋ nyɩrɛ bɔyɛ a kɛŋ tʋɔ-doluŋ. Sɩ́ leŋe dɩ fawʋllʋŋ kɛnɩŋ dɩ ŋ nandaasɩŋ yʋɔrɛ, mɩ-na ŋ TƖƖNA Wɩa jaŋ hɛ ŋ teeŋ lee na-kala ŋ sɩɩ mʋ.”

1 SAMƲƐL 13:7

Ba dɔnsʋŋ paala fá a chol Jɔdaŋ fuo-la, a mʋ Gad arɩ Gɩlɩad tinteeŋ. Ka Sɔɔl-na ha hɛ Gɩlɩgal lɛ, fawʋllʋŋ kɛŋ laalɩyuoro-la kala sɩ hɛ ʋ teeŋ ba chichel.

1 SAMƲƐL 17:10

Ŋɩɩ nɛ Fɩlɩsɩtɩa tɩɩna-la bɩra bʋl, “Jɩnɩŋ mɩɩ tʋʋsɛ Iziral tɩŋŋaa laalɩyuoroo kala joŋŋoo nɛ. Má lɩɩsɛ baal dɩ ʋ kɔ dɩ la yuo dɔŋɔ.”

1 SAMƲƐL 17:12

Devit nyɩmma nɛ fa Jesi. Jesi ŋaa Yufireti tɩɩna nɛ, a lɩɩ Bɛtɩlɛhɛm sɩ hɛ Juda tinteeŋ lɛ. Ʋ kɛŋ hambolibiisiŋ chori nɛ. Bʋa-la lɛ Sɔɔl sɩ dii kuoruŋ, dɩ Jesi hɩɛsa woruŋ.

1 SAMƲƐL 21:13

Devit sɩ hɛ kuoro Akɩs arɩ ʋ tɩntɩnnaa nɩsɩŋ lɛ, ʋ fugo ŋɩŋaa wɩaa arɩ ʋ nyuŋ tuo. Ʋ yie paa kɩaa a pɩpaasɛ taŋ-la boi-baalɩŋ borusuŋ, aŋ gieri nantʋɔrʋŋ su ʋ tɔŋŋɔɔ kala, a nagɛ nɩa sɩɩ nyaasʋ.

1 SAMƲƐL 7:7

Fɩlɩsɩtɩa tɩŋŋaa sɩ nɩa dɩ Iziral tɩŋŋaa hilimi Mɩzɩpa lɛ nɛ, ba kuorusu-la banɔŋ sii a kɛsɛ ba laalɩyuoroo mʋmʋ dɩ ba yuoba. Iziral tɩŋŋaa sɩ nɩɩ ba wɩaa, fawʋllʋŋ kɛmba.