1 SAMƲƐL 16:5 - WƖA TENIŊ

⁵ Samʋɛl bʋl, “Ba fɩɛla nɛ. Mɩ kɔ dɩ mɩ kpʋ pʋsʋŋ nɛ a sʋl Wɩɩsʋlʋŋ a pɩ La TƖƖNA. Má pɩɩsɛ ma disiniŋ ta, aŋ kɔ dɩ la mʋ Wɩɩsʋlɩɩ-la leriŋ.” Ŋɩɩ nɛ ʋ pɩɩsɛ Jesi arɩ ʋ hambolibiisiŋ ma disiniŋ ta, aŋ yɩrɛ ba ma, dɩ ba kʋ pɛ Wɩɩsʋlɩɩ-la lɛ.

1 SAMƲƐL 16:5 ပူးပေါင်းရင်းမြစ်များ

WƖAA DƖ-SUOMUŊ 35:2

Ŋɩɩ nɛ Jekɔb bʋla pɩ ʋ dɩa nɩaa arɩ nɩalɩŋ kala sɩ hɛ ʋ teeŋ, “Má paa ma tɔŋŋɔɔ kala ta aŋ pɩɩsɛ ma disiniŋ ta aŋ wuri ma gɛnnɩŋ aŋ laalɛ gɛrɩ-falaa

1 KUOROO 2:13

Tapʋlɩɩ kʋbala, Hagɩf nanʋala Adonija sii mʋ Solomoŋ naaŋ Bɛfɩsɛba teeŋ. Ŋɩɩ nɛ Bɛfɩsɛba pɩɛsʋ, “Ba fɩɛla nɛ ŋ kʋkɔ mɩ teeŋ?” Ʋ bʋl, “Oo, ba fɩɛla nɛ.”

1 IZIRAL TƖŊŊAA NAABARƖŊ 12:18

Ŋɩɩ nɛ Wɩa Dɩma guu kʋ jʋʋ Amasaɩ, ʋ nɛ mɩɩra kʋ ŋaa laalɩyuori babiibala-la mara arɩ fii kʋhɩaŋ ŋɩɩ, ʋ bʋl, “Jesi nanʋala Devit, la chɩŋ ŋ harɩŋ nɛ. A leŋ ŋ dɩ nɩalɩŋ sɩɩ to ŋ harɩŋ yuo didii bʋa na-kala, bɛɛ wɩaa Wɩa chɩŋ ŋ harɩŋ nɛ a yuo pɩpɩŋ.” Ŋɩɩ nɛ Devit laaba, a leŋ ba ŋaa ʋ laalɩyuoroo sɩpaalaaraa.

JOB 1:5

Dɩ ba nɛ gbieli gbieli-la kʋŋkala dɛrɛ, Job yie yɩrɛba nɛ a pɩɩsɛ ba disiniŋ ta. Ʋ yie sii chʋchʋɔ-fɩɛla a ŋaa kʋnyɩgaa Wɩɩsʋlʋŋ a pɩ ba kʋŋkala. Ʋ yie ŋaa ŋɩɩ aŋ bɩɩnɛ ʋ tʋɔŋ lɛ a bʋl, “Kapo mɩ biiriŋ deemba kʋŋ ŋaa wʋbɔŋ a tʋʋsɛ Wɩa ʋ tʋɔŋ lɛ.” Job fa vɛnɛɛ ŋaa wɩɩŋ deeŋ nɛ bʋa na-kala.

MOSIS KƐŊ IZIRAL TƖŊŊAA LƖƖ 19:10

Ŋɩɩ nɛ La TƖƖNA bʋla pɩ Mosis, “Mʋ́ pɩɩsɛ nɩalɩŋ disiniŋ ta jɩnɩŋ arɩ chie, a leŋ dɩ ba chɛsɛ ba gɛnnɩŋ.

JOWƐL 2:16

Má yɩrɛ nɩalɩŋ hɛ dɔŋɔ, a pɩɩsɛ ba disiniŋ ta. Má kɛŋ nɩhɩasɩ-la kʋ hɛ dɔŋɔ, má kɛŋ hambiisiŋ ma kʋ hɛ dɔŋɔ, nɩalɩŋ sɩɩ wasɛ yɩlɩŋ. Má leŋ dɩ ha-falɩŋ bala lɩɩ ʋ dɩa lɛ, dɩ ha-falɩŋ ma lɩɩ ʋ dɩɩ-pɩnɩŋ lɛ.

ZEFANAAYA 1:7

Má ŋaa fʋɩɩ La TƖƖNA Wɩɩjarɩbakɔ sɩpaaŋ, bɛɛ wɩaa La TƖƖNA tapʋlʋŋ kpaga nɛ. La TƖƖNA fa leŋe ʋ nɩaa nagɛ pʋsʋŋ nɛ dɩ ba kpʋ a lɩɩsɛ nɩalɩŋ ma sɩ jaŋ kpʋba.

NAMBABA 11:8

Nɩalɩŋ yie lɩɩ paa, a nɔŋ nɔmʋŋ lɛ koo a bugisi tɔgʋŋ lɛ a chɔ, koo a wasɛ muŋgulumoo. Ba yie sɩŋ a nagɛ ba sɩ kɛŋ Olif nʋʋŋ a buu munuŋ a wasɛ boroboro nɛ.

1 Kɔrɩntɩ Nɩaa 11:28

Nʋʋkala maga dɩ ʋ laa sɩpaaŋ a beŋ ʋ tɩtɩa lɛ woruŋ aŋ-na dii boroboro-la, a nyʋa nyʋnyʋala-la tʋɔŋ ma.

JOSUA 3:5

Ŋɩɩ nɛ Josua bʋla pɩ nɩalɩŋ, “Má pɩɩsɛ ma disiniŋ ta, bɛɛ wɩaa chie La TƖƖNA jaŋ ŋaa wʋkpuŋkperisiŋ ma tʋɔŋ.”

JOSUA 7:13

Mʋ a pɩɩsɛ nɩalɩŋ disiniŋ ta, ka dɩ ba kɛŋ ba tɩtɩa hɛ dɔŋɔ a kɔ mɩ sɩpaaŋ chie. Mɩ-na ma TƖƖNA Iziral Wɩa kɛŋ wɩɩ nɛ dɩ mɩ bʋla pɩma. Kɩalɩŋ mɩ sɩ sɩ ma chei dɔnsʋŋ hɛ ma dʋa tʋɔŋ nɛ. Ŋɩɩ wɩaa ma bɩ jaŋ wuo yuo dii ma dʋndɔŋŋɔɔ, see dɩ ma chaarɛ kɩalɩŋ ta.

1 SAMƲƐL 20:26

Tapʋlɩɩ-la Sɔɔl bɩ wɩɩkala bʋla, bɛɛ wɩaa ʋ bɩɩna ʋ tʋɔŋ lɛ nɛ a bʋl, “Ʋ naga wɩɩ nɛ ŋaa Devit lɛ, ʋ kɛŋ disiniŋ La TƖƖNA teeŋ.”