1 SAMƲƐL 14:1 - WƖA TENIŊ

¹ Tapʋlɩɩ kʋbala Sɔɔl nanʋala Jonataŋ bʋla pɩ bapʋɔsɩ-bie-la sɩɩ kori ʋ laalɩyuori kɩaa, “Kɔ dɩ la mʋ Fɩlɩsɩtɩa tɩŋŋaa buguŋ sɛmɛ-la dɔŋɔ.” Ama Jonataŋ bɩ bʋla pɩ ʋ nyɩmma.

1 SAMƲƐL 14:1 ပူးပေါင်းရင်းမြစ်များ

MƖKA 7:5

Ŋ dɩ nɩɩ-la sɩ jʋʋ kpɩkpagɛ dɔŋɔ, sɩ́ ʋ laa dii, a sɩ́ ŋ yɩɛlaa joŋo hɛ ŋ nandɔŋɔ lɛ. Nɩɩ-la ma ŋ sɩ paala guoro pɩŋ, jɩŋ ŋ niiŋ kɛnɩŋ ʋ teeŋ,

SƖPAALAARAA 14:6

La TƖƖNA Dɩma kʋ jʋʋ Samɩsɩŋ a pʋ doluŋ ʋ kɛŋ naachigi-la pʋɔsɛ arɩ nɩsɩŋ, a nagɛ bʋ-bie. Ama ʋ bɩ wɩɩ-la ʋ sɩ ŋaa bʋla pɩ ʋ nyɩmma arɩ ʋ naaŋ.

SƖPAALAARAA 14:9

Ʋ kɛŋ nɩsɩŋ tuu a lɔgɛ tʋʋ-la a vɛŋ aŋ didii. Ʋ sɩ kɔ ʋ nyɩmma arɩ ʋ naaŋ teeŋ, ʋ lɔgɛ tʋʋ-la mʋa pɩba ba dii. Ama ʋ bɩ bʋla pɩ ʋ nyɩmma arɩ ʋ naaŋ arɩ naachigi-sʋʋŋ yaraa lɛ nɛ ʋ lɔgɛ tʋʋ-la.

SƖPAALAARAA 6:27

Ŋɩɩ nɛ Gɩdɩɔŋ kɛŋ ʋ tɩntɩnnaa fii ba ŋaa ŋɩɩ tɩtɩa La TƖƖNA sɩ bʋla pʋ. Ama a tɩŋ ʋ fa sɩɩ fá ʋ dɩa nɩaa arɩ taŋ-la nɩaa wɩaa, ʋ ŋaa wɩɩ-la tɩtaŋɩŋ nɛ, wɩɩhɛyɛ dee ʋ ŋaa.

1 SAMƲƐL 13:2

Sɔɔl fa tʋɔsɛ Iziral laalɩyuoroo bʋɩ batori nɛ. Bʋɩ balɩa hɛ ʋ teeŋ Mɩkɩmas arɩ Bɛtɛl tintee-la peelee sɩ yʋga lɛ, ka bʋɩ ma hɛ ʋ nanʋala Jonataŋ teeŋ Gɩbɩa sɩ hɛ Bɛnjamɩŋ tinteeŋ lɛ, aŋ leŋ baala-la nɩkaanaa mɩɩra mʋ ba dɩɩsɩŋ.

1 SAMƲƐL 13:22

Tapʋlɩɩ-la ba sɩɩ yuo laalɩŋ, Iziral tɩŋŋaa laalɩyuoroo kʋbala ma bɩ tokobiiŋ koo tiŋ kɛnɛ. Sɔɔl arɩ Jonataŋ dʋndʋŋa nɛ kɛnɛ.

1 SAMƲƐL 13:23

Fɩlɩsɩtɩa tɩŋŋaa fa leŋe ba laalɩyuoroo dɔnsʋŋ mʋ pɔ wombii-bie-la sɩ hɛ peelee tʋɔŋ Mɩkɩmas lɛ nɛ.

1 SAMƲƐL 14:2

Sɔɔl fa hɔŋ Gɩbɩa pɔkɔŋ nyuŋ nɛ, tɩa kʋbala nɛnɛɛ sɩ nagɛ kampoiŋ bʋbʋɔŋ, a hɛ lee-la ba sɩɩ yɩrɛ Mɩgɩrɔŋ. Laalɩyuoroo zɔɔ-balɩdʋ nɛ fa hɛ ʋ teeŋ.

1 SAMƲƐL 25:19

Ŋɩɩ nɛ aŋ bʋla pɩ ʋ tɩntɩnnaa, “Má kaa laa sɩpaaŋ, mɩ jaŋ to harɩŋ a kɔ.” Ama ʋ bɩ wɩɩŋ deeŋ bʋla pɩ ʋ bala Nabal.