1 SAMƲƐL 13:14 - WƖA TENIŊ

¹⁴ Ama lɛɛlɛ ŋ doho nɩaa dee bɩra bɩ jaŋ didii kuoruŋ. La TƖƖNA lɩɩsɛ nʋʋ ʋ tʋɔŋ sɩ tɔrɛ ʋ nyuŋ nɛ, dɩ ʋ nɛ ŋaa ʋ nɩaa sɩpaalaara, bɛɛ wɩaa ŋ bɩ ʋ niiŋ lɛ to.”

1 SAMƲƐL 13:14 ပူးပေါင်းရင်းမြစ်များ

2 SAMƲƐL 5:2

Faafaa-la, Sɔɔl fa sɩ paala ŋaa la kuoro ma, ŋ nɛ ŋaa nɩɩ-la sɩ laa Iziral tɩŋŋaa sɩpaaŋ laalɩŋ lɛ. Ŋɩɩ nɛ La TƖƖNA bʋla pɩŋ, ‘Ŋ nɛ jaŋ ŋaa mɩ nɩaa Iziral tɩŋŋaa sɩpaalaara a bibemba, a nagɛ pie-daara sɩɩ beŋ ʋ piesee ŋɩɩ.’ ”

2 SAMƲƐL 6:21

Devit bʋla pʋ, “La TƖƖNA leŋ ŋ nyɩmma arɩ ʋ dɩa nɩaa kala ta nɛ, aŋ lɩɩsɛmɛ mɩ ŋaa Iziral tɩŋŋaa sɩpaalaara, ŋɩɩ nɛ tɩɩ mɩ gʋgʋa ʋ sɩpaaŋ ŋɩɩ.

2 KUOROO 20:5

“Mɩɩra mʋ bʋla pɩ mɩ nɩaa sɩpaalaara Hezikaaya arɩ mɩ-na ma TƖƖNA sɩ ŋaa ʋ naabalɩma Devit Wɩa sɩ, ‘Mɩ nɩɩ ŋ sʋla nɛ a na ŋ sɩlɩɩrɩŋ ma. Mɩ jaŋ leŋ dɩ ŋ duori. A lɩɩ jɩnɩŋ kaa mʋ tapʋlaa batori chɛɛŋ, ŋ jaŋ mɩɩra jʋʋ mɩ-na Wɩa dɩɩ-bal-la.

1 IZIRAL TƖŊŊAA NAABARƖŊ 10:13

Sɔɔl sʋba a tɩŋ ʋ sɩ bɩ wʋtɩtɩɩ kɛnɛ arɩ La TƖƖNA nɛ. Ʋ vɩa ʋ niiŋ nɛ aŋ mʋ vʋgʋra teeŋ dɩ ʋ chɛ na wɩaa lɛlɛɛ teeŋ,

WƖA YƖƖLAA 78:70

Ʋ lɩɩsɛ ʋ tɩntɩnna Devit, ʋ fa lɩɩsʋ piesee harɩŋ nɛ,

NAMAGABA 27:24

bɛɛ wɩaa dʋa bɩ jaŋ hɛ nɩmɛ deeŋ deeŋ. Nʋʋ bɩ jaŋ kuori a kaa mʋ wuu.

AZAAYA 39:5

Ŋɩɩ nɛ Azaaya bʋla pɩ Hezikaaya, “Jegile nɩɩ wɩɩ-la La TƖƖNA doluŋ kala Tɩɩna sɩ bʋla:

Tɩntɩŋŋaa 13:22

Ŋɩɩ nɛ Wɩa kiri Sɔɔl kuoruŋ lɛ aŋ ŋaa Devit dii kuoruŋ. Ʋ bʋl wɩaa a tɩgɛ Devit lɛ a bʋl, ‘Jesi nanʋala Devit nɛ ŋaa mɩ tʋɔtɔrʋ nɩa. Ʋ jaŋ ŋaa wɩɩkala mɩ sɩɩ chɛ dɩ ʋ ŋaa.’

Tɩntɩŋŋaa 7:46

Wɩa tʋɔŋ tɔrɛ Devit nyuŋ, ʋ sʋl Wɩa dɩ ʋ leŋ dɩ ʋ saa dɩjʋʋlʋŋ pɩ ʋ-na Wɩa sɩ ŋaa ʋ naabalɩma Jekɔb Wɩa.

Hiburu TƖŊŊAA 2:10

Kɩalɩŋ sɩ hɛ dʋnɩa lɛ, Wɩa nɛ ŋaaba a tɩɩba ma. Ʋ sɩɩ chɛ dɩ ʋ biiriŋ yʋgɛ kʋ jʋʋ ʋ kuorii-la tʋɔŋ, ʋ leŋe Yesu, nɩɩ-la sɩ jaŋ laaba ta na hɛɛŋ nɛ woruŋ.

