1 SAMƲƐL 12:2 - WƖA TENIŊ

² Lɛɛlɛ ma kɛŋ kuoro nɛ dɩ ʋ laa ma sɩpaaŋ. Mɩ-na hɩɛsa nɛ, mɩ nyuŋ kala pʋllɛ. Mɩ kɛŋ biiriŋ nɛ ma tʋɔŋ. Mɩ hambiiriŋ kala lɛ nɛ mɩ ŋaa ma sɩpaalaarʋ, a kaa kʋ yi jɩnɩŋ.

1 SAMƲƐL 12:2 ပူးပေါင်းရင်းမြစ်များ

WƖA YƖƖLAA 71:18

Mɩ Wɩa, mɩ hɩɛsa nɛ, mɩ nyuŋ pʋllɛ, sɩ́ mɩ vɩa ta. Leŋ dɩ mɩ ha heele bʋl ŋ dol-bal-la wɩaa a pɩ nɩalɩŋ ba ha sɩ jaŋ lʋl.

NAMBABA 27:17

a kɛmba mʋmʋ laalɩŋ. La Tɩɩna, ŋ nɩaa bɩ maga dɩ ba nagɛ piesee sɩ bɩ pie-daara kɛnɛ.”

2 Timoti 4:6

Bʋa-la lɛ Wɩa sɩ jaŋ laa mɩ mɩɩsɩŋ yie nɛ.

JOSUA 23:1

Wɩaa deemba kala sɩ ŋaa bal harɩŋ, La TƖƖNA laa Iziral tɩŋŋaa ta ba dʋndɔmɔ-la sɩ golliba nɩsɩŋ lɛ ba wiesi. Bʋa-la lɛ dɩ Josua fa hɩɛsa nɛ woruŋ.

JOSUA 23:2

Ŋɩɩ nɛ ʋ yɩrɛ Iziral tɩŋŋaa nɩhɩasɩŋ, ba sɩpaalaaraa, ba sarɩya diiree arɩ ba tɩntɩnnɩ-hɩasɩŋ a hilimi a bʋla pɩba: “Mɩ hɩɛsa nɛ woruŋ lɛɛlɛ.

2 Pɩɩta 1:14

bɛɛ wɩaa mɩ jɩma arɩ mɩ bɩ jaŋ dieni dʋnɩa deeŋ lɛ. La Tɩɩna Yesu Kirisito tɩtɩa bʋl wɩɩŋ deeŋ pɩmɛ nɛ.

1 SAMƲƐL 2:22

Eli fa hɩɛsa nɛ woruŋ, ŋɩɩ nɛ ʋ nɩɩ wɩalɩŋ kala ʋ hambolibiisiŋ sɩ joŋo ŋaa Iziral tɩŋŋaa lɛ, arɩ ŋɩɩ ba sɩ kɛŋ haala-la sɩɩ tɩŋ lɛbɩ-la lɛ La TƖƖNA sɩ yie kɔ Iziral tɩŋŋaa teeŋ boiŋ niiŋ pɩpɩŋ.

1 SAMƲƐL 2:29

Bɛɛ nɛ saa tɩɩ ma kɛŋ mɩ Wɩɩsʋlʋŋ kɩalɩŋ mɩ sɩ daga dɩ ba kaa kɔ mɩ Dɩ-zɔŋ-la lɛ ŋmuŋmoo gbɛɛŋ? Bɛɛ nɛ tɩɩ ŋ zil ŋ hambolibiisiŋ a kɩɩmɛ, a leŋ ba dii Iziral tɩŋŋaa Wɩɩsʋlʋŋ kɩalɩŋ lere-la sɩ kɛŋ nʋʋraa a nɛrɛ nɛrɛ?

1 SAMƲƐL 3:10

La TƖƖNA bɩra kɔ a yɩrʋ arɩ ʋ sɩ vɛnɛɛ ŋaa ŋɩɩ, “Samʋɛl! Samʋɛl!” Ŋɩɩ nɛ Samʋɛl bʋl, “Bʋl wɩɩ-la ŋ sɩ kɛnɛ, mɩ-na ŋ tɩntɩnna ka jegili nɛ.”

1 SAMƲƐL 3:13

Mɩ fa bʋla pʋ arɩ mɩ jaŋ dɔgɩsɛ ʋ dɩa nɩaa a kaa mʋ wuu, a tɩŋ wʋbɔŋ-la ʋ biiriŋ sɩ ŋaa, ʋ jɩŋ aŋ bɩ ba kire.

1 SAMƲƐL 3:16

Ŋɩɩ nɛ Eli yɩrʋ a bʋl, “Mɩ nanʋala Samʋɛl.” Ʋ sɩ, “Namɛ.”

1 SAMƲƐL 8:1

Samʋɛl sɩ kʋ hɩɛsɛ, ʋ lɩɩsɛ ʋ hambolibiisiŋ nɛ ba ŋaa Iziral tɩŋŋaa sɩpaalaaraa.

1 SAMƲƐL 8:20

Laa chɛ kuoro nɛ dɩ ʋ bibenla a laa la sɩpaaŋ a kɛnla mʋ dɩ la yuyuo laalɩŋ, dɩ la ma nagɛ tinteye-la dɔnsʋŋ.”

1 SAMƲƐL 8:3

Ama ʋ biiriŋ deemba wʋŋaalaa fa bɩ ba nyɩmma wombiee lɛ to. Ba mɩɩra chɩl kɩaa wɩaa nɛ, aa gʋrɛ nɩaa, a lɩlaa kpalaa a bɩ wʋtɩtɩɩ ka bʋl.

1 SAMƲƐL 8:5

a bʋla pʋ, “Ŋ hɩɛsa nɛ, ka ŋ biiriŋ wʋŋaalaa bɩ ŋ wombiee lɛ ka to, ŋɩɩ wɩaa lɩɩsɛ kuoro pɩla dɩ ʋ laa la sɩpaaŋ arɩ tinteye-la dɔnsʋŋ kala sɩ kɛŋ kuoroo ŋɩɩ.”