1 SAMƲƐL 13:6 - WƖA TENIŊ

⁶ Ba sɩɩ yuo laalɩŋ, Iziral tɩŋŋaa na dɩ ba tɔ ba laalɩyuoroo hɛ nɛ, leriŋ lɩma pɩba, ba dɔnsʋŋ jʋʋ faa bʋ-bʋɔsʋŋ lɛ, tɩɩ-lugunuŋ tʋɔŋ, bʋ-pɛgɩsɩŋ lɛ, buotuonuŋ tʋɔŋ, arɩ vilee tʋɔŋ.

1 SAMƲƐL 13:6 ပူးပေါင်းရင်းမြစ်များ

2 SAMƲƐL 24:14

Ŋɩɩ nɛ Devit bʋla pɩ Gad, “Mɩ tʋɔŋ chaasa chei nɛ. Leŋ dɩ la jʋʋ La TƖƖNA nɩsɩŋ, bɛɛ wɩaa ʋʋ fá nɩaa nenige nɛ woruŋ, ama sɩ́ leŋe dɩ la jʋʋ nuhuobiine nɩsɩŋ.”

AZAAYA 42:22

Ama ʋ nɩaa ŋaa nɩa ba sɩ yuo dii a kɛsɛ hɛ buotuonuŋ lɛ nɛ ba faa a nagɛ nɩaa ba kaa tɔ bɩnɩŋ dɩa ka nʋʋ tuo sɩ jaŋ laaba ta. Ba kɛmba mʋmʋ nɛ ka nʋʋ tuo sɩ jaŋ bʋl, “Má kɛmba mɩɩra kɔ.”

JƐRƖMAAYA 41:9

Vil-la lɛ ʋ sɩ joŋ nɩalɩŋ ʋ sɩ kpʋa a pɛ Gedalia lɛ a yuo hɛ fa ŋaa kuoro Asa kʋa nɛ. Ʋ nɛ luo bʋa-la lɛ Iziral kuoro Baasa sɩɩ yuou dɩ ʋ kaa pɔ laa ʋ tɩtɩa. Ŋɩɩ nɛ Nɛtanɩa nanʋala Ɩsɩmɛl paa nɩsʋʋnʋŋ a su ʋ kala.

ƐZƖKƖƐL 33:27

Bʋla pɩba arɩ mɩ-na ma TƖƖNA Wɩɩjarɩbakɔ ŋmɩɛsa: Nɩalɩŋ sɩ ka jikpeeni-la lɛ kala jaŋ sʋʋ laalɩŋ lɛ. Mɩ jaŋ leŋ dɩ baga kɩaa chaŋ nɩalɩŋ sɩ hɛ jeeŋ harɩŋ, nɩalɩŋ ma sɩ faa dɩ-duoruŋ arɩ bʋ-bʋɔsʋŋ lɛ, nyanyal bɔŋŋɔɔ jaŋ kpʋba.

Fɩlɩpa Nɩaa 1:23

Mɩ hɛ wɩaa deemba balɩa pɛgɛ nɛ. Mɩ fa cho nɛ woruŋ dɩ mɩ lɩɩ dʋnɩa deeŋ lɛ a mʋ Kirisito teeŋ. Ʋ nɛ kpɩa mɩ sɩ jaŋ hɛ dʋnɩa deeŋ lɛ.

Hiburu TƖŊŊAA 11:38

Dʋnɩa deeŋ fa bɩ zɔmɔ pɩ nɩalɩŋ. Ŋɩɩ nɛ ba lɩɩ a gɔllɔɔ tintee-hɩlɩŋ lɛ arɩ peelee nyuŋ, a fáa bʋ-bʋɔsʋŋ arɩ bʋɔsʋŋ tʋɔŋ nɛ.

JOSUA 8:20

Aɩ tɩmma-la sɩ gɛlɛ daasɛ harɩŋ, ba na dɩ nyʋɔsʋŋ ka sii ba jaŋ lɛ. Ama ba bɩ lee-kala na ba sɩ jaŋ fá to, bɛɛ wɩaa Iziral tɩmma-la fa sɩ fá a tʋʋlɛ tintee-hɩlɩŋ mɩɩra nɛ aa chemba.

SƖPAALAARAA 10:9

Amɔŋ tɩŋŋaa ma chol Jɔdaŋ fuo-la dɩ ba yuo Juda, Bɛnjamɩŋ arɩ Efirem doho nɩaa, hɛɛŋ chaasa jʋʋ Iziral tɩŋŋaa kala.

