1 SAMƲƐL 13:22 - WƖA TENIŊ

²² Tapʋlɩɩ-la ba sɩɩ yuo laalɩŋ, Iziral tɩŋŋaa laalɩyuoroo kʋbala ma bɩ tokobiiŋ koo tiŋ kɛnɛ. Sɔɔl arɩ Jonataŋ dʋndʋŋa nɛ kɛnɛ.

1 SAMƲƐL 13:22 ပူးပေါင်းရင်းမြစ်များ

ZƐKARƖYA 4:6

Ŋɩɩ nɛ ʋ bʋla pɩmɛ, “Wɩɩ-la La TƖƖNA sɩ bʋla pɩ Zerubabɛl nɛ ŋ-la: ‘Ŋ ballɩŋ lɛ dee koo ŋ doluŋ lɛ dee ŋ jaŋ yuo dii, ama mɩ-na Wɩa Dɩma lɛ nɛ ŋ jaŋ to yuo dii.’ La TƖƖNA doluŋ kala Tɩɩna nɛ bʋla.

2 Kɔrɩntɩ Nɩaa 4:7

La nagɛ pupoyee nɛ, Wɩa joŋ kʋzɔmʋŋ deeŋ a tʋɔlɛ la tʋɔŋ lɛ. Ŋ-la saa daga arɩ dol-bal-la ŋaa Wɩa kʋŋ nɛ. La dee bɩ ʋ tɩɩ.

SƖPAALAARAA 5:8

Iziral tɩŋŋaa sɩ kʋʋ to vesiŋ, laalɩŋ kʋ jʋʋba nɛ. Iziral nɩaa bʋɩ mahɩŋ balɩa tʋɔŋ, hɔɔtaalɩ-la laalɩyuoroo sɩ kaa kɛrɛɛ laa bayuori hɛŋŋɛɛ koo timiŋ kʋbala ma fa tuo ba teeŋ.

1 SAMƲƐL 13:21

Dɩ ba nɛ kpallɛ nɛsɩŋ pire koo piri-saa, ba yie laa warɩpʋla balɩa nɛ. Ka dɩ ba nɛ taa saa-balɩŋ koo sɩɩ-kɔrɔ, ba yie laa warɩpʋla kʋbala nɛ.

1 SAMƲƐL 17:47

Nɩalɩŋ kala sɩ hɛ daha jaŋ jɩŋ arɩ tokobiiŋ koo timiŋ dee La TƖƖNA kaa laa nɩaa tɩta. La TƖƖNA nɛ yie yuo didii ʋ dʋndɔŋŋɔɔ, ʋ jaŋ joŋ ma kala a hɛ la nɩsɩŋ lɛ.”

1 SAMƲƐL 17:50

Ŋɩɩ nɛ Devit yuo dii Fɩlɩsɩtɩa tɩɩna-la arɩ kpalɩŋ. Ʋ bɩ tokobiiŋ ma koro, aŋ yuo dii Golɩaf a kpʋʋ.