1 SAMƲƐL 13:5 - WƖA TENIŊ

⁵ Fɩlɩsɩtɩa tɩŋŋaa sii hɛ dɔŋɔ dɩ ba yuo Iziral tɩmma-la, a kɛŋ laalɩyuori janɩŋ torukoba bʋɩ batori, ja-jɩllaa bʋɩ balɩdʋ, ka laalɩyuoroo paala yʋgɛ a nagɛ hagɩlɩ-bumbugulo sɩ pɩŋ mʋga niiŋ. Ba sii jɩla ŋmoo buguŋ Mɩkɩmas lɛ, Bɛf Avɛŋ wɩɩpɔsʋŋ dɩɩrɩŋ.

1 SAMƲƐL 13:5 ပူးပေါင်းရင်းမြစ်များ

WƖAA DƖ-SUOMUŊ 22:17

mɩ jaŋ pɛ ŋ lɛ a leŋ dɩ ŋ doho nɩaa pʋŋ a nagɛ chɛnwʋlaa, koo hagɩlɩ-bumbugulo sɩ hɛ mʋgʋ-balɩŋ niiŋ. Ŋ doho nɩaa jaŋ yuo laa ba dʋndɔŋŋɔɔ tinteeŋ.

2 SAMƲƐL 17:11

Wɩɩ-la mɩ-na sɩ jaŋ bʋl nɛ: Leŋ dɩ la yɩrɛ laalɩyuoro-la kala sɩ hɛ Iziral tinteeŋ lɛ, a chɩŋ Daŋ sɩ hɛ wɩɩpɔsʋŋ nagʋa dɩɩrɩŋ, a kaa mʋ Bɛɛsɩba ma sɩ hɛ wɩɩpɔsʋŋ nadiiŋ dɩɩrɩŋ, dɩ ba kala kʋ hɛ dɔŋɔ, dɩ ŋ laalɩyuoroo yʋgɛ a nagɛ hagɩlɩ-bumbugulo sɩ pɩŋ fuoŋ niiŋ, dɩ ŋ-na tɩtɩa Abɩsalɔm laa ba sɩpaaŋ a kɛmba mʋ laalɩŋ,

1 KUOROO 20:27

Dɩ Iziral tɩŋŋaa ma hɛ dɔŋɔ a nyɩgɩlɛ dɩ ba mʋ cheŋ Siiria tɩmma-la. Iziral tɩŋŋaa ŋmoo bugoo balɩa a chaasɛba, a nagɛ bʋʋnaa baŋmɛnɛ sɩ pɩna, ka Siiria tɩmma-la su leriŋ kala.

2 IZIRAL TƖŊŊAA NAABARƖŊ 1:9

Mɩ TƖƖNA Wɩa, leŋ dɩ nii-la ŋ sɩ hɛ pɩ mɩ nyɩmma Devit sɛnɛ chɩŋ, bɛɛ wɩaa ŋ leŋe mɩ dii kuoruŋ nɛ dɩ mɩ beŋ nɩ-daŋ nʋʋ sɩ bɩ jaŋ wuo dɩɩsɛ.

AZAAYA 10:28

Dʋndɔmɔ-la jʋʋ taŋ-la ba sɩɩ yɩrɛ Ayaf, ba to taŋ-la ba sɩɩ yɩrɛ Mɩgɩrɔŋ tʋɔŋ nɛ, ba joŋ ba kɩaa dɔnsʋŋ a bil taŋ-la ba sɩɩ yɩrɛ Mɩkɩmas lɛ nɛ.

AZAAYA 48:19

Ma doho nɩaa fa jaŋ yʋgɛ a nagɛ hagɩlɩ-biee nʋʋ sɩ bɩ jaŋ wuo dɩɩsɛ. Ba yɩrɩŋ fa bɩ jaŋ kɔ dɩ ʋ lɛlɛ mɩ teeŋ.

