1 SAMƲƐL 16:1 - WƖA TENIŊ

¹ Tapʋlɩɩ kʋbala La TƖƖNA pɩɛsɛ Samʋɛl, “Ɛɛ nɛ ŋ jaŋ leŋ dɩ ŋ tʋɔŋ chei Sɔɔl wɩaa a diene magɛ? Mɩ folo kiru nɛ, ʋ bɩra bɩ Iziral tɩŋŋaa kuoru ŋaa. Ŋaa nʋʋŋ a su loŋ, a mʋ Bɛtɩlɛhɛm. Baal kʋbala nɛ hɛ nɩmɛ baa yɩrɛ Jesi. Mʋ ʋ dɩa. Mɩ lɩɩsɛ ʋ hambolibiisiŋ dɔŋɔ nɛ dɩ ʋ dii kuoruŋ.”

1 SAMƲƐL 16:1 ပူးပေါင်းရင်းမြစ်များ

1 KUOROO 8:16

‘A chɩŋ bʋa-la mɩ sɩ kɛŋ mɩ nɩaa Iziral tɩŋŋaa kʋ lɩɩ Ijipiti tinteeŋ lɛ, mɩ bɩ tabal kala lɩɩsa Iziral doho doho-la tʋɔŋ dɩ ba saa mɩ dɩɩ-balɩŋ dɩ ba zizilmi nɩmɛ, ama Devit nɛ mɩ lɩɩsɛ dɩ ʋ bibeŋ mɩ nɩaa Iziral tɩŋŋaa.’

2 KUOROO 9:1

Tapʋlɩɩ kʋbala Elaasa yɩrɛ Wɩa wʋlaabʋlla-la sɩ hɛ ʋ teeŋ dɔŋɔ a bʋla pʋ, “Kɛŋ ŋ tembiiŋ vɔɔ ŋ gɛrɩŋ kpɛrɛ a kɛŋ ŋ tɩtɩa hɛ dɔŋɔ a joŋ nʋʋŋ arɩ loŋ deeŋ a mʋ taŋ-la ba sɩɩ yɩrɛ Ramɔf Gɩlɩad.

2 KUOROO 9:3

Dɩ ma nɛ jʋa, joŋ nʋʋ-la a wansɛ hɛ ʋ nyuŋ lɛ aŋ bʋl, ‘Ŋ-la nɛ La TƖƖNA bʋl: Mɩ lɩɩsɩŋ nɛ dɩ ŋ ŋaa Iziral tinteeŋ kuoro.’ Dɩ ŋ nɛ ŋaa ŋɩɩ dɛrɛ, kɛŋ boiŋ suri a lɩɩ a chaasa fá woruŋ a viiri.”

2 KUOROO 9:6

Ŋɩɩ nɛ Jehu sii ba jʋʋ dɩa. Ba sɩ jʋa, Wɩa wʋlaabʋllʋ-la joŋ nʋʋŋ a wansɛ hɛ Jehu nyuŋ lɛ aŋ bʋl, “Wɩɩ-la La TƖƖNA Iziral tɩŋŋaa Wɩa sɩ bʋla nɛ ŋ-la: ‘Mɩ lɩɩsɩŋ nɛ dɩ ŋ ŋaa mɩ nɩaa Iziral tɩŋŋaa kuoro.

1 IZIRAL TƖŊŊAA NAABARƖŊ 11:3

Iziral nɩhɩasɩŋ kala sɩ sii kɔ kuoro Devit teeŋ ŋɩɩ Hɛbʋrɔŋ lɛ, Devit leŋ ʋ dɩ nɩhɩasɩ-la hɛ niiŋ pɩ dɔŋɔ La TƖƖNA sɩpaaŋ. Ba joŋ nʋʋŋ a tɩsɛ Devit nyuŋ a dagɛ arɩ ʋ nɛ ŋaa Iziral tɩŋŋaa kuoro, arɩ La TƖƖNA fa sɩ to Samʋɛl lɛ a dagɛ ŋɩɩ.

1 IZIRAL TƖŊŊAA NAABARƖŊ 28:4

La TƖƖNA, Iziral tɩŋŋaa Wɩa fa lɩɩsɛ Juda doho nɛ dɩ ba ŋaa sɩpaalaaraa. Juda ma lɛ ʋ lɩɩsɛ mɩ nyɩmma dɩa nɩaa, mɩ nyɩmma biiriŋ tʋɔŋ, ʋ tʋɔŋ tɔrɛ mɩ nyuŋ ʋ lɩɩsɛmɛ dɩ mɩ ŋaa Iziral tɩŋŋaa kuoro, aŋ hɛ niiŋ arɩ mɩ dɩ mɩ doho nɩaa nɛ jaŋ didii kuoruŋ a kaa mʋ wuu.

