1 SAMƲƐL 12:9 - WƖA TENIŊ

⁹ Ama ma naabalɩmaba yʋ ba TƖƖNA Wɩa wɩaa nɛ. Ŋɩɩ nɛ La TƖƖNA leŋ Fɩlɩsɩtɩa tɩŋŋaa arɩ Mʋab tɩŋŋaa kuoro arɩ Hazɔ tɩŋŋaa laalɩyuori-hɩaŋ ba sɩɩ yɩrɛ Sɩsɛra yuo diiba.

1 SAMƲƐL 12:9 ပူးပေါင်းရင်းမြစ်များ

2 SAMƲƐL 7:11

bʋa-la lɛ mɩ fa sɩ lɩɩsɛ sɩpaalaaraa ba bibemba. Mɩ sɩ mɩ jaŋ leŋ dɩ ma wiesi ma dʋndɔŋŋɔɔ kala nɩsɩŋ lɛ. Mɩ-na ŋ TƖƖNA tɩtɩa nɛ bʋla pɩŋ arɩ mɩ jaŋ leŋ dɩ ŋ dɩa chaasa chɩŋ woruŋ.

WƖA YƖƖLAA 106:21

Ba yʋ ŋ-na Wɩa sɩ ŋaa wʋkpuŋkperisiŋ, Ijipiti tinteeŋ lɛ a laaba ta wɩaa nɛ.

AZAAYA 63:10

Ka ba vɩa ʋ niiŋ, aŋ ŋaa Wɩa Dɩŋ-zɔmʋŋ tʋɔŋ chei. Ŋɩɩ nɛ ʋ bɩrɩmɛ ba dʋndɔŋ a tɩtɩa sii chɩŋ ba lɛ a yuoba.

JƐRƖMAAYA 2:32

Hatolo jaŋ wuo yʋ ʋ yaraa kpɩɛraa lɛɛ, koo ha-falɩŋ jaŋ wuo yʋ ʋ ha-fal-gɛrɩŋ laalɩŋ? Ama mɩ nɩaa paala yʋ mɩ wɩaa nɛ a dieni.

MOSIS BƖRA WULLI WƖA WOMBIIŊ 32:18

Ma vɩa ma nyɩmma Wɩa sɩ dolie a nagɛ bʋŋ nɛ, ma yʋ Wɩa sɩ ŋaama wɩaa nɛ.

MOSIS BƖRA WULLI WƖA WOMBIIŊ 32:30

Bɛɛ nɛ tɩɩ nɩbala wuo kiri Iziral tɩŋŋaa bʋɩ? Koo nɩaa balɩa yuo a dii Iziral tɩŋŋaa bʋɩ fii? Dɩ mɩ-na ba TƖƖNA sɩ kɛŋ doluŋ dee bɩ ba joŋo pa koo dɩ mɩ-na ba Wɩa dee bɩ ba harɩŋ mɩɩra, nʋʋ bɩ wɩɩ wuo ŋaa.

SƖPAALAARAA 10:7

ʋ na baanɩŋ ba nyuŋ, a jomba hɛ Fɩlɩsɩtɩa tɩŋŋaa arɩ Amɔŋ tɩŋŋaa nɩsɩŋ lɛ.

SƖPAALAARAA 13:1

Iziral tɩŋŋaa bɩra ŋaa wʋbɔŋŋɔɔ La TƖƖNA teeŋ, ʋ jomba a hɛ Fɩlɩsɩtɩa tɩŋŋaa nɩsɩŋ lɛ jɩsɩŋ mahɩŋ balɩa.

SƖPAALAARAA 2:14

La TƖƖNA sɩ na baanɩŋ Iziral tɩŋŋaa nyuŋ ŋɩɩ, ʋ jomba hɛ laalɩyuoroo nɩsɩŋ lɛ, ba yuoba a paa ba kɩaa kala. Ʋ jomba hɛ ba dʋndɔmɔ-la kala sɩ golliba nɩsɩŋ lɛ nɛ, nɩalɩŋ nɩsɩŋ lɛ ba sɩ bɩ wuo fori.

SƖPAALAARAA 3:12

Iziral tɩŋŋaa bɩra ŋaa wʋbɔŋ kʋbala La TƖƖNA teeŋ. A tɩŋ wʋbɔŋ-la wɩaa, La TƖƖNA leŋ Mʋab kuoro Ɛgɩlɔŋ kɛŋ doluŋ a kɩɩ Iziral tɩŋŋaa.

SƖPAALAARAA 3:31

Sɩpaalaarʋ-la ma sɩ kɔ Ehud harɩŋ nɛ Samɩga, Anaf nanʋala. Ʋ ma laa Iziral tɩŋŋaa ta nɛ. Ʋ kɛŋ nɛ-daarɩ-daaŋ a kpʋ Fɩlɩsɩtɩa tɩŋŋaa zɔɔ-balɩdʋ nɛ.

SƖPAALAARAA 4:2

Ŋɩɩ nɛ La TƖƖNA leŋ Kɛnaŋ tɩŋŋaa kuoro Jabɩŋ sɩ hɛ Hazɔ lɛ aŋ bibemba yuo dii Iziral nɩaa. Ʋ laalɩyuoroo nɩhɩaŋ ma nɛ fa ŋaa Sɩsɛra a hɛ taŋ-la ba sɩɩ yɩrɛ Harɔsɛf Hagoyim lɛ.

1 SAMƲƐL 12:15

Ama dɩ ma nɛ bɩ La TƖƖNA niiŋ to, aŋ chichei wɩalɩŋ ʋ sɩ daga, ʋ jaŋ dɔgɩsɛ ma dɩ ma kuoru-la kala arɩ ʋ fa sɩ dɔgɩsɛ ma nyɩmmaba ŋɩɩ.