JƐRƖMAAYA 15:8

Mɩ jaŋ leŋ dɩ ba yo-haalaa faasa pʋrɩgɛ, a kɩɩ mʋgʋ-balɩŋ niiŋ hagɩlɩ-bumbugulo. Mɩ jaŋ kɛŋ nɩalɩŋ sɩɩ chei leriŋ kʋ hɛ ba lɛ wɩɩhɛɩ-siesee, dɩ ba kpʋ ba bapʋɔsɛ-biisiŋ, ka dɩ ba naamba bibeŋ. Mɩ jaŋ guu lɛrɛ tʋɔ-cheeŋ arɩ wɩaa sɩ faasa kɛŋ fawʋllʋŋ kɩŋkɛŋ a kʋ hɛ ba lɛ.

HOSIA 10:5

Nɩalɩŋ sɩ hɛ Samarɩa lɛ ka fá tɔŋ-la ba sɩ bile Bɛf Avɛŋ lɛ ʋ nagɛ nɛ-bie nɛ. Nɩalɩŋ sɩɩ to tɔŋ-la jaŋ yel ʋ wɩaa, ŋɩɩ tɩtɩa nɛ nɩalɩŋ sɩ kpʋ pʋsʋŋ pʋpʋ ma jaŋ ŋaa, nɩalɩŋ sɩɩ bigisi ʋ wɩaa, bɛɛ wɩaa ba kɛnʋ laa ba teeŋ nɛ a kaa mʋ yoŋ-baga.

HOSIA 4:15

Iziral tɩmma, ma sɩ ŋaa hachɔrʋŋ wɩalɩŋ, Juda nɩaa bɩ maga dɩ ba ŋaa ŋɩɩ, a laa cheeriŋ. Má sɩ́ Gɩlɩgal mʋ, má sɩ́ Bɛf Avɛŋ ma jɩl, a sɩ́ bʋl, ‘La ŋmɩɛsɛ La TƖƖNA.’

HOSIA 5:8

Má ŋmʋʋ banyile Gɩbɩa lɛ, a ŋmʋʋ nyile Rama ma lɛ. Má ŋaa laalɩyuori goŋ Bɛf Avɛŋ lɛ. Bɛnjamɩŋ, laa sɩpaaŋ dɩ la mʋ laalɩŋ.

Rom Tɩŋŋaa 9:27

Azaaya fa ŋaa Wɩa wʋlaabʋllʋ nɛ. Ʋ ma fa heele bʋl a tɩgɛ Iziral nɩaa lɛ a bʋl, “Dɩ Iziral tɩŋŋaa nɛ paala faasa yʋgɛ a nagɛ hagɩlɩ-bumbugulo sɩ pɩŋ mʋgʋ-balɩŋ niiŋ ma, ba tʋɔŋ nɩaa baŋmɛnɛ dʋndʋŋa nɛ Wɩa jaŋ laa ta,

JOSUA 11:4

Ba kʋ lɩɩ arɩ ba laalɩyuoroo kala arɩ janɩŋ arɩ ba janɩŋ torukoba, a yʋgɛ woruŋ a nagɛ hagɩlɩ-biee sɩ pɩŋ fuoŋ niiŋ.

JOSUA 18:12

Ba tinteeŋ wɩɩpɔsʋŋ nagʋa dɩɩrɩŋ bʋa nɛ a chɩŋ Jɔdaŋ fuo-la lɛ a joŋ ŋɩɩ mʋ Jeriko wɩɩpɔsʋŋ nagʋa dɩɩrɩŋ tintee-la sɩ chulloo tuu, a tʋʋlɛ ŋɩɩ a mʋ wɩɩjʋʋlʋŋ dɩɩrɩŋ a mʋ tintee-la peelee sɩ yʋga, a kʋ lɩɩ Bɛf Avɛŋ tintee-hɩlɩɩ-la.