SƖPAALAARAA 20:41

Iziral tɩmma-la mɩɩra chicheŋ Bɛnjamɩŋ doho nɩalɩŋ. Fawʋllʋŋ kɛŋ Bɛnjamɩŋ doho nɩalɩŋ, bɛɛ wɩaa ba jɩma arɩ Iziral tɩŋŋaa jaŋ cheiba.

SƖPAALAARAA 6:2

A tɩŋ Midiaŋ tɩŋŋaa sɩ kɛŋ doluŋ aa dɔgɩsɛ Iziral tɩŋŋaa, ba fá jɩl peelee nyuŋ a faa bʋ-bʋɔsʋŋ arɩ leree dɔnsʋŋ.

1 SAMƲƐL 13:15

Ŋɩɩ nɛ Samʋɛl lɩɩ Gɩlɩgal lɛ a mʋ Gɩbɩa sɩ hɛ Bɛnjamɩŋ tinteeŋ, laalɩyuori kaana-la sii to Sɔɔl harɩŋ. Sɔɔl sɩ dɩɩsɛ laalɩyuoro-la fa sɩ hɛ ʋ teeŋ, ba ŋaa zɔɔ-balɩdʋ nɛ.

1 SAMƲƐL 14:11

Ŋɩɩ nɛ ba kala balɩa leŋ Fɩlɩsɩtɩa tɩmma-la sɩ hɔŋ sɛmɛ-la dɔŋɔ naba. Ba sɩ naba, ba bʋl, “Bee na, Iziral tɩmma-la nɛ gbiene lɩɩ bʋɔsʋ-la lɛ ba sɩ faa a kʋʋ lɩɩ ŋɩɩ.”

1 SAMƲƐL 14:22

Iziral tɩmma-la dɔnsʋŋ fa sɩ faa Efirem tintee-la peelee sɩ yʋga lɛ sɩ nɩa dɩ Fɩlɩsɩtɩa tɩŋŋaa ka fá nɛ, ba kala kʋ lɩɩ pɛ Iziral tɩŋŋaa lɛ. Ba chaasa kire to Fɩlɩsɩtɩa tɩŋŋaa harɩŋ.

1 SAMƲƐL 23:19

Ŋɩɩ nɛ Zɩf tɩŋŋaa dɔnsʋŋ sii mʋ Sɔɔl teeŋ Gɩbɩa lɛ, a bʋla pʋ, “Devit nɛ faa la tinteeŋ dɩ-duoruŋ lɛ, dundolo-la ba sɩɩ yɩrɛ Hakɩla lɛ a kpagɛ Hɔrɛs sɩ hɛ taŋ-la ba sɩɩ yɩrɛ Jɛsɩmɔŋ wɩɩpɔsʋŋ nadiiŋ dɩɩrɩŋ.

1 SAMƲƐL 24:3

Sɔɔl sɩ kʋ yi piesee dɩɩsɩ-la sɩ kpagɛ wombiiŋ, bʋ-bʋa kʋbala nɛ hɛ nɩmɛ, ʋ jʋʋ nɩmɛ dɩ ʋ togili, dɩ Devit arɩ ʋ nɩaa ma jʋʋ faa bʋ-bʋa-la tɩtɩa tʋɔŋ sɩpaaŋ dɩɩrɩŋ.

1 SAMƲƐL 31:7

Iziral tɩmma-la sɩ hɛ Jɛzɩrɛl fuonaaŋ lɛ arɩ nɩalɩŋ ma fa sɩ cholo hɛ Jɔdaŋ fuoŋ wɩɩjʋʋlʋŋ, sɩ na dɩ Iziral laalɩyuoroo kala fá a lɛl, ka Sɔɔl arɩ ʋ hambolibiisiŋ ma sʋʋ, ba lɩɩ fá kagɛ ba tasɩŋ lɛ. Ŋɩɩ nɛ Fɩlɩsɩtɩa tɩŋŋaa kʋ jʋʋ hɔŋ ba lɛ.

1 SAMƲƐL 7:7

Fɩlɩsɩtɩa tɩŋŋaa sɩ nɩa dɩ Iziral tɩŋŋaa hilimi Mɩzɩpa lɛ nɛ, ba kuorusu-la banɔŋ sii a kɛsɛ ba laalɩyuoroo mʋmʋ dɩ ba yuoba. Iziral tɩŋŋaa sɩ nɩɩ ba wɩaa, fawʋllʋŋ kɛmba.