1 SAMƲƐL 17:10 - WƖA TENIŊ

¹⁰ Ŋɩɩ nɛ Fɩlɩsɩtɩa tɩɩna-la bɩra bʋl, “Jɩnɩŋ mɩɩ tʋʋsɛ Iziral tɩŋŋaa laalɩyuoroo kala joŋŋoo nɛ. Má lɩɩsɛ baal dɩ ʋ kɔ dɩ la yuo dɔŋɔ.”

1 SAMƲƐL 17:10 ပူးပေါင်းရင်းမြစ်များ

2 SAMƲƐL 21:21

Ʋ sɩ joŋ Iziral tɩŋŋaa dɩ ʋ hɛ sɩɩŋ lɛ, Devit naambie Sɩmɩa nanʋala Jonataŋ nɛ kpʋʋ.

2 SAMƲƐL 23:9

Nɩɩ-la sɩɩ tɩgɛ ʋ lɛ nɛ, Dodai nanʋala Elieza, a ŋaa Aho tɩɩna. Bʋa kʋbala lɛ ʋ dɩ Devit nɛ mʋ magɩsɛ Fɩlɩsɩtɩa tɩŋŋaa ba sɩ kʋ hilimi lee-la ba sɩɩ yɩrɛ Pas Damɩŋ lɛ dɩ ba yuo laalɩŋ. Ŋɩɩ nɛ Iziral laalɩyuoroo mɩɩra fá,

2 KUOROO 19:4

Ŋ bɩ pɔ ŋ Tɩɩna Wɩa jaŋ nɩɩ wɩalɩŋ Asiiria kuoro sɩ tɩŋ ʋ laalɩyuori-hɩaŋ ʋ kɔ a tʋʋsɛ Wɩa sɩ weye joŋŋoo. Ŋ Tɩɩna Wɩa sɛnɛ nɩɩ wɩalɩŋ nɛ, ʋ jaŋ lɛrɛ nɩɩ-la sɩ bʋlba dɩgɩlɩŋ. Ŋɩɩ wɩaa, sʋl Wɩa pɩ la nɩkaana-la sɩ hɛ nɩmɛ.’ ”

NƐHƖMAAYA 2:19

Ama Sambalat arɩ Tobia a pɛ Arab tɩɩna ma ba sɩɩ yɩrɛ Gesem sɩ nɩɩ wɩɩ-la, ba mɔŋ-la a sisierila a bʋl, “Bɛɛ kʋŋ nɛ maa ŋaa ŋ-la? Maa vɩa kuoro niiŋ nɛ koo?”

NAMAGABA 16:18

Babii-ballɩŋ ka chei ʋ tɩɩna nɛ, sɩɩ-duoŋ maa tel ʋ tɩɩna.

JƐRƖMAAYA 9:23

Wɩɩ-la La TƖƖNA bɩra sɩ bʋla nɛ ŋ-la: “Wʋjɩnna bɩ maga dɩ ʋ kɛŋ ʋ wʋjɩmɩŋ ŋmoo bɔyɛ. Nɩduoŋ ma bɩ maga ʋ kɛŋ ʋ doluŋ ŋmoo bɔyɛ. Kɩaa tɩɩna ma bɩ maga dɩ ʋ kɛŋ ʋ kɩaa ŋmoo bɔyɛ.

DANƖƐL 4:37

Lɛɛlɛ mɩ-na Nebukadineza ka dɛnnɛ Wɩa sɩ ŋaa kuoro a hɛ ʋ jaŋ lɛ a yɩyɩrɛ ʋ yɩrɩŋ, bɛɛ wɩaa ʋ ŋaa wɩɩkala ʋ bʋa lɛ nɛ, ʋ wʋŋaalaa kɛŋ wʋtɩtɩɩ. Nɩalɩŋ sɩɩ bigisi ba tɩtɩa lɛ, ʋ yie kɛmba muuri nɛ.

1 SAMƲƐL 17:11

Sɔɔl arɩ Iziral tɩŋŋaa kala sɩ nɩɩ wɩalɩŋ Fɩlɩsɩtɩa tɩɩna-la sɩ bʋla, fawʋllʋŋ faasa kɛmba, ba kala kpaŋ.

1 SAMƲƐL 17:36

Mɩ kpʋ naachigee arɩ lʋgʋmaa nɛ woruŋ, Fɩlɩsɩtɩa tɩŋŋaa baala deeŋ sɩ bɩ Wɩa ka to ma jaŋ nagɛ ba dɔŋɔ mɩ teeŋ, bɛɛ wɩaa ʋ tʋʋsɛ Wɩa-la sɩ weye laalɩyuoroo joŋoo nɛ.

1 SAMƲƐL 17:45

Ŋɩɩ nɛ Devit ma bʋla pʋ, “Ŋŋ kɔ mɩ lɛ arɩ tokobiiŋ arɩ timiŋ nɛ, ama mɩ-naa kɔ ŋ lɛ La TƖƖNA doluŋ kala Tɩɩna sɩ ŋaa Iziral laalɩyuoroo Wɩa yɩrɩŋ lɛ nɛ. Ʋ joŋŋoo nɛ ŋ tʋʋsɛ ŋɩɩ.