1 SAMƲƐL 11:7 - WƖA TENIŊ

⁷ Ʋ kɛsɛ nɛ-belliŋ balɩa, a kaa keri muno muno, a paa tɩŋ nɩaa ba kaa gɔllɛ Iziral tinteeŋ kala, a heele bʋl, “Nɩɩ-la kala sɩ jaŋ vɩa dɩ ʋ to Sɔɔl arɩ Samʋɛl harɩŋ a mʋ laalɩŋ, ŋɩɩ Sɔɔl sɩ ŋaa ʋ nɛ-belliŋ, ŋɩɩ tɩtɩa nɛ ba jaŋ joŋo ŋaa nɩɩ-la ma nɛ-belliŋ lɛ.” Ŋɩɩ nɛ La TƖƖNA leŋ fawʋllʋŋ faasa kɛŋ Iziral tɩŋŋaa, ba kala sii kʋ hɛ dɔŋɔ a ŋaa nii-bala.

1 SAMƲƐL 11:7 ပူးပေါင်းရင်းမြစ်များ

WƖAA DƖ-SUOMUŊ 35:5

Ba sɩ sie a mʋmʋ, Wɩa leŋ fawʋllʋŋ jʋʋ tasɩ-la kala fa sɩ golli lee-la chu nɩaa, ba kʋŋkala bɩ ba harɩŋ kire.

2 IZIRAL TƖŊŊAA NAABARƖŊ 14:14

Nɩalɩŋ sɩ hɛ tabiisi-la ma kala sɩ golli Gɛra sɩ nɩɩ ŋɩɩ, fawʋllʋŋ kɛmba a tɩŋ La TƖƖNA wɩaa. Ŋɩɩ leŋ Juda laalɩyuoroo wuo mʋ yuo diiba mɔlɩɩ a paa ba kʋzɔmɔ-la kala ba sɩɩ chɛ tasɩ-la lɛ a kaa viiri.

2 IZIRAL TƖŊŊAA NAABARƖŊ 17:10

La TƖƖNA fa leŋe fawʋllʋŋ kɛŋ nɩalɩŋ sɩ hɛ tinteye-la sɩ golli Juda nɛ, ŋɩɩ nɛ tɩɩ ba bɩ kuoro Jehosafat kaa yuo laalɩŋ.

2 IZIRAL TƖŊŊAA NAABARƖŊ 19:7

Má fá La TƖƖNA, a fɩɛlɛ ma sɩaa a didii sarɩya. La TƖƖNA Wɩa bɩ chɛ dɩ ma kɛŋ wʋtɩtɩɩ bɩrɩmɛ, ʋ bɩ chɛ dɩ ma kɛŋ nɩaa kaa pɔrɛ koo a lɩlaa kpalaa nɩaa teeŋ.”

AZAAYA 8:13

Mɩ-na ma TƖƖNA doluŋ kala Tɩɩna dʋndʋŋa nɛ ŋaa nɩɩ-la sɩ bɩ disiniŋ kɛnɛ. Mɩ dʋndʋŋa nɛ maga dɩ ma fɩfá.

SƖPAALAARAA 19:29

Ʋ sɩ mʋ yi dɩa, ʋ joŋ sɩa a kɛŋ ʋ haal-la ʋ sɩ bile aŋ bɩ jaa kʋsʋʋŋ keri nandaasɩŋ fii arɩ balɩa, a kpaa Iziral doho doho-la kala.

SƖPAALAARAA 20:1

Ŋɩɩ nɛ Iziral tɩŋŋaa kala, a chɩŋ Daŋ doho nɩaa sɩ hɛ wɩɩ-pɔnʋŋ nagʋa a kaa mʋ Bɛɛsɩba wɩɩpɔsʋŋ nadiiŋ, arɩ Gɩlɩad tinteeŋ nɩaa, ba kala lɩɩ hɛ dɔŋɔ a ŋaa nii-bala a hilimi La TƖƖNA sɩpaaŋ Mɩzɩpa lɛ.