1 SAMƲƐL 10:5 - WƖA TENIŊ

⁵ Ŋɩɩ harɩŋ lɛ, ŋ jaŋ jɩl Wɩa dundolo-la sɩ hɛ Gɩbɩa lɛ, nɩmɛ nɛ Fɩlɩsɩtɩa tɩŋŋaa laalɩyuoroo buguŋ hɛ. Dɩ ŋ nɛ kʋʋ kpagɛ taŋ-la, ŋ jaŋ cheŋ Wɩa wʋlaabʋllaa dɩ ba pʋɔla a lɩɩ dundolo-la nyuŋ ba sɩɩ ŋaa Wɩɩsʋlʋŋ a kʋʋ tuu, ka nɩaa dudu kɔnɛba, aa chɩgɩsɛ chɩnchɩgɩsɩŋ, a ŋmʋʋ ŋmʋlaa, a du chenniŋ hɛ a laa ba sɩpaaŋ. Ba jaŋ bʋbʋl wɩaa Wɩa Dɩma doluŋ lɛ.

1 SAMƲƐL 10:5 ပူးပေါင်းရင်းမြစ်များ

1 KUOROO 18:29

Ba ŋaa ŋɩɩ nɛ deeŋ deeŋ a mʋ yi dɩdaanɩŋ Wɩɩsʋlʋŋ ŋaanɩŋ bʋa, aŋ bɩ wɩɩkala nɩa.

2 KUOROO 2:15

Wɩa wʋlaabʋlla-la mahɩŋ balɩa arɩ fii sɩ lɩɩ Jeriko sɩ chɩŋ nɩmɛ a bibenu bʋl, “Wɩa Dɩma-la sɩ hɛ Ɩlaaja lɛ lɩɩ jʋʋ Elaasa nɛ.” Ŋɩɩ nɛ ba mʋ chemu a kpirimi ʋ sɩpaaŋ.

2 KUOROO 2:3

Wɩa wʋlaabʋllaa sɩ hɛ Bɛtɛl lɛ kʋ lɩɩ pɩɛsɛ Elaasa, “Ŋ jɩma arɩ La TƖƖNA jaŋ joŋ ŋ nɩhɩaŋ jɩnɩŋ a kaa viiri koo?” Ʋ bʋl, “Oo, mɩ jɩma nɛ, ama, má tɔrɛ ma niiŋ.”

2 KUOROO 2:5

Wɩa wʋlaabʋlla-la sɩ hɛ Jeriko lɛ ma kʋ lɩɩ pɩɛsɛ Elaasa, “Ŋ jɩma arɩ La TƖƖNA jaŋ joŋ ŋ nɩhɩaŋ jɩnɩŋ a kaa viiri koo?” Ʋ bʋl, “Oo, mɩ jɩma nɛ, ama, má tɔrɛ ma niiŋ.”

2 KUOROO 2:7

Wɩa wʋlaabʋllaa mahɩŋ balɩa arɩ fii to Ɩlaaja arɩ Elaasa harɩŋ a mʋ chɩŋ dɩ-bolii mʋa, a bibeŋ ka ba balɩa mʋ chɩŋ Jɔdaŋ fuo-la niiŋ.

2 KUOROO 3:15

Elaasa bɩra bʋl, “Má yɩrɛ cheŋ-duuro pɩmɛ.” Cheŋ-duuru-la sɩ kɔ a du, La TƖƖNA doluŋ kʋ jʋʋ Elaasa.

2 KUOROO 4:38

Ŋɩɩ harɩŋ lɛ nɛ Elaasa mɩɩra kɔ Gɩlɩgal tinteeŋ, dɩ losuŋ jʋʋ nɩmɛ. Tapʋlɩɩ kʋbala ʋ dɩdagɛ Wɩa wʋlaabʋlla-la sɩ kɔ ʋ teeŋ. Ŋɩɩ nɛ ʋ bʋla pɩ ʋ tɩntɩnna, “Hɛ nyiniŋ a joŋ pupoi-balɩŋ a chɔ dɩsɩŋ pɩ Wɩa wʋlaabʋllaa deemba.”

2 KUOROO 6:1

Tapʋlɩɩ kʋbala Wɩa wʋlaabʋlla-la sɩ hɛ Elaasa teeŋ bʋla pʋ, “Lee-la la sɩɩ hilimu muuro nɛ a pɩla.

1 IZIRAL TƖŊŊAA NAABARƖŊ 11:16

Bʋa-la lɛ dɩ Devit faa bʋbʋa-la lɛ, ka Fɩlɩsɩtɩa laalɩyuoroo ma fa hɛ Bɛtɩlɛhɛm lɛ.

1 IZIRAL TƖŊŊAA NAABARƖŊ 13:8

Ŋɩɩ nɛ Devit arɩ Iziral tɩmma-la kala sɩ hɛ nɩmɛ, faasa jʋjʋɔsɛ arɩ ba doluŋ kala Wɩa sɩpaaŋ, a yɩɩ yɩɩlaa a du chenniŋ, kɔnɛba, aa chɩchɩgɩsɛ chɩnchɩgɩsɩŋ, buguloo, a ŋmʋŋmʋʋ nyilliŋ ma.

