1 SAMƲƐL 11:11 - WƖA TENIŊ

¹¹ Tɩtaŋ-la Sɔɔl kɛŋ ʋ nɩaa a kpaa leree batori. Sɩɩ-pʋʋraa ba guu jʋʋ Amɔŋ tɩmma-la dɩhɔnʋŋ, a kpʋba ŋɩɩ halɩɩ a mʋ yi wɩɩ-hɛɛ-siesee. Ba nɩalɩŋ sɩ ka fá pɩsɛ tintee-la lɛ, ŋ bɩ jaŋ na nɩaa balɩa ma dɩ baa to dɔŋɔ.

1 SAMƲƐL 11:11 ပူးပေါင်းရင်းမြစ်များ

WƖAA DƖ-SUOMUŊ 22:14

Abɩraham hɛ lee-la yɩrɩŋ ‘Wɩa nɛ jaŋ chɛ pɩmɛ (Jehova Jire)’. Arɩ jɩnɩŋ kala lee-la yɩrɩŋ nɛ ha ŋɩɩ: “Peel-la nyuŋ Wɩa jaŋ chɛ pɩŋ.”

2 SAMƲƐL 18:2

Ʋ kɛŋ laalɩyuoro-la kala kpaa leree batori nɛ. Jʋab laa dɔnsʋŋ sɩpaaŋ, Jʋab naambie Abɩsaɩ, Zeruya nanʋala ma laa dɔnsʋŋ sɩpaaŋ, ka Ɩtaɩ, Giti tɩɩna-la ma laa dɔnsʋŋ sɩpaaŋ. Kuoro Devit fa bʋla pɩba, “Mɩ tɩtɩa jaŋ to ma harɩŋ a mʋ laal-la.”

WƖA YƖƖLAA 46:1

Wɩa nɛ ŋaa la dɩɩ-duoŋ arɩ la doluŋ. Ʋ kɛŋ ʋ tɩtɩa hɛ dɔŋɔ nɛ dɩ ʋ pɛ la lɛ bʋa na-kala dɩ wɩaa nɛ jʋʋla.

MOSIS KƐŊ IZIRAL TƖŊŊAA LƖƖ 14:24

Sɩɩpʋʋraa, La TƖƖNA to duoŋ-bɩlɩmbaaŋ-la sɩ nagɛ jebiiŋ aŋ kɛŋ nyiniŋ lɛ, a na Ijipiti tɩŋŋaa laalɩyuoroo a ŋaa ba wɩɩkala vʋgʋmɛ.

Matiu 7:2

Wɩa jaŋ dii ma sarɩya arɩ ŋɩɩ tɩtɩa ma sɩɩ ŋaa ma dɔnsʋŋ tɩŋŋaa lɛ. Ŋɩɩ ma sɩ joŋo to ma dɔnsʋŋ tɩŋŋaa lɛ, ŋɩɩ tɩtɩa nɛ Wɩa ma jaŋ joŋo to ma lɛ.

Jeems 2:13

Dɩ nʋʋ nɛ bɩ nɩaa nenige ka fá, Wɩa ma bɩ jaŋ fá tɩɩna nenige bʋa-la lɛ ʋ sɩ jaŋ didii nɩaa sarɩya. Ama nɩɩ-la sɩ fá nɩaa nenige bɩ jaŋ fá wɩɩkala sarɩya-la chɛ-diiliŋ.

SƖPAALAARAA 1:7

Bɛzɛk kuoro bʋl, “Mɩ keri kuoroo mahɩŋ batori arɩ fii nenii-baalaa arɩ naanii-baalaa nɛ, ka ba gbiene paa kʋdii-munoo mɩ teebʋl bʋbʋɔŋ. Lɛɛlɛ Wɩa joŋ wɩɩ-la mɩ sɩ ŋaa ba lɛ chɩmɩŋ nɛ a tiŋ mɩ lɛ.” Ŋɩɩ nɛ ba kɛnʋ kaa mʋ Jerusalɛm, ʋ sʋʋ nɩmɛ.

SƖPAALAARAA 4:16

Barak laalɩyuoroo kire to Sɩsɛra janɩŋ torukoba arɩ ʋ laalɩyuoroo harɩŋ a mʋ yi taŋ-la ba sɩɩ yɩrɛ Harɔsɛf Hagoyim, a kpʋ Sɩsɛra laalɩyuoroo kala, kʋbala ma bɩ ka.

SƖPAALAARAA 7:16

Gɩdɩɔŋ kɛŋ ʋ laalɩyuoro-la zɔɔ-batori a kpaa leree batori, a joŋ banyilliŋ arɩ tagɩ-wuoloo a joŋ tʋʋ-diiri kapɩlaa arɩ nyiniŋ hɛ ba tʋɔŋ a pɩ ba kʋŋkala.

SƖPAALAARAA 7:20

Gɩdɩɔŋ laalɩyuori-kaana-la bʋbʋɔ-bugoo balɩa ma ŋmʋʋ banyilli-la ba sɩ koro ba nadiiŋ nɩsaa lɛ. Ŋɩɩ nɛ aŋ joŋ tagɩsɩ-la ba ma sɩ koro yaga yɛrɛ, aŋ kori tʋʋ-diiri kapɩla-la arɩ nyiniŋ ba nagʋa nɩsaa lɛ, aŋ kala ŋaa goŋ a bʋl, “Má yuo laalɩŋ pɩ La TƖƖNA, má yuo laalɩŋ pɩ Gɩdɩɔŋ.”

SƖPAALAARAA 9:43

Ʋ sii kɛŋ ʋ laalɩyuoroo kpaa leree batori ba lɩɩ faa pɔkɔŋ nyuŋ a gbɛrɛ. Ba sɩ na nɩalɩŋ dɩ ba lɩɩ taŋ tʋɔŋ a kʋkɔ, ba sii lere-la ba sɩ faa dɩ ba yuoba.

1 SAMƲƐL 11:2

Nahas bʋl, “Dɩ ma nɛ jaŋ sɛɩ dɩ mɩ chaarɛ ma nadiiŋ sɩaa, a hɛ ma Iziral tɩŋŋaa kala hɩɩsɩŋ, mɩ jaŋ leŋ dɩ la hɛ niiŋ pɩ dɔŋɔ.”

1 SAMƲƐL 14:47

Sɔɔl sɩ kʋ dii kuoruŋ Iziral tinteeŋ lɛ harɩŋ, ʋ chaasa yuo ba dʋndɔŋŋɔɔ sɩ hɛ lee na-kala nɛ: Mʋab tɩŋŋaa, Amɔŋ tɩŋŋaa, Ɛdɔm tɩŋŋaa, Zoba tɩŋŋaa kuoroo arɩ Fɩlɩsɩtɩa tɩŋŋaa. Dɩ ʋ nɛ joŋ ʋ sɩaa chaasɛ lee-kala, ʋ yie yuo dii ba nɛ.