AZAAYA 11:1

Devit kuoru gentine nagɛ tɩa ba sɩ kere lo nɛ, ama arɩ ba sɩ yie keri tɩa lo ka gentine bɩra tɔsɛ a nɛŋ ŋɩɩ, ŋɩɩ tɩtɩa nɛ kuori-falɩŋ jaŋ lɩɩ Devit doho nɩaa tʋɔŋ.

AZAAYA 11:10

Tapʋlɩɩ-la nɛ yie, kuoru-la sɩ jaŋ lɩɩ Jesi gentine lɛ jaŋ chɩŋ a nagɛ tuuta nɩaa teeŋ, tinteyee jaŋ kɔ ʋ teeŋ a zilu.

AZAAYA 55:4

Mɩ fa leŋe ʋ ŋaa nɩaa sɩpaalaarʋ nɛ a ŋaa laalɩyuori-hɩaŋ. Ʋ lɛ nɛ mɩ to a dagɛ mɩ doluŋ.

JƐRƖMAAYA 11:14

Jɛrɩmaaya, sɩ́ mɩ sʋla pɩ nɩaa deemba, sɩ́ ba naasɩŋ lɛ chɩna sʋlmɛ chɩchɛ dɩ mɩ ŋaa wɩɩkala a pɩba, bɛɛ wɩaa mɩ bɩ jaŋ jegile nɩɩ ba teeŋ bʋa-la lɛ hɛɛŋ sɩ jaŋ jʋʋba dɩ ba yɩrɛmɛ.

JƐRƖMAAYA 15:1

Ŋɩɩ nɛ La TƖƖNA bʋla pɩmɛ, “Dɩ Mosis arɩ Samʋɛl nɛ fa paala kʋ chɩŋ mɩ sɩpaaŋ a sʋlmɛ ma, mɩ bɩ jaŋ fá nɩaa deemba nenige. Kiriba ta dɩ ba sʋrɩsɛ mɩ sɩpaaŋ! Leŋ dɩ ba mʋ!

JƐRƖMAAYA 6:30

Ba kɛmba yɩyɩrɛ hɔpʋla ba sɩ vɩa ta nɛ, bɛɛ wɩaa mɩ-na ma Tɩɩna vɩaba ta nɛ.”

JƐRƖMAAYA 7:16

Jɛrɩmaaya, sɩ́ mɩ sʋla pɩ nɩaa deemba. Sɩ́ ba naasɩŋ lɛ chɩna sʋl Wɩɩsʋlɩɩ kala, dɩ ŋ nɛ sʋla ma, mɩ bɩ jaŋ jegile nɩɩ ŋ teeŋ.

ZƐKARƖYA 4:14

Ŋɩɩ nɛ ʋ bʋl, “Kɩaa deemba balɩa ŋaa nɩa nɛ Wɩa lɩɩsɛ dɩ ba tɩma pɩpɩ ʋ-na La TƖƖNA sɩ tɩɩ dʋnɩa kala.”

Rom Tɩŋŋaa 15:12

Azaaya bɩra bʋl ŋ-la nɛ: “Jesi doho nɩaa dɔŋɔ jaŋ kɔ. Ʋ nɛ jaŋ sii a beŋ nɩalɩŋ sɩ bɩ Juu tɩŋŋaa ŋaa. Ba jaŋ joŋ ba yɩɛlaa hɛ ʋ lɛ.”

Hiburu TƖŊŊAA 11:32

Wɩaa dɔnsʋŋ hɛ nɩmɛ mɩ fa ha sɩ jaŋ wuo bʋl. Ama chɩnɩŋ tuo dɩ mɩ bʋl nɩaa deemba wɩaa: Gɩdɩɔŋ, Barak, Samɩsɩŋ, Jɛfɩta, Devit, Samʋɛl arɩ Wɩa wʋlaabʋllaa wɩaa.

1 Jɔɔŋ 5:16

Dɩ nʋʋkala nɛ na ʋ dɔŋɔ tɩɩna dɩ ʋ ŋaa wʋbɔŋ sɩ bɩ jaŋ leŋ dɩ ʋ sʋʋ, ʋ maga dɩ tɩɩna sʋl Wɩa pʋ nɛ dɩ Wɩa joŋ ʋ mɩɩsɩŋ chɛʋ. Mɩ bʋl ŋ-la a tɩgɛ nɩalɩŋ sɩ ŋaa wʋbɔmɔ-la lɛ sɩ bɩ maga dɩ ba sʋʋ lɛ nɛ a tɩŋ ba wʋbɔmɔ-la wɩaa. Wʋbɔŋŋɔɔ dɔnsʋŋ hɛ nɩmɛ, dɩ nʋʋ nɛ ŋaaba, ʋ tɩɩna jaŋ sʋʋ. Dɩ nʋʋ nɛ saa ŋaa wʋbɔŋŋɔɔ deemba, mɩ bɩ sɩ dɩ ma sʋl Wɩa dɩ ʋ joŋ ʋ mɩɩsɩŋ chɛʋ.

