52 Sɔɔl mɩɩsɩŋ kala lɛ, ʋ dɩ Fɩlɩsɩtɩa tɩŋŋaa chaasa yuo laalɩŋ nɛ woruŋ. Dɩ Sɔɔl nɛ na nɩduo koo bɔɩ-duo tɩɩna na-kala, ʋ yie kɛnʋ pɛ ʋ laalɩyuoroo lɛ nɛ.
Fɩlɩsɩtɩa tɩŋŋaa sii hɛ dɔŋɔ dɩ ba yuo Iziral tɩmma-la, a kɛŋ laalɩyuori janɩŋ torukoba bʋɩ batori, ja-jɩllaa bʋɩ balɩdʋ, ka laalɩyuoroo paala yʋgɛ a nagɛ hagɩlɩ-bumbugulo sɩ pɩŋ mʋga niiŋ. Ba sii jɩla ŋmoo buguŋ Mɩkɩmas lɛ, Bɛf Avɛŋ wɩɩpɔsʋŋ dɩɩrɩŋ.
Sɔɔl sɩ kʋ dii kuoruŋ Iziral tinteeŋ lɛ harɩŋ, ʋ chaasa yuo ba dʋndɔŋŋɔɔ sɩ hɛ lee na-kala nɛ: Mʋab tɩŋŋaa, Amɔŋ tɩŋŋaa, Ɛdɔm tɩŋŋaa, Zoba tɩŋŋaa kuoroo arɩ Fɩlɩsɩtɩa tɩŋŋaa. Dɩ ʋ nɛ joŋ ʋ sɩaa chaasɛ lee-kala, ʋ yie yuo dii ba nɛ.
Samʋɛl sɩ kʋ hɩɛsɛ, ʋ lɩɩsɛ ʋ hambolibiisiŋ nɛ ba ŋaa Iziral tɩŋŋaa sɩpaalaaraa.
Ʋ sɩ, “Wɩalɩŋ kuoru-la sɩ jaŋ bibemma sɩ jaŋ joŋo ŋaa ma lɛ nɛ ŋ-la: Ʋ jaŋ leŋ dɩ ma hambolibiisiŋ ŋaa ʋ laalɩyuoroo, dɔnsʋŋ jaŋ kɛŋ ʋ laalɩŋ janɩŋ torukoba tɩtɩŋ, dɩ dɔnsʋŋ ma jɩjɩl ʋ laalɩŋ janɩŋ, ka dɩ ʋ lɩɩsɛ dɔnsʋŋ ma dɩ ba laa ʋ tɩtɩa janɩŋ torukoba sɩpaaŋ a fɩfá.