1 IZIRAL TƖŊŊAA NAABARƖŊ 16:42

Hemaŋ arɩ Jedutuŋ nɛ faa ŋmʋʋ nyilliŋ, a chɩchɩgɩsɛ buguloo a dudu gugonnu-la dɔnsʋŋ dɩ ba nɩɩ yɩɩ yɩɩlaa. Jedutuŋ hambolibiisiŋ nɛ faa pɔ boiŋ niiŋ.

1 IZIRAL TƖŊŊAA NAABARƖŊ 16:5

Asaf nɛ fa ŋaa nɩalɩŋ ʋ sɩ lɩɩsa kʋhɩaŋ, Zɛkarɩya tɩtɩgɛ. Ba harɩŋ nɩaa ma nɛ ŋ-la: Jɛyɛl, Sɛmɩramɔf, Jɛhɩɛl, Matɩtɩa, Ɛlɩab, Bɛnaaya, Ɔbɛd-Ɛdɔm arɩ Jɛyɛl. Ba nɛ faa du kɔnɛba arɩ chenniŋ, ka Asaf ma chɩchɩgɩsɛ buguloo.

WƖA YƖƖLAA 49:4

Mɩ jaŋ fɩɛlɛ mɩ sɩaa a jegile nɩɩ namagaba, a du cheŋ aŋ dɩdagɛ ba bʋbʋɔŋ.

WƖA YƖƖLAA 92:3

a du kɔnɛ a yɩɩ yɩɩlaa arɩ cheŋ a dɛnnɩŋ.

1 Kɔrɩntɩ Nɩaa 14:1

Má kʋŋkala fɩɛsɛ sɩɩ a chɩchɛ ŋɩɩ ma sɩ jaŋ wuo ŋaa a cho nɩaa, a fɩɛsɛ sɩɩŋ ma a chɩchɛ kɩalɩŋ Wɩa Dɩŋ-zɔmʋŋ sɩ joŋo didii zile nɩaa lɛ, a wasanyaŋ kʋ-la ʋ sɩ jaŋ joŋo pɩma dɩ ma wuo bʋbʋl Wɩa wɩaa, ʋ Dɩŋ-zɔmʋŋ doluŋ lɛ.

1 SAMƲƐL 10:10

Sɔɔl arɩ ʋ tɩntɩnnʋ-la sɩ mʋ yi Gɩbɩa, Wɩa wʋlaabʋllaa pʋɔlɛ a kʋ chemu. Wɩa Dɩma-la kʋ jʋʋ Sɔɔl arɩ doluŋ woruŋ, ʋ ma pɛ ba lɛ ba bʋbʋl wɩaa Wɩa doluŋ lɛ.

1 SAMƲƐL 10:4

Ba jaŋ lɔllʋŋ aŋ joŋ boroboroba balɩa a pɩŋ. Ʋ maga ŋ sɛɩ nɛ a laa boroboroba-la.

1 SAMƲƐL 13:2

Sɔɔl fa tʋɔsɛ Iziral laalɩyuoroo bʋɩ batori nɛ. Bʋɩ balɩa hɛ ʋ teeŋ Mɩkɩmas arɩ Bɛtɛl tintee-la peelee sɩ yʋga lɛ, ka bʋɩ ma hɛ ʋ nanʋala Jonataŋ teeŋ Gɩbɩa sɩ hɛ Bɛnjamɩŋ tinteeŋ lɛ, aŋ leŋ baala-la nɩkaanaa mɩɩra mʋ ba dɩɩsɩŋ.

1 SAMƲƐL 13:3

Tapʋlɩɩ kʋbala Jonataŋ mʋ yuo Fɩlɩsɩtɩa tɩŋŋaa laalɩyuoro-la buguŋ sɩ hɛ Geba lɛ a chei ʋ kala, ŋɩɩ nɛ Fɩlɩsɩtɩa tɩŋŋaa dɔnsʋŋ nɩɩ wɩɩ-la. Sɔɔl tɩŋ nɩaa ba ŋmʋʋ banyile Iziral tinteeŋ kala lɛ a bʋl wɩɩ-la pɩ Iziral tɩŋŋaa kala, aŋ yɩrɛba dɩ ba mʋ laalɩŋ.

1 SAMƲƐL 19:20

Ŋɩɩ nɛ ʋ hɛ nɩaa dɩ ba mʋ kɛnʋ. Ba sɩ mʋa, ba na Wɩa wʋlaabʋllaa dɩ ba hilime a bʋbʋl wɩaa Wɩa doluŋ lɛ. Samʋɛl hɛ nɩmɛ a ŋaa ba sɩpaalaara. Ŋɩɩ nɛ Wɩa Dɩma kʋ jʋʋ nɩalɩŋ Sɔɔl sɩ tɩma, ba ma bʋbʋl wɩaa Wɩa doluŋ lɛ.

1 SAMƲƐL 9:12

Ba bʋl, “Ʋ hɛ nɩmɛ. Ʋ hɛ ma sɩpaaŋ. Má ŋaa lɩma, ma jaŋ puu. Jɩnɩŋ nɛ ʋ kɔ la jaŋ, bɛɛ wɩaa nɩaa ka chɛ dɩ ba kpʋ pʋsʋŋ a sʋl Wɩɩsʋlʋŋ nɛ dundolo-la nyuŋ ba sɩɩ ŋaa Wɩɩsʋlʋŋ.