1 SAMƲƐL 10:6 - WƖA TENIŊ

⁶ La TƖƖNA Dɩma-la jaŋ jʋʋ ŋ ma arɩ doluŋ, dɩ ŋ pɛ ba lɛ a bʋbʋl wɩaa Wɩa doluŋ lɛ. Ʋ jaŋ leŋ dɩ ŋ bɩrɩmɛ nɩwogo.

1 SAMƲƐL 10:6 ပူးပေါင်းရင်းမြစ်များ

NAMBABA 11:17

Mɩ jaŋ kʋ tuu ŋ teeŋ nɩmɛ a bʋl wɩaa pɩŋ, aŋ lɩɩsɛ Dɩma-la mɩ sɩ joŋo hɛ ŋ lɛ mʋa a hɛ ba lɛ, dɩ ba laa nɩalɩŋ wʋwalɩmɩa-la dɔnsʋŋ, dɩ ʋ bɩra sɩ́ ŋ dʋndʋŋa chʋga ŋaa.

NAMBABA 11:25

Ŋɩɩ nɛ La TƖƖNA to duoŋ-bɩlɩmbaanɩŋ lɛ kʋ tuu a bʋl wɩaa Mosis teeŋ, aŋ lɩɩsɛ Dɩma-la sɩ hɛ Mosis lɛ mʋa, a hɛ nɩhɩasɩ-la mahɩŋ batori arɩ fii lɛ. Ʋ sɩ ŋaa ŋɩɩ, ba suomo bʋbʋl wɩaa a nagɛ Wɩa wʋlaabʋllaa. Ama ba bɩ ŋɩɩ ŋaa dieni.

NAMBABA 11:26

Nɩhɩasɩ-la mahɩŋ batori arɩ fii-la tʋɔŋ, baalaa balɩa ma nɛ fa hɛ nɩmɛ, dɔŋɔ yɩrɩŋ nɛ Elidad, dɔŋɔ ma yɩrɩŋ nɛ Mɛdad. Ba-na fa bɩ lɛbɩ-la bʋbʋɔŋ mʋa, aŋ hɛ ba dɩ-hɔnɩɩ-la lɛ. Ba hɔŋ nɩmɛ nɛ aŋ ka Dɩma-la pɛ jʋʋba, ba ma bʋl wɩaa a nagɛ Wɩa wʋlaabʋllaa.

NAMBABA 11:29

Ŋɩɩ nɛ Mosis pɩɛsʋ, “Mɩ wɩaa ka wɩɩŋ nɛɛ? Mɩ-na tʋɔtɔrʋŋ nɛ dɩ La TƖƖNA fa joŋ ʋ Dɩma-la a hɛ ʋ nɩaa kala lɛ dɩ ba ŋaa ʋ wʋlaabʋllaa.”

Matiu 7:22

Dɩ Wɩa sarɩya chɛ-diiliŋ nɛ yie, nɩaa jaŋ yʋgɛ a bʋl, ‘La Tɩɩna, La Tɩɩna, la bʋl Wɩa wɩaa a pɩ nɩaa ŋ yɩrɩŋ lɛ aŋ kiri jɩnsɩŋ ma nɩaa lɛ ŋ yɩrɩŋ lɛ, a ŋaa wʋmagɩlaa ma yʋgɛ ŋ yɩrɩŋ lɛ.’

SƖPAALAARAA 14:6

La TƖƖNA Dɩma kʋ jʋʋ Samɩsɩŋ a pʋ doluŋ ʋ kɛŋ naachigi-la pʋɔsɛ arɩ nɩsɩŋ, a nagɛ bʋ-bie. Ama ʋ bɩ wɩɩ-la ʋ sɩ ŋaa bʋla pɩ ʋ nyɩmma arɩ ʋ naaŋ.

SƖPAALAARAA 15:14

Ba sɩ kʋ yi Lehi, Fɩlɩsɩtɩa tɩŋŋaa chaasʋ a kʋkɔ aŋ ŋɩŋaa goŋ. La TƖƖNA Dɩma kʋ jʋʋ Samɩsɩŋ a pʋ doluŋ. Ŋmɛsɩ-la sɩ vɔɔ ʋ nɩsaa lɛ, guu nagɛ bɔɔŋ vɔɔlɔ, ʋ kaa kɛrɛ ta.

SƖPAALAARAA 3:10

Wɩa Dɩma kʋ jʋʋ Ofiniel ʋ ŋaa Iziral tɩŋŋaa sɩpaalaarʋ a kɛmba mʋ laalɩŋ. La TƖƖNA joŋ Aram kuoro Kusaŋ-Risatem a hɛ Ofiniel nɩsɩŋ lɛ ʋ yuo diiu.

1 SAMƲƐL 10:10

Sɔɔl arɩ ʋ tɩntɩnnʋ-la sɩ mʋ yi Gɩbɩa, Wɩa wʋlaabʋllaa pʋɔlɛ a kʋ chemu. Wɩa Dɩma-la kʋ jʋʋ Sɔɔl arɩ doluŋ woruŋ, ʋ ma pɛ ba lɛ ba bʋbʋl wɩaa Wɩa doluŋ lɛ.

1 SAMƲƐL 10:9

Sɔɔl sɩ lɩɩ Samʋɛl leriŋ dɩ ʋ mʋ, Wɩa kɛŋ Sɔɔl tʋɔbɩɩnaa bɩrɩmɛ ʋ ŋaa nɩwogo. Wɩalɩŋ kala sɛnɛ ŋaa tapʋlɩɩ-la arɩ ŋɩɩ Samʋɛl sɩ bʋla.

1 SAMƲƐL 11:6

Sɔɔl sɩ nɩɩ wɩalɩŋ, Wɩa Dɩma kʋ jʋʋ-ʋ arɩ doluŋ, ʋ baanɩŋ faasa sii.

1 SAMƲƐL 16:13

Samʋɛl joŋ loŋ arɩ nʋʋŋ a wansa tɩsʋ ʋ naambiiri-la kala sɩpaaŋ. A chɩŋ tapʋlɩɩ-la a kaa mʋ, La TƖƖNA Dɩma kʋ hɛ Devit lɛ a pʋ doluŋ. Ŋɩɩ harɩŋ Samʋɛl mɩɩra mʋ Rama.

1 SAMƲƐL 19:20

Ŋɩɩ nɛ ʋ hɛ nɩaa dɩ ba mʋ kɛnʋ. Ba sɩ mʋa, ba na Wɩa wʋlaabʋllaa dɩ ba hilime a bʋbʋl wɩaa Wɩa doluŋ lɛ. Samʋɛl hɛ nɩmɛ a ŋaa ba sɩpaalaara. Ŋɩɩ nɛ Wɩa Dɩma kʋ jʋʋ nɩalɩŋ Sɔɔl sɩ tɩma, ba ma bʋbʋl wɩaa Wɩa doluŋ lɛ.