1 SAMƲƐL 14:3 - WƖA TENIŊ

³ Laalɩyuoro-la tʋɔŋ, Wɩɩsʋllɩ sɩpaalaara nɛ hɛ nɩmɛ baa yɩrɛ Ahija, a laalɛ ʋ gɛrɩ-laala-daŋɩŋ. Ahija nyɩmma nɛ Ahitub. Ahitub naambie nɛ Ɩkabɔd. Ahitub ma nyɩmma nɛ Finihas. Finihas ma nyɩmma nɛ Eli. Eli nɛ fa ŋaa La TƖƖNA Wɩɩsʋllɩ sɩpaalaara Sɩlɔ lɛ. Nʋʋkala fa bɩ jɩŋ arɩ Jonataŋ mʋ lee.

1 SAMƲƐL 14:3 ပူးပေါင်းရင်းမြစ်များ

1 SAMƲƐL 1:3

Jɩna na-kala, Ɛlɩkaana yie lɩɩ ʋ jaŋ Rama a mʋ taŋ-la ba sɩɩ yɩrɛ Sɩlɔ dɩ ʋ zil La TƖƖNA doluŋ kala Tɩɩna aŋ pɛ kpʋ pʋsʋŋ a ŋaa Wɩɩsʋlʋŋ. Sɩlɔ lɛ baal kʋbala nɛ fa hɛ nɩmɛ baa yɩrɛ Eli. Ʋ fa ŋaa La TƖƖNA Wɩɩsʋllɩ sɩpaalaarʋ nɛ. Ʋ fa kɛŋ hambolibiisiŋ balɩa nɛ, baa yɩrɛ Hofini arɩ Finihas, ba ma fa ŋaa La TƖƖNA Wɩɩsʋllɩ sɩpaalaaraa nɛ.

1 SAMƲƐL 14:36

Sɔɔl bɩra bʋl, “Má leŋ la tuu yuo Fɩlɩsɩtɩa tɩŋŋaa tɩtaŋɩŋ a paa ba kɩaa ŋɩɩ a mʋ yi sɩɩpʋʋraa. Má leŋ la kpʋ ba kala.” Nɩalɩŋ bʋl, “Wɩɩ-la kala sɩ zɔmɔ a pɩŋ, ŋaa.” Ama Wɩɩsʋllɩ sɩpaalaara sɩ, “Má leŋ dɩ la laa sɩpaaŋ pɩɛsɛ Wɩa daha a na.”

1 SAMƲƐL 2:18

Ama Samʋɛl-na fa hɛ La TƖƖNA teeŋ nɛ a tɩma pʋpʋ bʋa na-kala. Ʋ fa ŋaa bii-bie nɛ a laalɛ gɛrɩpɛ fʋfʋlʋŋ gɛrɩ-laala-daŋɩŋ.

1 SAMƲƐL 2:28

Iziral doho doho-la kala tʋɔŋ, ŋ nyɩmma doho nɩaa nɛ mɩ lɩɩsɛ dɩ ba nɛ ŋaa Wɩɩsʋllɩ sɩpaalaaraa, a tɩtɩŋ mɩ koru-la lɛ, a nyɩgɛ kʋsʋɔrʋsʋŋ pɩpɩmɛ, a lɩlaalɛ gɛrɩ-laala-daŋɩɩ-la a chɛɛ na wɩalɩŋ mɩ sɩɩ chɛ. Wɩɩsʋlʋŋ kɩalɩŋ Iziral tɩŋŋaa sɩ yie nyɩga pɩmɛ ma tʋɔŋ, mɩ leŋe ma nyɩmma doho nɩaa kɛŋ kpaalɩŋ nɛ.

1 SAMƲƐL 22:20

Ama Ahɩmɛlɛk nanʋala ba sɩɩ yɩrɛ Abɩata, Ahitub nihiŋ dʋndʋŋa nɛ wuo lɩɩ fá, a mʋ Devit teeŋ,

1 SAMƲƐL 4:21

Ka dɩ ʋ-na sʋʋ, ʋ hɛ bile yɩrɩŋ Ɩkabɔd. Yɩrɩ-la bʋbʋɔŋ nɛ: ‘Iziral tʋla lɩa’, bɛɛ wɩaa ba yuo laa Wɩa niiriŋ daga-la nɛ, ʋ bala nyɩmma arɩ ʋ bala ma sʋʋ.

1 SAMƲƐL 4:4

Ŋɩɩ nɛ ba tɩŋ nɩaa ba mʋ Sɩlɔ, a joŋ La TƖƖNA doluŋ kala Tɩɩna niiriŋ daga-la kaa kɔ. Daga-la nyuŋ kɛŋ kɩaa sɩ kɛŋ kɩŋkɛnsɩŋ nɛ a nagɛ Wɩa tɩndaaraa balɩa, La TƖƖNA hɔŋ ba pɛgɛ. Eli hambolibiisiŋ balɩa, Hofini arɩ Finihas ma to Wɩa niiriŋ daga-la harɩŋ a mʋ ba buguŋ.