JOSUA 7:2

Ŋɩɩ nɛ Josua tɩŋ baalaa ba lɩɩ Jeriko lɛ, a mʋ taŋ kʋbala baa yɩrɛ Aɩ, ʋ kpagɛ Bɛf Avɛŋ nɛ a hɛ Bɛtɛl wɩɩpɔsʋŋ. Ʋ sɩ, “Má mʋ a lʋara beŋ tintee-la.” Ŋɩɩ nɛ baala-la mʋ lʋara beŋ Aɩ tintee-la.

SƖPAALAARAA 7:12

Dɩ Midiaŋ tɩŋŋaa, Amalɛk tɩŋŋaa arɩ nɩalɩŋ dɔnsʋŋ kala sɩ lɩɩ wɩɩpɔsʋŋ dɩɩrɩŋ hɔnɔ su fuonaa-la kala a nagɛ hɔbɔ sɩ su leriŋ. Ba bʋntaŋŋaba ma yʋgɛ woruŋ a nagɛ hagɩlɩ-bumbugulo sɩ pɩŋ mʋgʋ-balɩŋ niiŋ, ŋ bɩ ba wuo dɩɩsɛ.

1 SAMƲƐL 13:11

Samʋɛl pɩɛsɛ, “Bɛɛ nɛ ŋ ŋaa ŋɩɩ?” Sɔɔl bʋl, “Mɩ na dɩ mɩ laalɩyuoro-la ka pɩsɛ nɛ, ka bʋa-la lɛ ŋ sɩ sɩ ŋ jaŋ kɔ, ŋ bɩ kɔ. Ka Fɩlɩsɩtɩa tɩŋŋaa ma kʋ hilimi Mɩkɩmas lɛ.

1 SAMƲƐL 13:2

Sɔɔl fa tʋɔsɛ Iziral laalɩyuoroo bʋɩ batori nɛ. Bʋɩ balɩa hɛ ʋ teeŋ Mɩkɩmas arɩ Bɛtɛl tintee-la peelee sɩ yʋga lɛ, ka bʋɩ ma hɛ ʋ nanʋala Jonataŋ teeŋ Gɩbɩa sɩ hɛ Bɛnjamɩŋ tinteeŋ lɛ, aŋ leŋ baala-la nɩkaanaa mɩɩra mʋ ba dɩɩsɩŋ.

1 SAMƲƐL 14:23

Tapʋlɩɩ-la La TƖƖNA chaasa laa Iziral tɩŋŋaa ta nɛ. Ba yuo laal-la ŋɩɩ nɛ deeŋ deeŋ a mʋ kieli taŋ-la ba sɩɩ yɩrɛ Bɛf Avɛŋ.

1 SAMƲƐL 14:52

Sɔɔl mɩɩsɩŋ kala lɛ, ʋ dɩ Fɩlɩsɩtɩa tɩŋŋaa chaasa yuo laalɩŋ nɛ woruŋ. Dɩ Sɔɔl nɛ na nɩduo koo bɔɩ-duo tɩɩna na-kala, ʋ yie kɛnʋ pɛ ʋ laalɩyuoroo lɛ nɛ.

1 SAMƲƐL 17:1

Fɩlɩsɩtɩa tɩŋŋaa laalɩyuoroo sii kʋ hilimi Juda tinteeŋ taŋ-la ba sɩɩ yɩrɛ Soko lɛ, dɩ ba mʋ yuo laalɩŋ a ŋmoo ba buguŋ Ɛfɩs Damɩm sɩ hɛ Soko arɩ lee-la ba sɩɩ yɩrɛ Azɩka pɛgɛ.

1 SAMƲƐL 7:13

Iziral tɩŋŋaa sɩ yuo dii Fɩlɩsɩtɩa tɩŋŋaa ŋɩɩ, ba bɩra bɩ ba tinteeŋ jʋa. Samʋɛl mɩɩsɩŋ kala lɛ, La TƖƖNA chaasa chɩŋ Iziral tɩŋŋaa harɩŋ nɛ woruŋ, ba wuo Fɩlɩsɩtɩa tɩŋŋaa.