1 SAMƲƐL 15:23

Dɩ ŋ nɛ vɩa ʋ niiŋ, ŋɩɩ ŋaa wʋbɔŋ nɛ a nagɛ nʋʋ sɩɩ vʋgʋ. Dɩ ŋ nɛ kɛŋ sɩɩ-duoŋ, ŋɩɩ ma ŋaa wʋbɔŋ nɛ ʋ teeŋ a nagɛ nʋʋ sɩɩ kpaarɛ vʋɩyaa. Ŋ sɩ bɩ La TƖƖNA niiŋ lɛ to ŋɩɩ, ʋ ma kiriŋ kuoruŋ lɛ nɛ.”

1 SAMƲƐL 15:26

Ama Samʋɛl bʋla pʋ, “Mɩ bɩ jaŋ to ŋ harɩŋ mʋ. Ŋ vɩa La TƖƖNA niiŋ nɛ, ʋ ma kiriŋ nɛ, ŋ bɩra bɩ Iziral tɩŋŋaa kuoru ŋaa.”

1 SAMƲƐL 15:28

Ŋɩɩ nɛ ʋ bʋla pɩ Sɔɔl, “Jɩnɩŋ, La TƖƖNA kɛŋ Iziral tinteeŋ kuoruŋ laa ŋ nɩsɩŋ lɛ nɛ arɩ doluŋ, a joŋo pɩ nʋʋ dɔŋ sɩ kpɩaŋ.

1 SAMƲƐL 16:1

Tapʋlɩɩ kʋbala La TƖƖNA pɩɛsɛ Samʋɛl, “Ɛɛ nɛ ŋ jaŋ leŋ dɩ ŋ tʋɔŋ chei Sɔɔl wɩaa a diene magɛ? Mɩ folo kiru nɛ, ʋ bɩra bɩ Iziral tɩŋŋaa kuoru ŋaa. Ŋaa nʋʋŋ a su loŋ, a mʋ Bɛtɩlɛhɛm. Baal kʋbala nɛ hɛ nɩmɛ baa yɩrɛ Jesi. Mʋ ʋ dɩa. Mɩ lɩɩsɛ ʋ hambolibiisiŋ dɔŋɔ nɛ dɩ ʋ dii kuoruŋ.”

1 SAMƲƐL 16:12

Jesi tɩŋ ba mʋ kɛnʋ kɔ. Ʋ fa ŋaa bapʋɔsɩ-fɩaŋ zɔŋ-bie nɛ, ʋ sɩɩ-biee ma kala tʋtʋl. Ŋɩɩ nɛ La TƖƖNA bʋla pɩ Samʋɛl, “Nɩɩ-la nɛ ŋɩɩ, joŋ Wɩɩsʋllɩ nʋʋŋ a tɩsɛ ʋ nyuŋ.”

1 SAMƲƐL 2:30

Ŋɩɩ wɩaa, mɩ-na ma TƖƖNA, Iziral tɩŋŋaa Wɩa sɩ: Mɩ fa bʋla pɩ ŋ dɩa nɩaa arɩ ŋ nyɩŋ-nɩaa, dɩ ba nɛ ŋaa Wɩɩsʋllɩ sɩpaalaaraa bʋa na-kala, ama lɛɛlɛ mɩ bʋla arɩ ŋɩɩ bɩra bɩ jaŋ chɩŋ. Nɩalɩŋ sɩɩ zilmi, mɩ ma jaŋ zilba, aŋ bɛrɛ nɩalɩŋ sɩ bɩ mɩ kaa tɩtɩŋ.

1 SAMƲƐL 24:20

Mɩ chaasa jɩŋ arɩ ŋ jaŋ dii kuoruŋ Iziral tinteeŋ lɛ, dɩ tintee-la wɩɩkala chɩŋ woruŋ ŋ nɩsɩŋ lɛ.

1 SAMƲƐL 25:30

Dɩ La TƖƖNA nɛ pɛ mɩ nɩhɩaŋ lɛ, a ŋaa wʋzɔŋŋɔɔ deemba kala pʋ arɩ ʋ sɩ hɛ niiŋ ŋɩɩ pʋ, a ŋaa dɩ ʋ dii kuoruŋ Iziral tinteeŋ lɛ,

1 SAMƲƐL 9:16

“Chie bʋa deeŋ lɛ, mɩ jaŋ leŋ dɩ baal kʋbala lɩɩ Bɛnjamɩŋ doho nɩaa tʋɔŋ a kɔ. Dɩ ʋ nɛ kɔ, joŋ Wɩɩsʋllɩ nʋʋŋ tɩsʋ, dɩ ʋ ŋaa mɩ nɩaa Iziral tɩŋŋaa sɩpaalaara. Ʋ nɛ jaŋ laa mɩ nɩaa ta Fɩlɩsɩtɩa tɩŋŋaa nɩsɩŋ lɛ. Mɩ na hɛɛ-la mɩ nɩaa sɩɩ na nɛ, a nɩɩ ba nii-ŋmobo ma.”