1 SAMƲƐL 10:1

Ŋɩɩ nɛ Samʋɛl joŋ nʋʋŋ arɩ loŋ, a wansa hɛ Sɔɔl nyuŋ lɛ, aŋ guoru a bʋl, “La TƖƖNA lɩɩsɩŋ nɛ dɩ ŋ ŋaa ʋ nɩaa Iziral tɩŋŋaa sɩpaalaara.

1 SAMƲƐL 15:11

“Mɩ tʋɔŋ kala nɛ cheye mɩ sɩ leŋe Sɔɔl dii kuoruŋ, bɛɛ wɩaa ʋ joŋ harɩŋ a yɩamɛ nɛ, a bɩ wɩalɩŋ mɩ sɩ daga ka to.” Wɩɩ-la walɩmɛ Samʋɛl woruŋ, ʋ bɛrɛ doŋ tɩtaŋɩŋ kala a sʋl La TƖƖNA.

1 SAMƲƐL 15:23

Dɩ ŋ nɛ vɩa ʋ niiŋ, ŋɩɩ ŋaa wʋbɔŋ nɛ a nagɛ nʋʋ sɩɩ vʋgʋ. Dɩ ŋ nɛ kɛŋ sɩɩ-duoŋ, ŋɩɩ ma ŋaa wʋbɔŋ nɛ ʋ teeŋ a nagɛ nʋʋ sɩɩ kpaarɛ vʋɩyaa. Ŋ sɩ bɩ La TƖƖNA niiŋ lɛ to ŋɩɩ, ʋ ma kiriŋ kuoruŋ lɛ nɛ.”

1 SAMƲƐL 15:26

Ama Samʋɛl bʋla pʋ, “Mɩ bɩ jaŋ to ŋ harɩŋ mʋ. Ŋ vɩa La TƖƖNA niiŋ nɛ, ʋ ma kiriŋ nɛ, ŋ bɩra bɩ Iziral tɩŋŋaa kuoru ŋaa.”

1 SAMƲƐL 15:35

Samʋɛl yele pɩ Sɔɔl nɛ, ama ʋ kaa mʋʋ sʋʋ dɩ ʋ sɩɩŋ bɩra bɩ Sɔɔl na. La TƖƖNA tʋɔŋ fa cheye nɛ woruŋ ʋ sɩ leŋe Sɔɔl dii kuoruŋ Iziral tinteeŋ lɛ.

1 SAMƲƐL 16:15

Sɔɔl tɩntɩnnaa bʋla pʋ, “Wɩa leŋe jɩŋ-bɔŋ nɛ hɛ ŋ lɛ a wʋwalɩmɩŋ kɩŋkɛŋ.

1 SAMƲƐL 16:23

Bʋa na-kala lɛ, dɩ jɩŋ-bɔŋ-la sɩ lɩɩ Wɩa teeŋ nɛ sii Sɔɔl lɛ, Devit yie joŋ cheŋ nɛ a du, jɩŋ-bɔŋ-la leŋu, ka ʋ yaraa pɛ dɔŋɔ lɛ.

1 SAMƲƐL 17:12

Devit nyɩmma nɛ fa Jesi. Jesi ŋaa Yufireti tɩɩna nɛ, a lɩɩ Bɛtɩlɛhɛm sɩ hɛ Juda tinteeŋ lɛ. Ʋ kɛŋ hambolibiisiŋ chori nɛ. Bʋa-la lɛ Sɔɔl sɩ dii kuoruŋ, dɩ Jesi hɩɛsa woruŋ.

1 SAMƲƐL 9:16

“Chie bʋa deeŋ lɛ, mɩ jaŋ leŋ dɩ baal kʋbala lɩɩ Bɛnjamɩŋ doho nɩaa tʋɔŋ a kɔ. Dɩ ʋ nɛ kɔ, joŋ Wɩɩsʋllɩ nʋʋŋ tɩsʋ, dɩ ʋ ŋaa mɩ nɩaa Iziral tɩŋŋaa sɩpaalaara. Ʋ nɛ jaŋ laa mɩ nɩaa ta Fɩlɩsɩtɩa tɩŋŋaa nɩsɩŋ lɛ. Mɩ na hɛɛ-la mɩ nɩaa sɩɩ na nɛ, a nɩɩ ba nii-ŋmobo ma.”